MATTHEW 26:41 - DARA GADAIN N.T. with PSA and PRO (BSI)

⁴¹ Naigrik ha nisi galaiya mane khlai hi smao hi ning bi dada dong lah. Bese ni khlai hi bokhe blai du, thikhabo saomang de raoya ja du.

MATTHEW 26:41 Iomraidhean Croise

BAKHAN NI RAJABTHAI 119:1

Sere jarni hayu ni lama ha hamsisi hem du, boni khophal hambi Gabra ni dara ha lai yaphri suryaba ni khophal hambi.

BAKHAN NI RAJABTHAI 119:115

Nisi phap khusi dangyarao, ang khe haiger lah, Madai ni hukhum khe ang mani kha.

BAKHAN NI RAJABTHAI 119:117

Ang khe remsong hi deng lah, odese ang goma mai ma, Nalai bo nini dara buthu khe mani ma.

BAKHAN NI RAJABTHAI 119:32

Ang de nini hukhum ni lama ha hem du Bede thikhade, ani khah khe ning khuru ri kha.

MATTHEW 24:42

Odebani, smao hi dong lah, bakhali nisi ni Gabra phai nang, bokhe nisi tharmaiya.

MATTHEW 25:13

Odebani, smao hi dong lah, bo basain jang bubli khede nisi tharmai laya.

MATTHEW 26:38

Odehe, bonsi khe thiba, Ani khahsu ha hamsi ning khah dukhu nang du; thima sosi ja du. Eraha ning dong hi angkhe raokhi lah.

MATTHEW 6:13

Phap ni naigrik ha jing khe da langpha Hamya ni phrang jing khe sogo lah. (Sereba rebyaba ha elei dong: Bede thikhala, raji, raothai ar muima, thaoglao sosi nini ning. Amen).

MARKA 14:38

Ode, bonsi khe thi ba, Naigrik ha galaiya mani khlai hi smao hi ning bi lah. Bese de blai du, thikhabo saomang de raoya ja du.

LUKE 11:4

Jini phap khe map khlai lah, Jing bo jini ha lagai dongyarao khe map khlai du, Ode jing khe naigrik ha da langpha.

LUKE 21:36

Odebani, japhai ginyaba bubli khe lailang phu mane, ar nisine raothai maiphu mane ar Marsini Basa ni sagang ha songphu mane, nalai bo bi hi salai dada dong lah.

LUKE 22:40

Bo hathan ha sohi dada, bonsi khe thiba, Naigrik ha galaiya mane nisi bi lah.

LUKE 22:46

Bo bonsi khe thi ba, Nisi sumjabani thu ba? Naigrik ha galaiya mane baijahi bi lah.

LUKE 8:13

Longphlai basao ha graiyaba de, sere grao khe khna dada, khaja sisi ajaoyarao se. Thikhabo, bonsini yader giri bani, phongsi ni khlai hi se ning lon ba. Ar bonsi niha naigrik sophai kha ning bonsi galai phin re.

ROM 8:3

Saomang raoyaba ni khlai hi dara jang dang phuyayaba khe Madai ning bo khe dangphai kha. Bo jarni basa khe, phap ni bandai ne khlai hi, saomang phapi lai jahi bo hai ba, ode saomang ha phap dongyaba khe bo gajai ja riphai kha;

1 KORINTH 10:13

Nisi naigrik goronyaba khe subung goronyaba thane baraya. Madai de gibiyaba se, nisi dukhu jaba tha braha nisi khe dukhu ja ri nang niya. Naigrik sophai bani lugu lugu, nisi dukhu ajao phu mani khlai hi khai hunyaba lama srap slam ma se.”

1 KORINTH 16:13

Smao hi ning dong lah, lonma ha rao hi ning song lah, khitha rao hi dong lah, raodao thao jahi dong lah.

1 KORINTH 9:27

Ani saomang khe ang bol jang dohi dohi, ang leng ne jar khe slam re; ode niyakha de, gibin subung buthu niha grao khe bai bani yaohon ha, ang jarbo dangkhlai jao ma se.

GALATIA 5:24

Ode, Krista Jisu ni subung buthu de, saomang ni baothai mijingma buthu khe bubim jang kross ha bonsi dikpha kha.

EPHESI 6:18

bi dada ode khrip jadi sain hi, asaba bubli ha bo bese jang bi hi, boni balam ha ning subung gatharrao khrip ne khlai hi khah jang muh jang sain hi, smao dada dong lah.

1 PETER 4:7

Khrip jadi jamthao mani bubli sampha kha; odebani, nisi bi phu mani khlai hi khah ha girik hi salai dada dong lah.

1 PETER 5:8

Khiyal khlai hi, girik lah. Nisi ni sotru Soithan de misi raigonma hoba lai, ji mani smai hi daoding bai du.

2 PETER 2:9

Gabra de bokhe khiyal khlaiyarao khe dukhu hadi ni phrang sogo mani ode subung dormo niyayaba buthu khe bisar ni basain sosi saja ri hi ning deng mani bo mithi du.

NUJAOYABA 16:15

Khna lah, makhao lai ang phai du dou! Smao hi ning dong hi, sal khlai blai hi dongyaba ni khophal hambi, bo rih giri hi laji nang niya!

NUJAOYABA 3:10

Khitha rao hi phura dukhu ajao mani ninthane ang grao riyaba khe ning khah ha deng bani, phirthi ha dongyaba khrip nai nai mani habsao khonglang ni basao ha nai naiyaba sophai ba ha, angbo ning khe sogo nang.