MATTHEW 3:11 - DARA GADAIN N.T. with PSA and PRO (BSI)

¹¹ Ang nisi khe khah slaima ne dih jang baptisma ri du. Thikhabo, ani yaohon ha phaiginyaba de anthane dedao. Ang boni yaphadap ni wadu khe khru manebo gathaya. Bo nisi khe Bese Gathar jang ar wai jang baptisma ri nang.

MATTHEW 3:11 Iomraidhean Croise

MATTHEW 3:6

Jar jar ni phap gajai khe phla hi, Jordan dihbu ha, boni ha phai hi khrip baptisma la ba.

MARKA 1:4

Hajengling ha Johan Baptisma riyaba nujao phai dada phap ni phrang khah phin hi baptisma jamani grao khe sainthi ba.

LUKE 1:17

Bupharao ni khah khe basathu nihah phin phin ri nang. Ode, subung grao maniyayarao khe girikyarao ni gede phin phin ri mani Gabrani khlai hi subung buthu salai hi deng mani, Elija ni bese jang khusi dang phu mani Gabra ni sagang ha bo thang da ma.

LUKE 3:16

Odebani, bonsi khrip niha Johan thi ba, Ang de nisi khe dih jang baptisma ri du, thikhabo ang tha dedaoyaba phai du. Ang de boni yaphadap ni wadu khruma bo gathaya. Bo de nisi khe Bese Gathar ar wai jang baptisma ri nang.

LUKE 3:3

Odehe, Johan Jordan dihbu dergong, khrip haphai buthu ha daopha lang hi, jar jarni phap map jama ne khah phin hi baptisma jama ne grao khe sainthi phalang ba.

JOHN 1:15

Johan boni balam ha se sakhi ri ba, ode jirik khao hi thi ba, ‘Ebo ning bo se, sere ni balam ha ang sainthi ba. Sere ani yaohon ha phaiginyaba dong, bo ang tha gabang ning dedaoyaba se; bede thikhala, ang dong bani sagang ha ning bo dong.’

JOHN 1:30

Ebo bo ning, sere ni balam ha ang, saosi miyahsa ani yaohon ha phai du, anthane raodaoyaba se; bede thikhala ang dong bani sagang ha ning bo dong thihi thiyaba.

DANGYASARAO 1:5

Johan de dih jang bo baptisma khlai re, thikhabo khaisa basain ni yaohon ha nisi Bese Gathar ni baptisma mai nang, bo ode thi ba.

DANGYASARAO 19:4

Paul thi ba, Johan ede thihi khah phinma ni baptisma ri ba, ar Israelrao khe boni yaohon ha phaiginyaba khe lonma nang du thihi thi ba, bo de Jisu se ning.

DANGYASARAO 8:36

Lama ha thang ba ha sereba dih ni hathan ha bonsi sohi ba, ode, bo phida khaojaoyaba thi ba, Nai lah, eraha dih dong, duha baptisma ne khlai hi sere ang khe mathao ma?

DANGYASARAO 8:38

Odehe, gorai gari khe bo songri hi, bonsi gini, Philip ar subung phida khaojaoyaba de dih ha thang kha, ode, Philip bokhe baptisma ri kha.

1 KORINTH 12:13

Jing jamthar sibo, Juda jadi na, jing Greek jadi na, jing leng na, jing leng niya na, saomang masi dong mani khlai hi Bese masi ha jing baptisma lahi, Bese masi ha jing khrip khebo bo ling riba se.

EPHESI 3:8

Ang subung gathar khrip ni bising ha khrip tha khasi daothao ni bising ha khasi daoyaba niha se bo khasaoma khe ri ba: Krista gnang jathai khe thihi thisophuya graojma khe Jentailrao niha sainthi mane ode,

TITA 3:5

jar ni dormo ha ebo khusi buthu khe dang bani niya, boni khasaoma ni khlai hi se bo jing khe sogo hi, gadain jayaba ha susa hi, Bese Gathar ha jing gadain ja kha.

1 PETER 5:5

Olei jasosi ning, nisi jalairao, khraorao ni grao khe mani lah. Nisi khrip jang gasain ma ha khusi dang ri lah, Madai sanggayarao khe nangjaoya, thikhabo jar basa jayarao khede khasaoma ri re, ode bo thi du.