MATTHEW 5:18 - DARA GADAIN N.T. with PSA and PRO (BSI)

¹⁸ Gibi jang ang nisi khe thi du, phirthi nokhasao jamya side dara ni rebyaba ha gijisa ganthi ja thing, gijisa rul sikyaba ja thing, masi jahi bo jam nang niya.

MATTHEW 5:18 Iomraidhean Croise

BAKHAN NI RAJABTHAI 102:26

Bo buthu khrip jam ma, thikhabo ning de dongsong ma se. Bo buthu khrip rih jigaoba lai jigao ma Rih lai slaiphin ma se, ode bonsi khe dangkhlai ma se.

BAKHAN NI RAJABTHAI 111:8

Thaoglao thaoglao ni khlai hi boni dara de gejeb bi Bo dara buthu de lonma-gnang ar gibi jang slamyaba se.

BAKHAN NI RAJABTHAI 119:152

Nini dara buthu de thaoglao thaoglao ni khlai hi se thi hi Sagang ni phrang ang mithi kha.

MATTHEW 10:15

Gibi jang nisi khe thi du, wainso bani basain hade bo nogor buthu thane de Sodom jang Gomorra nogor ni dukhu jayadao nang kho.

MATTHEW 10:23

Masi nogor ha nisi khe dukhu rikha de, nogor gibin ha khailang lah; gibi jang ang nisi khe thi du, Marsi ni Basa phai mani sagang ha de Israel ni khrip nogor buthu ha thang thar phu nang niya.

MATTHEW 10:42

Odehe, sere ebo subung khasi daothao ni bising ha saosi niha ani yaohon rikphayasa tharmai hi disain bela si thikhabo dih lingma rikha de, gibi jang ning khe ang thi du, boni yaosandi de gmathaoya, bo thi ba.

MATTHEW 11:11

Gibi jang ang nisi khe thi du, masainjikrao hajai riyaba ni bising ha Baptisma riyaba Johan thane dedaoyaba saosi bo baigoya kho. Thikhabo sorgo raji ha khasidao thaoyaba bo Johan thane bo dedao.

MATTHEW 13:17

Gibi jang ang nisi khe thi du, gabang gorasalirao ar gabang subung hamyaraobo nisi nuyaba buthu khe naima mijing re, thikhabo bonsi nuphuya; nisi bujiyaba buthu khebo bonsi bujima mijing re, thikhabo bonsi buji phuya”.

MATTHEW 16:28

Gibi jang ang nisi khe thi du, eraha songyarao ni bising ha sereba sereba de Marsi ni Basa jar ni raji ha phaiba khe nuya side bonsi thihba khe jen naiyayaba dong, ode bo thi ba.

MATTHEW 17:20

Bo bonsi khe thiphin ba, “Nisi ni lonma bangya bani. Gibi jang ang nisi khe thidu, nisi niha yaolei bogrong grongsi lai lonma dong khade, ebo hading khe eraha ni phrang oraha disai lah nisi thi khade, bo disaijao la ma se, nisi ne khlai hi dangphuyayaba musibo giri.”

MATTHEW 18:18

Gibi jang ang nisi khe thi du, phirthi saoha asaba khebo ning khah khade, sorgo habo bokhe ning khah ma se; phirthi saoha asaba khebo khru khade, sorgo habo bokhe ning khru ma se.

MATTHEW 18:3

Gibi jang ang nisi khe thi du, nisi bakhali khah slaihi ansarao lai jaya side, sorgo raji ha hap phu nang niya.

MATTHEW 19:23

Boha Jisu jar ni yaohon rikphayarao khe thi ba, Gibi jang ang nisi khe thidu, gnang subung ni khlai hide sorgo raji ha hapba hamsi ning du bi.

MATTHEW 19:28

Jisu bonsi khe thiba, Gibi jang ang nisi khe thi du, gadain slamyaba ha se Marsi ni Basa jar ni muima khamthan ha khamba ha, nisi ani yaohon rikphayarao khe Israel jadi jhigin khe bao hi Raja ni khamthan majhigin ha nisibo kham ma se.

MATTHEW 21:21

Jisu bonsi khe thiphin ba, Gibi jang ang nisi khe thi du, nisi lonma denghi lonsoya jaya khade, thaikhrao phang ni basao ha dangba lai se ning dang nang niya; ebo hading niha bo disai lah, ode sogor ha dangsing lah nisi thikha de, nisi thiba lai ning ja ma se.

MATTHEW 21:31

Ebonsi gini ha bupha nangjaoba lai sere dang ba? thihi Jisu bonsi khe sing ba. Bonsi thiphin ba, Sagang ni. Jisu bonsi khe thiphin ba, Gibi jang nisi khe thi du, khajna khrangyarao ode sao phainjiyarao ning tha sagang hi sorgo raji ha hap ma se.

MATTHEW 23:36

Gibi jang ang nisi khe thidu, ebo buthu khrip duha ni jug ni subung buthu ni basao ha sophai ma se.

MATTHEW 24:2

Boha bonsi khe thiba, Ebo buthu khrip khe nu kha na? Gibi jang ang nisi khe thi du, ebo hathan ni phrang longthai thaisi jahibo gibin longthai ni basao ha dong nang niya; khrip sbaijao thar ma se.

MATTHEW 24:47

Gibi jang ang nisi khe thidu, boni ha khrip dongyaba somphoti ni basao ha bokhe hoja slam ma se.

MATTHEW 25:12

Gibi jang ang nisi khe thi du, ang nisi khe tharmaiya, thihi bo thiphin ba.

MATTHEW 25:40

Raja bonsi khe thiphin ma, Gibi jang ang nisi khe thi du, ebo ani basa khasi daothaoyarao ni bising ha subung saosi ni basao ha nisi dangba de, ani basao ha se nisi dang ba, thihi bo thiphin ma se.

MATTHEW 25:45

Odehe, bo bonsi niha thiphin ma, Gibi jang ang nisi khe thi du, ebo subung khasi daothaoyaba ni bising ha subung saosi ni basao ha nisi dangya khade, ani basao ha se nisi dangya ja ba.

MATTHEW 5:26

Gibi jang nisi khe thi du, lagai phura riphinya side nisi ora ni phrang baigo phu nang niya.

MATTHEW 6:16

Nisi jiya hi hoh khongja dong khabo, subung giriklaiyarao lai mukhang mao hi da phnu. Bonsi de subung ni muh ha hoh khongja nujao mane bonsi ni mukhang khe bonsi sim ri re. Gibi jang ang nisi khe thi du, bonsi ni yaosandi khe bonsi mai thar kha.

MATTHEW 6:2

Odebani, ning malai ne yaosandi riba ha, subung giriklaiyarao jang bakhan rijao mane bojom jayaba hathan buthu ha ode, daoglap buthu ha bonsi riba lai, nini sagang ha bibul da dam ri.

MATTHEW 8:10

Jisu ebo grao buthu khe khnaba jang hamsi ning gmang hi bo jang rikphayarao niha bo thi ba, Gibi jang ang nisi khe thidu, Israelrao ni bising habo elei lonma raoyaba khe ang nuya kho.

MARKA 10:15

Sere ansarao lai Madaini raji khe hamjaoba lai hamjaoya khade Madaini raji ha hap mai nang niya.

MARKA 10:29

Jisu bokhe thiphin ba, Gibi jang ang nisi khe thi du; sere ani khlai hi, ode hamba graojma ni khlaihi jarni noh ar bada buphlung, bubi bahandao, buma-bupha, basa-bisik khebo dangkhlai re,

MARKA 11:23

Ang gibi jang nisikhe thi du, asababo jarni khah ha lonsoya jayahi ebo hading khe degao langhi sagor ha galai sing mane thi re thikhade, olei ning jama se.

MARKA 12:43

Jisu boni yaohon rikphayarao khe longthim hi thi ba, Ang nisikhe thi du, khrip thane ebo banjik dukhisa bangdao hi dangsing kha.

MARKA 13:30

Ebo buthu sophaiya side duha thanghi dongyarao khripde thihthar nang niya thihi wainso lah.

MARKA 14:18

Odehe bonsi khalai khamlaiba ha, Jisu bonsi khe thi ba, Gibi jang ang nisi khe thi du, nisi ni bising ha saosi ang jang jiphayaba angkhe rem rima.

MARKA 14:25

Ang gibi jang nisi khe thi du, Madai ni raji ha gadain ling mani basain soya side ang lingphinya kha.

MARKA 14:30

Odebani, Jisu Peter khe thiphin ba, Ang ning khe thi du, dini hor ha, daola gisi gagin ni sagang ha ning ang khe phin tham niya ma.

MARKA 14:9

Odebani, ang gibi khe nisi niha thi du, khrip habsao ha hamba graojma khe braha sainthi re, bo masainjik dangyaba khusi khe bo wainso mane sainthi nang.

MARKA 3:28

Gibi khe ning ang nisi khe thi ri du, subung buthu ni khrip phap ja la khabo, ar Madai khe siji khabo, map mai nang kho;

MARKA 6:11

Asaba habo nisi khe noh ha hap riya ar nisi ni grao khebo khnaya thikhade, oraha ni phrang baigo langba ha, bonsi mithi mane, nisi ni yapha ni haduri khe thisa khla lah.

MARKA 8:12

Thikhabo, Jisu hamsisi khah ha hoihi, bonsi khe thi ba, Ebo jugni subung rao snabani gmang thaosisiyaba sin khe smai ba? Gibi jang ang nisi khe thi du, duha ni jug ni subungrao de gmang thaosisiyaba sin khe rijao nang niya.

MARKA 9:1

Jisu thi ba, Ang gibi jang ning khe thi du, Madai ni raji ni raothai jang phaiba khe nuyasi thiyahi dongyaba eraha dongyarao ni bisingha dong.

MARKA 9:41

Gibi ning ang nisikhe thi du, nisi ani subung jabani, sere nisi ne dih bela masi mang mang bo ri re, gibi jang ning yaosandi mai nang.

LUKE 11:51

Ang nisi khe thi du, Abel khe sthaiba ni phrang, khapra jang hathan gathar ni gejer ha, Jakaria khe sthai ba sosi, bonsini thih ni baslai khe ebo jug ni subung buthu ni basao ha la ma.”

LUKE 12:37

Bubra phaiphin ba ha, lengrao khe smao hi, salai hi bubra goron phaiyarao ni khophal de hambi. Ang gibi khe thi du, bo jar ning bonsi ne khusi dang ri hi, bonsi jang khalai phang khampha nang.

LUKE 13:35

Nai lah, nisi ni noh garjao hi thao nang. Ang nisi khe thi du, Gabra ni bumu jang phaiyaba de hamthai dong thing thiyasi de ang khe nuphin nang niya.

LUKE 16:17

Thikhabo, Dara ni mainthi masi jam ba thane, habsao nokhasao jamba laidao nang kho!

LUKE 18:17

Ang gibi jang nisi khe thi du, sere Madaini raji khe ansa khajaba lai khajayayaba de boni bising ha hap nang niya.

LUKE 18:29

Jisu bonsi khe thi ba, Gibi khe ning ang nisi khe thi du, sere Madai ni raji ni khlai hi, jarni noh, bihih, khaphlungrao, buma ar bupha odehe jarni ansarao khe dangkhlai re thikhade,

LUKE 23:43

Jisu bokhe thi ba, Ang gibi jang ning khe thi du, dini ha ning ang jang baosi paradis ha dongpha nang.

LUKE 4:24

Ode bo bonsi khe thida ba, Ang gibi jang nisi khe thi du, jarni nolei ha de saosi bo gorasali khe lamjaoya.

JOHN 1:51

Ar Jisu boni ha thi ba, Ang nini ha gibi gibi grao khe thi ri du, sorgo khruba khe ode deglarao Marsi ni Basa ni basao ha birkhlai phaiba-birkhu phinba khe ning nu nang.

JOHN 10:1

Jisu thi ba, Gibi jang ang nisi khe thi du, sere subung melma khoh ni derga gede hapsingya, thikhabo gibin lama gede gaphu re, bo de makhao ar dakhat se.

JOHN 10:7

Odebani, Jisu thiphin ba, “Ang nisi khe gibi gibi khe thi riba, melma ni khlai hi derga de ang ning.

JOHN 12:24

Gibi gibi jang ang nisi khe thi du, maigrong hah ha galai hi thihyasi de bo grong si de sao jang thaoma se. Thikhabo thih kha se bo gabang thaiphai ma.

JOHN 13:16

Gibi gibi jang ang nisi khe thi du, ‘Leng jarni bubra tha dedaoya, ode haiha jaoyaba jarni haihayaba tha dedaoya.’

JOHN 13:38

Jisu thiphin ba, Ani khlaihi ning jarni hang khe ri ma? Ang gibi jang ning khe thi du, daola gisiya saniha ning ang khe mithiya thihi phintham thi ma.

JOHN 14:12

Ang nisi khe gibi jang thi du, sere angkhe lon re, snadi khusi khe ang dang ba, bobo dang ma se; bo buthu tha dedao hibo dang ma se, bedethikhala ang Abai niha thang du.

JOHN 16:20

Ang nisi niha gibi gibi khe thi du, Nisi dukhu jang mudi galaiba ha habsao de khaja ma, nisi dukhu nangma thikhabo nisi ni dukhu khajama ha se slaiphin ma.

JOHN 16:23

“Bo basain hade nisi ang khe musi khebo sing nang niya. Ang nisi niha gibi gibi khe thi du, snadi khe Bupha niha sain re thikhade bo ani bumu jang se nisi ne ri ma.

JOHN 21:18

Gibi gibi jang ang nisi khe thi du, ansa ha de ning jengkhong kha hi jar bara ha nangjao du, oraha thang la re; thikhabo, ning raphai bani sain khali malai nini yao khe sugu nang, ode ning nangjaoyayaba gede ning khe sik lang ma se.

JOHN 3:11

Ang gibi jang nisi khe thi du, jing snadi khe tharmai du, bokhe ning thiba se, ode snadi khe jing nuba, bo khe ning sainthi riba se; thikhabo, nisi jing snadi khe sainthi ridu, bokhe nisi nangjaoya.

JOHN 3:3

Jisu bokhe thiphin ba, Gibi gibi jang ang nisi khe thi du, subung hajai phinya si de sorgo raji khe saosi bo nuphu nang niya.

JOHN 3:5

Jisu thiphin ba, Gibi grao khe ang ninthane sainthi ri du, asaba subung dih jang bese ha hajai phinya thikhade, Madaini Raji ha hap phu nang niya.

JOHN 5:19

Jisu bonsi khe thiphin ba, Ang gibi jang nisi khe thi du, Basa sao jang musi khebo dang phuya, Bupha dangyaba nuyaba khe garhi, Bupha dangba lai se Basa bo dang re.

JOHN 6:26

Jisu bonsi niha thi ba, Gibi jang ang nisi khe thi du, gmangthao sisiyaba sin buthu khe nisi nuba ni khlai hi ang khe smaiya, ning hoh gablaisi hon jibani se ang khe smai ba.

JOHN 6:32

Jisu bonsi niha, Ang gibi jang nisi khe thi du, nokhasao ni phrang nisi ne hon riyaba de Moses niya, ani Bupha se nisi ne hon gibiyaba khe ri ba.

JOHN 6:47

Gibi jang ang nisi khe thi du, sere bokhe lon du, thaoglao ni hayu mai kha.

JOHN 6:53

Jisu bonsi niha thi ba, Gibi jang ang nisi khe thi du, Marsi ni Basa ni bahain khe jihi, boni bithi khe lingya kha de, nisi jar niha de hayu giri.

JOHN 8:34

Jisu bonsi khe thiphin ba, “Ang gibi jang nisi khe thi du, sere phap khusi dang re, bo phap ni leng se.

JOHN 8:51

Ang gibi jang nisi khe thi du, sere ani grao khe mani du, bo thaoglao sosibo thih nang niya.

JOHN 8:58

Jisu bonsi niha thi ba, Gibi jang ang nisi khe thi du, Abraham hajaiyasa ni ha ang dong.

1 PETER 1:25

Thikhabo, Gabra ni grao de dongsong ma se, Bo ning ja kha, hamba graojma nisi ne khna riyaba se.

NUJAOYABA 20:11

Odehe, singhason jnama dedao thaoyaba odehe boni basao ha khamyaba khe ang nu ba. Boni sagang ni phrang phirthi jang nokhasao khaithar ba, ode bonsi ni khlai hi hathan giri kha.