MATTHEW 5:3 - DARA GADAIN N.T. with PSA and PRO (BSI)

³ Sere bese ha jar khe dukhisa thi hi mithi layarao de bonsi ni khophal hambi, sorgo raji de bonsi ni se.

MATTHEW 5:3 Iomraidhean Croise

BAKHAN NI RAJABTHAI 1:1

Sere hamyayarao ni bisar khe maniya Phaphi subungrao ni khamthan ha bo khamya Mujiyayarao ni khamthan ha bo khamya Bo subung ni khophal hamba se.

BAKHAN NI RAJABTHAI 112:1

Gabra khe bakhan ri lah Sere Gabra khe khin re, ar boni hukhum ha khaja la re, Boni jathai hambi.

BAKHAN NI RAJABTHAI 128:1

Sere sere Gabra khe khin hi Boni lama ha hem du, bonsi ni khophal hambi.

BAKHAN NI RAJABTHAI 146:5

Jakob-ni Madai, sere khe juru du, boni khophal hambi Sere Gabra jar ni Madai ni basao ha asa dengyaba khe khophal hambi.

BAKHAN NI RAJABTHAI 2:12

Basa khe khaja hi khasao lah Niyakhade bo thamsi baigo khade Ning lama ha ning sjam jao ma se. Sere boni ha dimkhao jao re boni khophal hamba se.

BAKHAN NI RAJABTHAI 34:18

Khah ha grayarao niha Gabra sampha du, Khah phinyarao khe bo sogo re.

BAKHAN NI RAJABTHAI 41:1

Dukhisarao khe baoyarao ni khophal hambi, Gmang-giji ni bubli habo bonsi khe Gabra juru nang.

BAKHAN NI RAJABTHAI 51:17

Madai khe khaja riyaba bandai de khasu ha khah baiyaba se O Madai, dukhu jang khah phinyaba khe de ning naisleya.

BAKHAN NI RAJABTHAI 84:12

O Gabra, Raodaothaoyaba, Sere nini ha lonma deng re, bo subung ni jathai hamba se.

GYAN NI GRAO BUTHU 16:19

Sanggayarao jang baosi ja hi don mai hi dong ba thane Subung magainyarao jang nekhlik jao hi dongba hamdao.

GYAN NI GRAO BUTHU 29:23

Subung jar ni sanggama jang galai ja re Thikhabo, subung gasainyarao bakhan mai ma se.

GYAN NI GRAO BUTHU 8:32

Odebani, ani basathu, ani grao khe khna lah. Ani lama ha hemyarao de khophal hamba se.

MATTHEW 11:25

Bo bubli ha Jisu thiba, O Abai, phirthi jang sorgo ni Gabra, subung girikyarao ode bujiyarao niha ebo grao khe huikhao hi, ansarao niha ning sainthi bani ning khe ang bakhan khlai du.

MATTHEW 11:6

Sere ani basao ha khah maniya maiyayaba de boni khophal hambi, thi hi thi tha.”

MATTHEW 13:16

“Nisini muthai nuba ni khlai hi ar nisi ni khmao bo khna bani khlai hi nisi khaja lah.

MATTHEW 19:14

Jisu thiba, ansarao khe aniha haiha lah, bonsi khe da magna; sorgo raji de eleiyaba subung ni khlai hi se.

MATTHEW 24:46

Bubra phaiba ha leng olei khusi dangba khe bo nuphai khade boni khophal hambi!

MATTHEW 25:34

Boha se Raja jar ni subung buthu yaoda gede dengyarao khe thima, Phai lah, ani bupha khe khaja riyarao, habsao sangsai jenba ni phrang nisi ne khlai hi hathan salaiyaba khe bubra ja lah.

MATTHEW 3:2

Bo thi ba, Khah phin lah, sorgo raji sampha kha,

MATTHEW 8:11

Ang nisi khe thi du, sainja sain jroba ni phrang gabang subung phai hi, Abraham, Isak ar Jakob niha phai hi, sorgo raji ha kham nang;

MARKA 10:14

Thikhabo, Jisu ebo khe nuhi hamsi ning jajaoya ba. Odebani bonsi khe thi ba, ansarao khe ani ha haiha lah, bonsi khe da mathao. Bede thikhade Madaini raji de elaiyaba subung buthu ni se.

LUKE 11:28

Thikhabo, Jisu thiphin ba, Sere Madai ni grao khe khna hi mani re, bonsi ni khophal ar hamdao kho!

LUKE 18:14

Ang nisi khe thi du, bo Pharisai subung thane de khajna khrangyaba gajai giri hi noh ha thangphin kha. Bede thikhade sere jar khe sugu ma bao re, bokhe hidao rima, sere jar khe hidao ri re, bo sugu jaoma se.

LUKE 22:29

ani bupha anthane raji riba lai ning, ang bo nisine ri du.

LUKE 22:30

Ani raji ha nisi, ani basang ha jihi linghi dongphu mani khlai hi, ar Israel sengphong jhi gini ni basao ha nisi Rajani khamthan ha khamphu ma.”

LUKE 4:18

Gabra ni bese ani basao ha dongbani, Dukhisarao niha hamba graojma khe sainthi mane bo ang khe saikho ba. Leng jahi dongyarao khe haiger ri mane, Ganarao muh nuphin mani grao khe sainthi mane, ar Dukhu rijaoyarao khe sogo mane,

JOHN 20:29

Jisu bo khe thi ba, Ang khe nuhi se ning lon ba; ang khe nuyahi sere lon du, bonsi bislei khaja du!

JAKOB 1:10

Gnang subung bo jar khe basasa khlai bani bo khaja la thing, bede thikhala, gnang subung sam bubar lai jam ginyaba se.

JAKOB 1:12

Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

JAKOB 2:5

Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?

NUJAOYABA 19:9

Odehe, sorgo ni degla ning ani ha thi ba, Ebo khe reb lah: Melmasa noh jayaba mel ha jama jayarao de bonsi ni khophal hambi. Bo ning ani ha, Ebo grao buthu Madai ni grao gibiyaba se, bo odehebo thi ba.

NUJAOYABA 22:14

Hayu ni bongphang basao ha bonsi hukhum yaowai phu mani ode, derga ha nogor hap phu mani khlai hi bonsi ni gainsari ragao sisi suyarao ni khophal hambi.

NUJAOYABA 3:17

Ning thibai la du, ang de gnang se, somphothi bang bi, musibo soya jaya ning, thikhabo ning dukhi se, khasao sisi suliya, muthai gana, langtha, khongja se thihi jar khe tharmai laya.