MATTHEW 5:22 - DARA GADAIN N.T. with PSA and PRO (BSI)

²² Thikhabo, angde thi du, sere jar ni daphlung ni basao ha thamsi baigo du, bo bisar khlaijao ma se; ode, sere jar ni daphlung khe khusi ha nangjaoyayaba thi du, bo bisar khlaijao ma se; sere gibir thi du, bo norok ni wai ha dangsing jao ma se.

MATTHEW 5:22 Iomraidhean Croise

BAKHAN NI RAJABTHAI 109:3

Thamsi ni grao thi hi ang khe gading kha Balam giri hi ang jang nanglai du.

BAKHAN NI RAJABTHAI 14:1

Gibir de jarni khah ha, Madai giri thi hi thi re Bonsi khrip hasla se, odebani regeyaba khusi khe se dang ba, Gibi khusi dang ne saosibo giri.

BAKHAN NI RAJABTHAI 25:3

Ning khe jonhi dongyarao de saosibo laji nu nang niya Sere mosol jo re, bo de laji nu ma se.

BAKHAN NI RAJABTHAI 35:19

Jaya hi sotru jayarao ani basao ha da khaja thing Balam giri hi ang khe jajaoyayarao ani basao ha da khaja thing.

BAKHAN NI RAJABTHAI 37:8

Thamsi khe da yaowai, thamsi khe haiger lah; Jar khe jar dukhu da ri lah, niyakha de ning hamya khusi dang ma se.

BAKHAN NI RAJABTHAI 49:10

Subung girikyaraobo thi du Subung gibir ode khripbo mithi du, Thiba ni yaohon ha bonsi ni don malai ne galang du.

BAKHAN NI RAJABTHAI 69:4

Musibo graothai giri hi ang khe hingsa jayarao Ani bokhro ni khnai tha bo bangdaoya kha Musibo balam niya hi ang khe sotru jajaoyarao bangdao kha. Sere ang khe smai hi sjam ma bao re, Snadi khe ang khaoya, bokhe bo ang khe riphin ri mane bol seng du.

BAKHAN NI RAJABTHAI 7:4

Ani lugu khe dangkhlai hi Ani sotrurao khe musibo niya hi de kha de,

BAKHAN NI RAJABTHAI 92:6

Bujima giriyaba subung tharmaiya, Gibirrao bo bujiya.

GYAN NI GRAO BUTHU 14:16

Subung girikyaba de phap khe nangjaoya hi Gabra khe khin du Thikhabo, subung gibir de haglai grao jo hi khusi khebo baothai hi dangya.

GYAN NI GRAO BUTHU 18:6

Subung gibir ni khuh jang nam phnang re Boni khuh ni grao jang su lai ri re.

MATTHEW 10:17

Subung ni bising hade girik lah. Bonsi ni bisardarrao nisi khe rem rima, ode, bikhoh ni noh buthu ha nisi khe doma-suma se.

MATTHEW 10:28

Saomang khe sthai hi bese khe sthai phuyayaba khe da khin. Thikhabo, norok ha bese jang saomang sthai phuyaba khe khin lah.

MATTHEW 12:24

Pharisairao bo grao khe khna hi, Ebo subung la sgain madai ni raja Beelzebub ni khlai hi niyakha de sgain madai khe rik khlai phu nang niya, thihi bonsi thi lai ba.

MATTHEW 17:5

Bo grao thisaiba ha ning, jimi guphu jnayaba jang bonsi khe phungkhlip phai kha; odehe, jimi ni phrang khurang elei baigo ba, Ebode ani basa, ang hamjao daothaoyaba se, boni grao khe khna lah.

MATTHEW 18:21

Boha Peter Jisu niha phai hi thiba, Gabra, ani daphlung ani basao ha alang alang phap khusi dangkha la, bokhe ang phin bisi map khlai ma? Phin sni sosi?

MATTHEW 18:35

Odelei ning nisi saosi jang saosi jar ni daphlungrao khe nisi map khlaiya khade, ani Bupha, sorgo ha dongyababo olei ning nisi ni basao ha khlai ma se.

MATTHEW 23:15

Nisi Dara khe slingriyaba ode Pharisai giriklaiyarao, nisi ni bubain risi bi! Subung hamya slam mane khlai hi sagor ha ode hakhong ha nisi daobai re, ode olei ning hamya ja khade bokhe nisi thane phantha gin bangdao hi saja thani norok ni basa ha nisi slam re.

MATTHEW 23:33

O jbu buthu, jbu ni basa buthu, nisi norok ni saja ni phrang bede go ma?

MATTHEW 25:41

Boni yaohon ha, boni yaosi gede subung dongyaba buthu niha thi ma, Sot rijaoyarao, thaoglao ni wai ha Soithan jang boni deglarao ne bonsi salaiyaba ha angkhe haiger lang hi thang lah.

MATTHEW 26:59

Odehe, bokhe bonsi sthai phu mane khlai hi Jonthaimarao ode Bisardarrao khripbo Jisu ni gajai khe mosol sakhi ne bonsi smai ba.

MATTHEW 3:17

Odehe, sorgo ni phrang khurang si, Ebo de ani basa hamdaothao ar ang khaja daothaoyaba se, thi hi khna ba.

MATTHEW 5:34

Thikhabo, ang de nisi khe thi du, asaba khalibo smai da dang; sorgo ni bumu lahi smai da dang, bode Madai ni khamthan se; phirthi ni bumu khe lahi bo smai da dang, bode boni igah dengthan se.

MATTHEW 5:44

Thikhabo, ang de nisi khe thi du, nisi ni sotrurao khe khasao lah; nisi khe dukhu riyarao ne Madai bi ri lah.

MARKA 14:55

Jonthairao ar khrip bisardarrao Jisu khe sthai mane balam smai ba, thikhabo bonsi saosibo musi balam mai phuya.

MARKA 15:1

Phorongma ha Jonthaimarao, Dara khe slingriyarao ar bisardarrao jang goronlai hi sainlai ba, ode Jisu khe Pilat niha siklang ba.

LUKE 12:5

Thikhabo, sere khe nisi khinma nang re, ang nisi ne thi ri nang; sthaiba ni yaohonha norok ha lemsing mani khemotha gnang khe khin lah. Ang thi du, bo khe se ning khin lah!”

LUKE 22:66

Phorongma ha, Hojarao, Jonthairao ar Dara khe slingriyarao, bojom jalai hi Sanhedrin ha bo khe langpha ba.

JOHN 11:47

Ode, Jonthaimarao, Pharisairao, Khamhojarao khe masi mel jamani longthim ba, Jing snadi khlaima kho? thi hi bonsi sing ba. Ebo subung gabang ning gmang thaosisiyaba khusi khe dang phnu kha.

JOHN 15:25

Thikhabo snadi bonsini Dara ha reb langyaba dong ba, ebo jathar mani se ja ba. Musibo gajai giri hi bonsi ang khe naisle ba.

JOHN 7:20

Subung buthu thiphin ba, Ning de sgain madai se. Sere ning khe sthaima bao ba?

JOHN 8:48

Judarao thiba, Ning Samari ni subung, sere ni bising ha sgain madai dongyaba thihi jing thiyaba de jing gibi thiba niya?

DANGYASARAO 17:18

Epikuria ode Stoik slingriyasarao sereba subung gyanirao bokhe bonsi jophai ba. Bonsi ni bising ha gejesi, Ebo subung grao bangyaba la snadi grao khe thima bao ba? bonsi ode thi ba. Sereba gejesi jakha de, Raji gibin ni Madai buthu ni grao khe sainthiyaba janai du dou! ode bonsi thilai ba. Bede thikhade, Paul Jisu ni grao ar thanghi baijaphin bani grao khe thi kha.

DANGYASARAO 22:30

Bo basain ni dakhna ha Judarao snadi jabani Paul khe bonsi gajai ri ba thihi hamsisi tharmaima nangjao hi siphaiyarao ni hoja gedeba ning bokhe khayaba khe khuru hi, jonthairao ni gedeba ode khrip bisardarrao khe bojom jamani khlai hi bo hukhum ri ba, ode Paul khe langpha hi, bonsi ni sagang habo khe song ri ba.

DANGYASARAO 23:1

Paul de bisardarrao khe naipha hi thi ba, Daphlungrao, ang de dini sosi bo Madai ni muh ha hamba ni gede ang tharmaiyaba si khe dang hi ning dong re.

DANGYASARAO 24:20

Niyakha de, ebo buthu ning bisardarrao ni sagang ha ang songba ha ani snadi gajai dang ba, thi la thing.

DANGYASARAO 4:15

Odebani, bonsi bisar ni phrang bonsi khe haiha bani yaohon ha, bonsi jar jang jar sainlai ba.

DANGYASARAO 5:21

Apostolrao bo grao khe khna hi, nokha naima jaba bubli ha, Madai ni bikhoh ha hap hi, bonsi sling ri ba. Jonthaima dedao thaoyaba jang boni lugurao phai hi, bisardarrao jang Israelrao ni grengrao ni khraorao bonsi khrip longthim lai hi, Apostolrao khe labu mani khlai hi, phatho khoh ha bonsi subung haiha ba.

DANGYASARAO 5:27

Bonsi labu hi sophai ba jang bonsi khe bisardarrao ni sagang ha song ri ba. Ode, Jonthai dedao thaoyaba bonsi niha,

DANGYASARAO 6:12

Elei ning subung buthu, khraorao, Dara khe slingriyarao, bonsi jaokhu hi, Stephan khe rem hi, bisardarrao niha lang ba.

DANGYASARAO 6:15

Boha, bisardarrao khrip bo Stephan khe nailai ba, boni mukhang khe degla ni mukhang lai bonsi nu ba.

DANGYASARAO 7:37

Israel sarik surik buthu niha thi ba, Madai ang khe slamba lai ning, nisi ni daphlungrao ni bising ha, subung saosi gorasali nisi ne slam ri nang, thiyaba Moses ning ja kha.

ROM 12:10

Daphlungrao, hamjaoma ha de nisi saosi jang saosi hamjao lai hi, bakhan khlai lah.

1 KORINTH 6:10

khao jibaiya buthu, harbaoyarao, bao la jabaiyarao, subung jothaiba raoyarao, dakhatrao, eleiyaba jinis khe dangyarao de Madai ni raji khe mai nang niya.

1 KORINTH 6:6

Jarni daphlung jang daphlung khe bisar ha bonsi so ri re? Bobo lonyayarao ni sagang ha se kho!

1 THESSALONIKA 4:6

Ebo ni balam hade saosi bo gajai jang jar ni daphlung ni basao ha gajai khusi da dang thing, bede thikhade Gabra de olei khusi dangyarao khrip khe baslai layaba se bani, jingbo ebo grao khe sainthi da hi nisi khe jing khna ri da kha.

TITA 3:2

saosi khebo hamya thiya mani, nam khormu phnangya mani, gasain mani, ode khrip subung ni bakhla ha hapyaba grao gibi khe wainso phin ri lah.

HEBRAIRAO 12:25

Girik lah, grao sainthiyaba khe nisi nangjaoya jajao nang. Phirthi ha bonsi niha grao sainthiyaba khe nangjaoya jayarao ning saja khe lailang phuya kha la, jing bo sorgo ni phrang jinthane grao sainthiyaba khe jing dangkhlai kha la jing braha lailang phu ma!

HEBRAIRAO 5:9

Gibi khlai hi jaba ha, jar ni khrip grao maniyarao ne khlai hi thaoglao sogoma ni khithabo ja kha.

JAKOB 2:20

Hoi gibir subung! Khusi dangya hi lonma se ning de musibo niya thihi ning mithima nangjao du?

JAKOB 3:6

Ode, slai bo wai lai se. Jini saomang ni bedep gibin gibin buthu ni bising ha hamyayaba habsao lai se, phura saomang khe rege rege khlai hi phura subung ni saomang khe bo saokhrip re, ode slaibo bo sajathan ni wai jang saokhrip re.

1 PETER 2:23

Bokhe malai jo la khabo, bode jophinya, bode dukhu jabani saosi khebo jaobaiya; gibi jang bisar khlaiyaba niha se jar khe jar yaopha la ba.

1 PETER 3:9

Phap khe phap jang da suphin, odehe sarithai khe sarithai jang suphinya hi, hamthai se ri lah; hamthai mai mani khlai hi se Madai ning nisi khe longba se.

1 JOHN 2:9

Jar ni daphlung khe jajaoya hi ning, Jnama ha ang dong thikhade, duhabo andar ha ningbo dong kho.

1 JOHN 3:10

Madai ni basathu jang soithan ni basathu khe mithi phuyaba de ebo ning ja kha: sere gibi khusi khe dangya, bo Madai ni phrang baigoyaba niya. Jar ni daphlung khe khasaoyayaba de Madai ni phrang baigoyaba niya.

1 JOHN 5:16

Sere jar ni daphlung thihma nang si phap khusi dangyayaba nu khade, bonthane sain ri nang, Madai ning bokhe hayu ri ma se. Ebode thima nang si phap khusi dangyayaba ni khlai hi se. Thima nang si phap dong, olei khusi dangyaba ne Madai bi rima nang ma thihi ang thiya.

JUDA 1:9

Sorgo ni degla dedao thaoyaba, Mikael ning Moses ni manggathi khe Diabol jang selai khali ha bokhe bo siji raoya, Gabra ning ningkhe jo la thing bo ning odese thi ba.

NUJAOYABA 20:14

Odehe, thihyaba jang subung githi ni nolei khe bonsi wai ni kharnai ha dang sing ba. Ebo wai ni kharnai de thih maginyaba se.