MATTHEW 27:54 - DARA GADAIN N.T. with PSA and PRO (BSI)

⁵⁴ Boha, siphaiya rajasi ni hoja ode bo jang baosi Jisu khe raokhi hi dongphayarao bo, banglama smaoyaba ode khrip jathai buthu khe nu dada bonsi hamsi ning khin hi, ‘Ebo subung de Madai ni basa ning,’ ode bonsi thi ba.

MATTHEW 27:54 Iomraidhean Croise

MATTHEW 26:63

Odehe, Jonthai dedaothaoyaba de boniha thi ba, Madai gathang ni bumu jang ning khe jo du, Krista, Madai ni Basa la ning ning? A ne thi ri lah.

MATTHEW 27:36

Boni yaohon ha oraha kham hi bonsi naiso hi raokhi ba, bokhe gajai ri ba.

MATTHEW 27:40

Ning Madai khoh khe ruhi, nokha saintham ha dang phinyaba, ning jar khe sogo lah. Ning Madai ni basa ning thikhade kross ni phrang akhai bu lah, thi hi thiba.

MATTHEW 27:43

Madai khe bo londu thi, jar khe bo nangjao khade sogo la thing. Angde Madai ni basa se, thi hi jar khe thi la du, thi hi bonsi thiba.

MATTHEW 27:51

Odehe, Madai khoh ha ridimyaba boni basao ni phrang bakhla sosi phigin jigao lang la kha. Banglama smao hi, longthaima buthu berekkhao thar du;

MATTHEW 4:3

Boha Soithan boni ha phai hi thi ba, Ning Madai ni basa ning thikhade, ebo longthai buthu khe hon jamane hukhum ri lah.

MATTHEW 8:5

Odehe, bo Kapernaum ha hapsing ba. Boha siphaiya rjasi ni hoja saosi boniha phaihi thiba,

MARKA 15:39

Boni rogong ha songhi dongyaba siphaiyarao ni hoja, bo olei thiba khe nuhi bo thi ba, Gibi jang ebode Madai ni basa se.

LUKE 22:70

Bonsi khrip thilai ba, Ode thikhade, ning Madaini Basa ning? Bo thiphin ba, Nisi ang ning thihi thi du.

JOHN 19:7

Judarao bokhe thiphin ba, Jini bo dara dong, ode bo dara maphi thih ma ning nang du, bede thikhala bo jar khe Madai ni basa thi la du.

DANGYASARAO 10:1

Kaisari nolei ha bumu Korneli thiyaba, subung saosi dong ba. Bo Italy dol thiyaba ni siphaiya rjasi ni hoja se.

DANGYASARAO 2:37

Bo grao khe bonsi khna ba jang, bonsi ni khasu ha sainlai jalang la kha, Peter jang Apostol gibin buthu niha, Daphlungrao, jing bede khlai ma kho? thihi bonsi thi ba.

DANGYASARAO 21:32

Boha ning bo siphaiyarao jang siphaiya rjasi ni hoja khe labu hi, bonsi niha bo khai khlai bu ba. Ode, bonsi siphaiya ni hoja dedao thaoyaba ode siphaiyarao khe bonsi nuba jang bonsi Paul khe suba thao kha.

DANGYASARAO 23:17

Boha, Paul siphaiyarao ni gedeba saosi khe longhi thi ba, Ebo naga de hoja dedao thaoyaba niha langpha, boniha smaba grao thi mani dong.

DANGYASARAO 23:23

Hoja dedao thaoyaba, siphaiyarao ni hoja khe long hi thi ba, Hor ha thuba ni bubli ha, Kaisari sosi thang mane siphaiya rjagin ode gorai basao ha gayaba subung bisa tham jhi ode bla diyaba subung rjagin salai hi deng lah,

DANGYASARAO 27:1

Itali raji gede rung ha thang mane bonsi bisar khlai ba jang, Paul jang baosi phatho ha dongyarao sereba buthu khe Augusta dol ni siphaiya rjasi ni hoja Julia thiyaba ni yao ha bonsi deng ba,

DANGYASARAO 27:43

Thikhabo, siphaiya rjasi ni hoja Paul khe sogoma nangjao hi, bonsi khusi dangma baoyaba khe bo magna ba. Dih riyaoba ringyarao khrip sagor ha birsing hi hakhong ha sagang baigoda mane ode,

ROM 1:4

Thikhabo gathar ni Bese gede ha de githi ni bising ni phrang baija phinyaba Madai ni basa ning thi hi bai kha;

NUJAOYABA 11:13

Odehe, boha ning banglama hamsi ning rao hi smao phai ba, odehe nogor hathan majhi saikho hi masi khe bo gubu ri ba; ode banglama maoba ha subung rjing sni thi dada, thang hi dongyarao hamsi ning khin hi sorgo ni Madai niha se ning bonsi muima yaopha kha.