MATTHEW 5:11 - DARA GADAIN N.T. with PSA and PRO (BSI)

¹¹ Ani khlai hi malai jang nisi khe jojao nang, ode, dukhu rijao nang, ode, niya niya mosol jang nisi khe gajai ri khade, nisi ni khophal hamba se.

MATTHEW 5:11 Iomraidhean Croise

BAKHAN NI RAJABTHAI 35:11

Mosol sakhi joyarao phai du, Ang mithiyayaba khe bo niya hi mosol hokhlai du.

BAKHAN NI RAJABTHAI 44:22

Nini khlai hi sainmidi bo jing thih hi dong re Melma sthai mane dengba lai jing khe bao re.

MATTHEW 10:18

Bisardarrao ar rajarao ni sagang ha bonsi ni basao ha, ode Jentailrao ni basao ha sakhi jamani, ani khlai hi bonsi nisi khe lang la ma se.

MATTHEW 10:22

Ani bumu ni khlai hi khrip subung jang nisi naisle jao ma, thikhabo jamthaoba sosi sere dukhu khah lao du bo se ning sogo jao ma.

MATTHEW 10:25

Slingyaba de slingriyaba lai dong khade santi ja thing, ode lengbo jar ni bubra lai dong kha ning ja kha. Noh ni bubra khe ning Beelzebul bonsi thi khala, boni noh ni subung buthu khe la bislei thi nang.

MATTHEW 10:39

Sere ani khlai hi hayu sjam re, bo hayu mai ma se; sere jar ni hayu khe sogo re, bo gma ma se.

MATTHEW 19:29

Sere noh buthu khe ja thing, daphlungrao khe ja thing, bahandao thu khe ja thing, buma bupha khe ja thing, basathu khebo ja thing, raji khe ja thing, ani bumu jang haiger khade, bo rjasi bangdao hi mai ma se, ode, thaoglao ni hayu ni phanthabo mai ma se.

MATTHEW 24:9

Boha de dukhu ri mane khlai hi nisi khe bonsi rem ri ma, ode nisi khe bonsi sthai ma; ani bumu ni khlai hi khrip jadi nisi khe jajaoya ja ma se.

MATTHEW 27:39

Subung thangyarao phaiyarao bonsi ni bokhro thingkhrai hi bonsi mushu ba.

MARKA 13:13

Ani khlai hi khrip bo nisi khe naisle nang. Thikhabo, yaohonthao sosi sere khah lao nang, bo se ning sogo jao ma se.”

MARKA 13:9

“Odebani, nisi mirik hi dong lah. Nisi khe remhi bisardar niha lang nang. Hamba graojma khe sainthi mane nisi ani bumu ni khlai hi hojarao ar Rajarao ni sagang ha song nang.

MARKA 4:17

Thikhabo, bonsi ni bising ha yader giri bani budu glao dong phuya. Graojma ni khlai hi dukhu hadi sophai kha ning, bonsi gar la re.

MARKA 8:35

Bede thikhade, sere jarni hayu khe sogo ma nangjao re, bo jarni hayu khe khma ma, sere ani khlai hi ode hamba graojma ni khlai hi jarni hayu khe ri khade, bo sogo jao ma se.

LUKE 21:12

Thikhabo, ebo buthu khrip sophaiya sani ha, nisi khe rem nang; ar nisi khe dukhu ri nang; ar bonsi sunagog buthu ha langhi, phatho ha jebjao mane ani bumuni khlai hi Rajarao niha ar Bisardar niha nisi khe bonsi lang nang.

LUKE 21:17

Ani bumu ni khlai hi khrip bo nisi khe naisle ma se.

LUKE 6:22

Marsi ni Basa ni khlai hi subung buthu nisi khe naisle kha bo, dangkhlai kha bo, jo kha bo, siji kha bo, nisi ni khophal hambi.

LUKE 9:24

Sere jarni hayu khe sogoma nangjao re, bo de gma ma se. Thikhabo, sere ani khlai hi jarni hayu khe gma ri re, bo sogo ma se.

JOHN 15:21

Ebo buthu khrip ani bumu ni khlai hi nisi jang bonsi elei dangma se. Bede thikhala bonsi ang khe haihayaba khe tharmaiya.

JOHN 9:28

Bonsi bokhe johi thi ba, Boni slingriyahsa de ning se ning, jing de Moses ni slingriyarao se.

DANGYASARAO 9:16

Ani bumu ni khlai hi bo bislei dukhu khlai ma nang nang bonthane ang sainthi rima se.

ROM 8:36

Madai ni laisi thiba lai, Nini khlai hi sainsong sthai hi ang dong re, Melma sthai jaoginyaba lai ang ja kha.

1 KORINTH 4:10

Jing de Krista ni khlai hi subung gibir ja kha, thikhabo Krista ni khlai hi nisi girikyaba subung ja kha. Jing de bol raoya, thikhabo nisi de bol rao bi. Nisi de malai jang man khlaijao du, thikhabo jing de naislejao du.

2 KORINTH 4:11

Jini saomang thih phuyaba ha Jisu ni hayu phnu phu mani khlai hi, jing hamhi dongyarao bo ebo Jisu ni khlai hi thih mani yaopha hi jing dong re.

PHILIPPI 1:29

Krista ni khlai hi nisi khali bokhe lonba se ning niya hi, boni khlai hi dukhu bo khlai ma nang du.

1 PETER 2:23

Bokhe malai jo la khabo, bode jophinya, bode dukhu jabani saosi khebo jaobaiya; gibi jang bisar khlaiyaba niha se jar khe jar yaopha la ba.

1 PETER 4:14

Odehe Krista ni bumu ni khlai hi nisi jajao kha de nisi ni khophal hambi; bede thikhade muima ni bese, Madai ni Bese nisi niha dongba se.

NUJAOYABA 2:3

Ning hamsi ning dukhu khah lao hi, ani bumu ni khlai hi ning dukhu khlaiba ha ning raoya jaya thihibo ang tharmai du.