MATTHEW 5:16 - DARA GADAIN N.T. with PSA and PRO (BSI)

¹⁶ Olei jasosi ning nisi ni jnama subung ni muh ha jna thing; odese, nisi hamba khusi dangyaba buthu khe bonsi nu ma, ode, nisi ni bupha, sorgo ha dongyaba khe bakhan khlai phu ma.

MATTHEW 5:16 Iomraidhean Croise

GYAN NI GRAO BUTHU 4:18

Subung gibirao ni lama de, phorong sain baigo hi jnaba lai se. Boni jnama de jnadao phalang hi sain jnaba lai se.

MATTHEW 23:5

Khrip bonsi khusi dangyaba buthu khe subung khe phnu mane bonsi dang re. Bonsi khadu buthu ode honyaba buthu khe gede khlai rihi bonsi ni rih ni bergong khe logalai ri re.

MATTHEW 23:9

Phirthi sao ha saosi khebo jar ni bupha da thi; nisi ni Bupha de saosi se ning, sorgo ha dongyaba.

MATTHEW 5:45

Nisi ni bupha sorgo ha dongyaba ni basathu japhu mane khlai hi; bode subung hamba ar hamyayarao ni basao habo sain baigo ri du, ode dormo ni subung ar dormo niyayaba ni basao habo hadi ha ri du.

MATTHEW 6:16

Nisi jiya hi hoh khongja dong khabo, subung giriklaiyarao lai mukhang mao hi da phnu. Bonsi de subung ni muh ha hoh khongja nujao mane bonsi ni mukhang khe bonsi sim ri re. Gibi jang ang nisi khe thi du, bonsi ni yaosandi khe bonsi mai thar kha.

MATTHEW 6:9

Odebani, nisi ede bi lah: Sorgo ni jini Bupha Nini bumu gathar man ja thing

MATTHEW 9:8

Odehe, subung buthu bo khe nuhi bonsi khin ba. Subung buthu niha olei hukhum riyaba Madai khe bonsi bakhan khlai kha.

LUKE 11:2

Jisu bonsi khe thi ba, Nisi bikha de edehe bi lah: Jini Abai, Nini bumu gathar man ja thing, Nini raji sophai thing.

JOHN 15:8

Ani Abai ni muima ebo jang se ja ba, ning gabang bathai thai ri lah, odese ning ani rikphayasa ja ma.

DANGYASARAO 9:36

Joppa nolei ha, lonyaba subung saosi, boni bumu Tabitha thiyaba, dong ba. (Greek grao jang de boni bumu Dorka se, boni ortho de mihsai se). Bo gabang hamba khusi dang hi riphain khe ri re.

1 KORINTH 14:25

Lonyayaba ni khasu ni grao makhao buthu khe khaikho nang; odese, bo subung de gonggalai hi Madai khe bo khlim nang, odehe Nisi ni bising ha Madai gibi gibiyaba dong! thihi bai ma se.

2 KORINTH 9:13

Ebo nisi dangyaba khusi jang Krista ni hamba graojma khe nisi ajao hi nisi ni manithai ja thing, bonsi ne khlai hi ode khrip gibin subung ne khlai hi nisi ni khaithiya thai khe phnu hi, ebo ning Madai ni muima ja ma se.

GALATIA 1:24

Ode ani khlai hi Madai khe bonsi bakhan khlai kha.

EPHESI 2:10

Hamba khusi dang mani khlai hi Jisu Krista ha ning slam hi dong, jing boni yao ni phrang ning baigoyaba se, bo hamba khusi khe danghi jing dong mani khlai hi Madai ning sagang ha salai da kha.

EPHESI 5:8

Sagang ha nisi andar se, thikhabo duha de Gabra niha nisi jnaphai kha, jnayaba ni basathu lai dong lah.

1 THESSALONIKA 2:12

Bo jar ning raja ni raji khe ode boni muima khe mai mane nisi khe longyaba Madai ni subung nisi japhu mani khlai hi, nisi ni bising ni khrip subung ne khainsu hi nisi khe jing alang alang sibring ba.

1 TIMOTHE 2:10

Madai khe maniyaba masainjikrao dangma ning nang du, olei ning khusi hamba dangyaba jang gainsari khe sal khlai la thing.

1 TIMOTHE 5:10

Bode hamba khusi dangyaba ni balam ha, malai jang bakhan rijao kha: basathu khe naiso kha, naorai ni basao ha hambi, subung gatharrao ni igah bo su kha, subung dukhisarao khebo juru kha, ode khrip hamba khusi dangyaba ni balam ha khah muh ri kha.

1 TIMOTHE 5:25

Olei jasosi ning hamba khusi dang hi dongyarao de bonsi ragao sisi nujao re, ragaosi bonsi nujaoyayaba buthubo, hui hi budu galao dongphuya.

1 TIMOTHE 6:18

Bonsi de hamba khusi dang mani ode, hamba khusi dangba bangdao mani khlai hi, nalaibo khaithiya hi gibi subung buthu jang yaowai phalai manebo sibring lah.

TITA 2:14

Bo ning jar khe jar jinthane ri hi, khrip gajai ni phrang bo jingkhe kho hi, jar ne subung slam mani gathar khlai hi, hamba khusi dangma mijingyaba khe bo jinthane ri kha.

TITA 2:7

Khrip grao buthu ha hamba khusi ha daogari nai mani khlai hi nisi phnu hi, nisi slingriyaba ha nini gibi khe nisi ni man gnang khe,

TITA 3:14

Ode, jini subung buthubo, nangyaba khe phura khlai mani khlai hi, hamba khusi buthu khe dang hi jarkhe yaopha mane sling lai la thing.

TITA 3:4

Thikhabo, jini sogoyah Madai ham bani dara jang maya doya ode boni hamjaoma subung ni basao ha nujaophai hi,

HEBRAIRAO 10:24

Hamjaoma phnu mane ode hamba khusi dang mani jing saosi khe saosi sugu lai mane jing bao lai nang.

1 PETER 2:12

Odehe, Jentailrao ni bising ha nisi ni dongthai majang thing. Odehe, hamya khusi dangyaba ha bonsi nisi khe hamya thi la khabo, nisi hamba khusi dangyaba buthu khe bonsi jar ning nu la nang, ode Madai jini ha dongphai khali, bokhe bonsi bakhan khlai ma se.

1 PETER 2:9

Thikhabo, nisi de boni jnama ha hap mani khlai hi andar ni phrang nisi khe long hi muima jang gmang thaosisi khusi dangyaba buthu khe bara riphu mani khlai hi nisi saikho jaoyaba jadi se, nisi de Jonthaima ni bongso, jadi gathar, Madai ni phantha ja kha.

1 PETER 3:1

Olei jasosi ning nisi bihih rao, jar ni basairao ni grao ni bakhla ha dong lah, odese bonsi ni bising ha Madai ni grao khe bonsi maniya lakha bo, grao thimabo nangya hi, bonsi ni bihihrao ni dongthai jang de ma se,

1 PETER 3:16

Bede thikhade, maigru gru jahi man jang dong lah. Nisi hamba hamya mithiyaba gathar khe nalaibo khah ha deng hi dong lah. Odese Krista ha nisi ni dongthai hamba khe sijiyarao laji nu thing.

1 PETER 4:11

Asaba bo grao sainthi khade, Madai ni grao buthu khe ning sainthi la thing; asaba bo khusi dang khade, Madai raoma ri ba lai ning dang la thing; odese, Jisu Krista ni khlai hi Madai khe khrip ha muima khlai phu ma. Muima jang raothai thaoglao thaoglao boni gaja se. Amen.

1 PETER 4:14

Odehe Krista ni bumu ni khlai hi nisi jajao kha de nisi ni khophal hambi; bede thikhade muima ni bese, Madai ni Bese nisi niha dongba se.