MATTHEW 3:6 - DARA GADAIN N.T. with PSA and PRO (BSI)

⁶ Jar jar ni phap gajai khe phla hi, Jordan dihbu ha, boni ha phai hi khrip baptisma la ba.

MATTHEW 3:6 Iomraidhean Croise

BAKHAN NI RAJABTHAI 32:5

Ani phap khe ang nini ha thiphla du Ani hamya khusi khebo ang huiya kha. Ani gajai khe Madai niha bi la ma Ode boni ha map sain du, thi hi ang bao du. Odehe, khrip ani phap khebo ning map khlai kha.

GYAN NI GRAO BUTHU 28:13

Jar ni phap khe huiyaba de gibi jaso phuya Thikhabo, sere phap khe mani hi dangkhlai phu re, bo khasaoma mai re.

MATTHEW 3:11

Ang nisi khe khah slaima ne dih jang baptisma ri du. Thikhabo, ani yaohon ha phaiginyaba de anthane dedao. Ang boni yaphadap ni wadu khe khru manebo gathaya. Bo nisi khe Bese Gathar jang ar wai jang baptisma ri nang.

MARKA 1:5

Odehe, Juda raji ni subung buthu jang Jerusalem ni subung buthu, boni ha thang hi, jar ni phap khe sainthi ba, ar Jordan dihbu ha baptisma laha ba.

LUKE 1:16

Bode Israelrao ni bising ha gabang subung khe jarni Gabra Madai niha khah phin rihi labuphin nang.

LUKE 3:16

Odebani, bonsi khrip niha Johan thi ba, Ang de nisi khe dih jang baptisma ri du, thikhabo ang tha dedaoyaba phai du. Ang de boni yaphadap ni wadu khruma bo gathaya. Bo de nisi khe Bese Gathar ar wai jang baptisma ri nang.

DANGYASARAO 1:5

Johan de dih jang bo baptisma khlai re, thikhabo khaisa basain ni yaohon ha nisi Bese Gathar ni baptisma mai nang, bo ode thi ba.

DANGYASARAO 11:16

Boha Gabra grao thiyaba khe ang wainso ba, Johan dih jang baptisma ri ba, thikhabo, nisi Bese Gathar jang baptisma mai ma se.

DANGYASARAO 19:18

Boha lonyarao bo gabang subung phai hi, jar jar khusi dangyaba buthu khe mani hi bonsi thiphla kha.

DANGYASARAO 22:16

Ode, ning duha snadi khe jonba kho? Baija hi boni bumu khe lahi baptisma lahi, nini phap khe susa lah, ode bo ang khe thi ba.

1 KORINTH 10:2

Moses jang dongpha hi jimi jang sagor ha khripbo bonsi baptisma jahi dong ba.

KOLOSSA 2:12

Baptisma ha de bo jang baosi nisi phip pha hi, githi ni bising ni phrang bo khe mathang phinyaba Madai ni raothai khe lonba ni bo jang baosi nisi thangphin kha.

HEBRAIRAO 6:2

baptisma ni grao buthu ja thing, subung githi thang phinyaba ni grao ja thing, yao dengyaba ni grao ja thing, ode thaoglao bisar ni grao khe gaiphinya hi,

HEBRAIRAO 9:10

Ebo khrip jima-lingma ja thing, dugurthai gibin gibin ja thing, saomang gede ni jinis ni dara buthu ning se. Bo buthu khe gadain slamyaba bubli sophaiya si yaowai mani nephaya ba se.

JAKOB 5:16

Odebani, ham rijao hi nisi dongphu mani khlai hi nisi jar ni phap buthu khe lang hi, saosi jang saosi khe bi ri lai lah. Dormo subung biyaba khusi gede dangphu du.

1 PETER 3:21

Bo lai jayaba baptisma, Jisu Krista baija phin bani khlai hi, duha nisi khe sogo du; baptisma de saomang ha rege rege dongyaba khe susayaba ning niya hi, hamba hamya mithiyaba gathar jang Madai niha grao hanggaiyaba se.

1 JOHN 1:9

Jing jar ni phap buthu khe mani la kha de, jini phap buthu khe map khlai mane ode jini khrip dormo niyayaba ni phrang susa mani khlai hi, bode lonjaoma gnang gibiyaba se.