MATTHEW 5:29 - DARA GADAIN N.T. with PSA and PRO (BSI)

²⁹ Odehe, nini yaoda ni muthai jang ning khe khuda hi galai ri khade khaikho hi dangkhlai lah. Nini saomang norok ha dangsing jao hi dong ba thane, nini saomang ni masi jamba se nini khlai hi hamdao.

MATTHEW 5:29 Iomraidhean Croise

MATTHEW 10:28

Saomang khe sthai hi bese khe sthai phuyayaba khe da khin. Thikhabo, norok ha bese jang saomang sthai phuyaba khe khin lah.

MATTHEW 11:6

Sere ani basao ha khah maniya maiyayaba de boni khophal hambi, thi hi thi tha.”

MATTHEW 16:26

Subung habsao ni khrip ni bubra jahi jar ni hayu jam kha la, boni khlai hi snadi lab jama? Niya khala, subung jar ni hang ni baslai ha snadi khe ri ma?

MATTHEW 17:27

Thikhabo, ning dih wari ha thang hi, phisa bim lah; ode, nah sagangthao baigoyaba khe rem hi, boni bukhuh khe sasi kha ning rang bagrai magin mai nang; bokhe lahi ning jang ani khlai hi bonsi ne ri lah, ode niyakha de bonsi khah ha hamjaoya jajao nang.

MATTHEW 19:12

Subung phida khaoyaba, sereba de buma ni sao ni phrang olei jayaba dong, sereba de subung ni yao jang phida khaoyaba dong, sereba de sorgo ne khlai hi jar khe jar phida khaoyababo dong, sere ebo khe mani phudu bo mani thing.

MATTHEW 23:15

Nisi Dara khe slingriyaba ode Pharisai giriklaiyarao, nisi ni bubain risi bi! Subung hamya slam mane khlai hi sagor ha ode hakhong ha nisi daobai re, ode olei ning hamya ja khade bokhe nisi thane phantha gin bangdao hi saja thani norok ni basa ha nisi slam re.

MATTHEW 23:33

O jbu buthu, jbu ni basa buthu, nisi norok ni saja ni phrang bede go ma?

MATTHEW 5:22

Thikhabo, angde thi du, sere jar ni daphlung ni basao ha thamsi baigo du, bo bisar khlaijao ma se; ode, sere jar ni daphlung khe khusi ha nangjaoyayaba thi du, bo bisar khlaijao ma se; sere gibir thi du, bo norok ni wai ha dangsing jao ma se.

MATTHEW 5:30

Nini yaoda jang ning khe doda ri du thikhade, bo khe dainso hi dangkhlai lah. Nini saomang khrip norok ha dangsing jaoba thane nini yao gongsi giriba se nini khlai hi hamdao.

MARKA 8:36

Subung khrip mulug khe maithar khabo, jarni hayu khe khma kha la, bo ne snadi lab jama kho? Musi lab ja nang niya kha.

LUKE 12:5

Thikhabo, sere khe nisi khinma nang re, ang nisi ne thi ri nang; sthaiba ni yaohonha norok ha lemsing mani khemotha gnang khe khin lah. Ang thi du, bo khe se ning khin lah!”

ROM 6:6

Phap ni leng jahi jing dongya mani, phap ni saomang bubim khe sthai hi dong phu mani khlai hi, jini subung gajam khe bo jang baosi dikpha kha thihi jing tharmai du.

ROM 8:13

saomang gede nisi thanghi dong khade nisi thih ma se; thikhabo saomang khusi dangyaba buthu khe bese jang nisi sthai kha de, nisi hayu mai ma se.

1 KORINTH 9:27

Ani saomang khe ang bol jang dohi dohi, ang leng ne jar khe slam re; ode niyakha de, gibin subung buthu niha grao khe bai bani yaohon ha, ang jarbo dangkhlai jao ma se.

GALATIA 5:24

Ode, Krista Jisu ni subung buthu de, saomang ni baothai mijingma buthu khe bubim jang kross ha bonsi dikpha kha.

KOLOSSA 3:5

Nisi niha habsao ni jinis dongyaba buthu khe sthai lah. Khah nang baiyaba, rege regeyaba, gaori jabaiyaba, mijing baiyaba phap, harbaoyaba, (ebo buthu de saokhuli khe khlimyaba jang baosi se) ebo buthu khe sthai lah.