MATTHEW 5:14 - DARA GADAIN N.T. with PSA and PRO (BSI)

¹⁴ Nisi habsao ni jnama se. Hadingkhro ha nolei dongyaba khe hui hi deng phuya.

MATTHEW 5:14 Iomraidhean Croise

GYAN NI GRAO BUTHU 4:18

Subung gibirao ni lama de, phorong sain baigo hi jnaba lai se. Boni jnama de jnadao phalang hi sain jnaba lai se.

JOHN 12:36

Nisi jang jdanma dongpha du si, jdanma khe lon lah, odese nisi jdanma ni basathu ja ma. Elei thiblai hi Jisu thangba, ode bonsi ni phrang bo jar khe thimkhao ba.

JOHN 5:35

Johan de thaophari sringyaba ar jnayaba lai se, boni jnama ha nisi khajama maima nangjao ba.

JOHN 8:12

Jisu bonsi niha grao thiphin ba, Ang ning habsao khe jnama riyaba se. Sere ani yaohon rikpha du, bo andar ha dong nang niya, jnama ni hayu ha se bo dong ma.

JOHN 9:5

Ang habsao ha dongdu si, ang habsao ni jdanma se.

2 KORINTH 6:14

Lonyayarao jang baosi jahi jowal da yaowai pha lai. Dormo jang dormo niyayaba la snadi masi jayaba dong ba? Niyakha la, andar jang jnama bonsi masi japhu du?

PHILIPPI 2:15

Greng hamyayaba ode subung gederyarao ni bising ha gajai khusi dangya hi ode, hamba jahi, Madai ni basa hamya thima giriyaba lai nisi japhu mani khlai hi, habsao ha bonsi ni gejer ha sathrai buthu lai jna lah.

1 THESSALONIKA 5:5

Nisi khrip bo jnayaba ni basathu se, nisi jamthar si sain ni basathu gaja se; odebani, jing hor ni subung niya kha, ode andar ni subungbo niya kha.

NUJAOYABA 1:20

Ani yaoda gede ni yao ha sathrai masni ode gajao ni thaophari dengthan ning nuyaba buthu de ebo se: sathrai masni buthu de longjom masni ni deglarao se, ode thaophari dengthan masni de longjom masni se.

NUJAOYABA 2:5

Odebani guju ni phrang ning galai ba thi hi ning wainso lah. Khah phin hi jenba ni phrang ning dangyaba buthu khe dang phin lah. Ning khah phinya khade, nini ha ang phai hi, nini thaophari dengyaba khe dengthan ni phrang ang disai ma se.