MATTHEW 5:10 - DARA GADAIN N.T. with PSA and PRO (BSI)

¹⁰ Dormo ni khlai hi dukhu rijaoyarao de bonsi ni khophal hambi, Sorgo raji de bonsi ni se.

MATTHEW 5:10 Iomraidhean Croise

BAKHAN NI RAJABTHAI 37:12

Phaphirao de subung gibiyarao khe galai ri mani khlai hi bao re Thamsi jang bonsi ni basao ha hathai wai re.

MATTHEW 10:23

Masi nogor ha nisi khe dukhu rikha de, nogor gibin ha khailang lah; gibi jang ang nisi khe thi du, Marsi ni Basa phai mani sagang ha de Israel ni khrip nogor buthu ha thang thar phu nang niya.

MATTHEW 19:14

Jisu thiba, ansarao khe aniha haiha lah, bonsi khe da magna; sorgo raji de eleiyaba subung ni khlai hi se.

MATTHEW 25:34

Boha se Raja jar ni subung buthu yaoda gede dengyarao khe thima, Phai lah, ani bupha khe khaja riyarao, habsao sangsai jenba ni phrang nisi ne khlai hi hathan salaiyaba khe bubra ja lah.

MATTHEW 5:3

Sere bese ha jar khe dukhisa thi hi mithi layarao de bonsi ni khophal hambi, sorgo raji de bonsi ni se.

MARKA 10:14

Thikhabo, Jisu ebo khe nuhi hamsi ning jajaoya ba. Odebani bonsi khe thi ba, ansarao khe ani ha haiha lah, bonsi khe da mathao. Bede thikhade Madaini raji de elaiyaba subung buthu ni se.

MARKA 10:30

Ode, jarni hadi hadam khe garhi ebo habsao ha thanghi dongba ning bo bangdaohi mai nang. Ar bada-buphlung, bubi bahandao, buma-bupha, jarni bihih, basa bisik ar hadi hadam phantha rjasi barahi mai nang. Ode, dukhu hadi rijaoba khe bo goron nang, ar phaiginyaba bubliha thaoglao ni hayu mai nang.

LUKE 21:12

Thikhabo, ebo buthu khrip sophaiya sani ha, nisi khe rem nang; ar nisi khe dukhu ri nang; ar bonsi sunagog buthu ha langhi, phatho ha jebjao mane ani bumuni khlai hi Rajarao niha ar Bisardar niha nisi khe bonsi lang nang.

LUKE 22:29

ani bupha anthane raji riba lai ning, ang bo nisine ri du.

LUKE 6:20

Jisu naiding hi boni rikphayarao khe nai dada thi ba, Nisi dukhisarao, nisi ni khophal hambi, Madai ni raji de nisi ni se.

LUKE 6:22

Marsi ni Basa ni khlai hi subung buthu nisi khe naisle kha bo, dangkhlai kha bo, jo kha bo, siji kha bo, nisi ni khophal hambi.

JOHN 15:20

Snadi grao khe ang nisi niha thi ri ba, Leng jarni bubra tha dedaoya, ebo khe wainso lah. Jodi bonsi jing khe dukhu rikha de nisi khebo dukhu ri ma se. Ode bonsi ani slingrithai khe mani du thikhade nisi khebo mani ma se.

DANGYASARAO 5:40

Odebani, Apostolrao khe bo longhi, bonsi suhi dohi, boni yaohon ha Jisu ni bumu jang grao thiya mane khlai hi magna hi, haiger kha.

DANGYASARAO 8:1

Bo basain ha de, longjom Jerusalem ha dongyaba buthu khe bonsi hamsi ning dukhu ri jenba; odebani, Apostolrao khe garhi de Judai jang Samari raji ni khrip nolei ha, bo ejang ojang khaiphlung thar ba.

2 KORINTH 4:17

Bede thikhade, ebo muphrip gasi ha jini basasa dukhu ha, thaoglao ni muima, susa phuya si bo jinthane slam ri kha.

PHILIPPI 1:28

Asaba grao ha bo sotrurao jang nisi sigringjao hi dongya, ebo ning bonsi ni khlai hi jam mani ragao sisiyaba sin se, thikhabo nisi ni khlai hi de sogoma khe thiphla riyaba se, ebobo Madai ni phrang se.

2 TIMOTHE 2:12

Jing dukhu khalao khade, raji khebo bo jang baosi yaowai ma se; Jodi bokhe jing dangkhlai khade, bobo jing khe dangkhlai ma se;

2 TIMOTHE 3:11

nalai ang khe dukhu riyaba ode, ani dukhu buthu khe ning tharmai thar kha. Antiokei ha ja thing, Ikoniam ha ja thing, ode Lustra ha ja thing, ani basao ha sophaiyaba buthu ode, dukhu ri jaoyaba ha ang blaiyasi blaiyasi dukhu khlai kha; thikhabo bo buthu khrip habo ang khe sogo kha.

JAKOB 1:12

Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

JAKOB 5:11

Blaiya si khah lao hi dukhu khlaiyarao ni khophal hambi thi hi jing thi du. Job dukhu khah laoyaba khe nisi khna kha. Odehe, Gabra ni khusi dangma baoyaba khebo nisi tharmai kha. Gabra de khasaoma jang mayama ha gablaiyaba se.

1 JOHN 3:12

Subung phaphi ni phrang baigoyaba Kaina, jar ni buphlung khe sthaiyaba lai jing ja ma niya. Sumjabani bo khe sthai ba? Bo khusi dangyaba buthu phaphi se, jar ni buphlung khusi dangyaba buthu gibi bani.

NUJAOYABA 2:10

Ning dukhu jaginyaba buthu khe da khin. Nai lah, Diabol de nisi ni bising ha gejesi khe phatho ha jeb hi nai nai ma se, ode nisi nokha sain jhi dukhu ja ma se. Thih ba sosi lonma jang dongpha lang lah, odese nisi ne ang Raja ni khrothu khe ri ma.