MATTHEW 4:23 - DARA GADAIN N.T. with PSA and PRO (BSI)

²³ Odehe, Jisu bikhoh ni noh buthu ha sling rihi, Raji ni graojma hamba khe sainthi ba, ode subung buthu ni bising ha jadi jadi jathai ar jadi jadi raoyayaba khrip khe ham ri hi, Galili raji ni khrip ha bo thangpha lang ba.

MATTHEW 4:23 Iomraidhean Croise

BAKHAN NI RAJABTHAI 103:3

Bo nini khrip phap khe map khlai kha Nini khrip limthai khebo ham ri kha.

BAKHAN NI RAJABTHAI 74:8

Bonsi jarni khah ha thi re, Jing bonsi khe dainso ri phu kha, Mulug ha braha Madai khe se ba khlaiyaba Khrip hathan khe bo bonsi saokhrip kha.

MATTHEW 11:5

Muthai ganarao muthai nu kha, igah khorarao igah jang hem lang la kha, khunthi jayarao ragao kha, khmao nathongrao khmao khna kha, githirao mathangphin kha, ode, dukhisarao hamba graojma khe khna ri kha.

MATTHEW 12:9

Jisu oraha ni phrang thang hi bonsi ni bikhoh ni noh ha hapsing ba.

MATTHEW 13:19

Sere raji ni grao khe khna hi bujiya khade subung hamyayaba phai hi, boni khah ha saiyaba khe sela ma se. Bo khe se thiba lama bijing ha galaiyaba.

MATTHEW 13:54

Odehe, bo jar ni dongthan nogor ha sohi bonsi ni bikhoh buthu ha bonsi khe sling ri ba, odebani boni grao buthu khe khna hi hamsi ning gmang lai ba. Ebo subung la olei gyan ode gmangthao sisi raothai buthu khe braha ni phrang bo mai kha?

MATTHEW 14:14

Jisu rung ni phrang baigoba ha gabang subung buthu khe nu dada hamsi ning khasaosi jajao hi bonsi ni limyarao khe bo ham ri ba.

MATTHEW 24:14

Ode, ebo raji ni hamba graojma khe khrip jadi ni sakhi ja mane khlai hi khrip habsao ha sainthi ma, boni yaohon ha se jamthaoyaba bubli sophai ma.

MATTHEW 3:2

Bo thi ba, Khah phin lah, sorgo raji sampha kha,

MATTHEW 9:35

Odehe, Jisu bonsi ni bikho buthu ha sling ri hi, Raji ni hamba graojma khe sainthi ba; ode khrip limyarao, sayarao khe bo ham ri hi, khrip noleima, noleisa habo thangpha lang ba.

MARKA 1:14

Johan khe rem hi phatho ha dengba ni yaohon ha, Jisu thang hi Galili raji ha Madai ni hamba graojma khe sainthi ba.

MARKA 1:21

Jisu ar boni yaohon rikphayarao Kapernaum ha sohi dada lenggo basain ha bikhoh ha hap hi bonsi khe sling ri ba.

MARKA 1:39

Odehe, Galili raji buthu ha thang hi ar bonsi ni bikhoh buthu habo grao sainthi pha lang ba, ode sgo sgain khe bo rikhlai ba.

MARKA 3:10

Bo subung gabang khe ham ri bani, bo jang yao dopha jao mane gilim gasa jayarao, subung gabang ning nekhlai lai hi boni gede phai ba.

MARKA 6:2

Lenggo basain ha sunagog ha thanghi khrip subung buthu ne sling ri ba. Boni slingrithai khe khna hi, oraha dongyarao khrip bo gmang hi bonsi thi lai ba, Ebo subung la braha ni phrang grao mai ba? Bone riyaba ringthai snadi kho? Bede khlai hi bo gmang thaosisi khusi khe dang ba?

MARKA 6:6

Subung buthu bokhe lonya bani hamsi ning gmang ba. Odehe, bo hathan ni nolei buthu ha Jisu thang hi, subung buthu khe sling ri ba.

LUKE 10:9

Ode oraha ni limyarao sayarao khe ham ri lah. Ode bonsi khe Madai ni raji nisi niha sampha hi sophai kha thihi bonsi khe thi lah.

LUKE 13:10

Lenggo Basain khali, sunagog noh masi ha Jisu sling ri ba.

LUKE 16:16

“Baptisma riyaba Johan dong ba sosi, Moses ni dara ar gorasali raoni laisi buthu khe yaowai ba, ar oraha ni phrang Madai ni raji ni hamba graojma khe sainthi ba, ar khrip subung buthu bol jang hapma bao re. Ar sere hamsi ning bao re, bonsi hap re.

LUKE 20:1

Sainsikhali Madaikhoh ha Jisu subung buthu khe slingri ba, ar hamba graojma khe sainthi saiba ha, Jonthairao ar Dara khe slingriyarao, hojarao jang phai ba,

LUKE 4:14

Odehe, Jisu bese ni raothai jang Galili ha thangphin kha. Ode bo haphai ha boni grao gubblung thar kha.

LUKE 5:17

Sainsi khali bo subung buthu khe sling risaiba ha, boni rogong ha Pharisairao ar Dara khe slingriyarao kham ba. Ode Galili ar Juda rajini khrip nolei ar Jerusalem ni phrang phaiyarao ode gilim gasa khe ham riphu mane Gabra niha raothai dong ba.

LUKE 6:17

Odehe, Jisu jang boni rikphayarao hading ni phrang akhai bu dada, jarni rikphayarao jang haphlai ha song ba. Bo hathan ni subung buthu ar Juda raji ni phrang ar khrip hathan ni phrang ar sagor dergong nolei ni phrang ar Sidon ni subung buthu bojom japhai ba.

LUKE 6:6

Odehe, gibin Lenggo Basain ha Jisu sunagog ha hap hi bonsi khe slingri ba, ode oraha subung saosi yaoda ni yao adur dong ba.

LUKE 7:21

Bo bubli ha Jisu limyarao sayarao gabang khe ham riba ode muthai ganarao khe muh nu ri ba.

LUKE 7:22

Odehe, Johan ni rikphayarao niha bo thi ba, Nisi thangphin hi, Johan niha nisi sumjadi khe nu ba, ar nisi khnayaba khe sainthi tha. Ganarao muthai nuphin kha, khorarao hemphin kha, khunthi jayarao ragaophin kha, nathongrao khnaphin kha, githirao baijaphin kha, dukhisarao niha hamba graojma sainthi kha.

LUKE 8:1

Khaisa yaohon ha, Jisu Galili rajini nolei gede khasi ha Madai ni graojma hamba khe sainthi mane thang ba. Ode boni rikphayarao jhiginbo bo jang baosi rikpha ba.

LUKE 9:11

Thikhabo, subung buthu mithi hi, bonsi jang baosi rikpha ba. Ode bo bonsi khe lamjao ba, ode bonsi niha Madaini raji ni grao khe sainthi ba. Ode hamma nangjaoyarao khe ham riba.

LUKE 9:60

Jisu bo khe thiphin ba, Githirao de bonsi ni githi khe phip la thing; ning thang dada Madai ni raji ni grao khe sainthi tha.

JOHN 18:20

Jisu thiphin ba, Ang habsao khnagothai se grao jo ba, braha khrip Judarao phaihi jomsi ja re, Madai khoh ha nalaibo ang sling ri du. Huikhao hi musi khebo ang thiya.

JOHN 6:59

Ebo grao buthu Jisu Kapernaum ni sunagog ha sling ribani bubli ha thiyaba grao se.

JOHN 7:1

Boni yaohon ha, Jisu Galili raji ha thang ba. Judarao bokhe sthai mane bao bani khlai hi, bo Judai rajiha thangma nangjaoya.

DANGYASARAO 10:38

Nazareth Jisu ni balam ni grao de, olei bokhe Madai ni Bese Gathar jang raothai ha lupha hi bo subung ni basao ha hamba khusi dang ba, ode Soithan jang dukhu rijaoya ba khrip khebo ham ri phalang re. Bede thikhade, Madai bo jang baosi dongpha du.

DANGYASARAO 18:4

Bo nalai lenggo basain ha sunagog ha khah jang muh jang grao sainthi hi, ode Judarao ar Greekrao khe bo bujai re.

DANGYASARAO 20:25

Ang nisi khrip ni bising ha, Madai ni Raji ni grao khe jirik khao pha hi sainthi kha. Ode duha ang mithi du, ani mukhang khe nuphin nang niya kha thihi ang tharmai du.

DANGYASARAO 28:31

Madai ni raji ni grao khe bo sainthi ba, ode Raja Jisu Krista ni grao khebo khitha raoma jang bonsi khe sling ri re, saosibo bokhe magnaya.

ROM 10:15

Haihaya kha la bedehe sainthi ma? Milima ni hamba graojma khe sainthi hi, khajama ni hamba graojma khe so riyarao ni igah majang bi dou! thihi reb ba lai.