MATTHEW 26:39 - DARA GADAIN N.T. with PSA and PRO (BSI)

³⁹ Odehe, bo khaisa sagang gede thangsing daohi yasgu thuhi, O Abai, blai khade ebo bela khe ani phrang disai ri khade ham nang mu; thikhabo, ani baothai lai niya hi, nini baothai lai ja thing, thihi bo biba.

MATTHEW 26:39 Iomraidhean Croise

MATTHEW 20:22

Jisu thiphin ba, Nisi sainyaba khe nisi tharmaiya. Ang bela ha lingginyaba ha nisi lingphu nang? Bonsi boni ha, Blai nang thi hi thiphin ba.

MATTHEW 24:24

Bede thikhade, mosol Krista ode mosol gorasalirao bonsi baigo phu ma; blai khade saikho jaoyarao khebo bonsi thokhi phu mane khlai hi sin ode gmang thaosisi khusi gedeba buthu khebo bonsi dang phnu ma se.

MATTHEW 26:42

Bo phigin thang hi biphin ba, O Abai, ang lingginyaba bela khe ani phrang disai phuya khade, nini baothai lai ja thing.

MARKA 13:22

Bede thikhade Krista mosolrao ode gorasali mosolrao baigo nang, bonsi gmang thaosisi sin phnu hi khusi dang nang. Blai khade saikho jaoyarao khebo thokhiphu mani khlai hi khusi dang ma se.

LUKE 17:16

Jisu ni igah ni rogong ha galai dada, boni ha hamjaoma riba. Bo de Samari subung se.

JOHN 11:41

Odehe, bonsi longthai khe disai ba, yaohon ha Jisu basao ha naikhu hi thi ba, Abai, ning ani grao khe khnaba ni ang nini basao ha khaja la du.

JOHN 14:31

Thikhabo ebo odebani se ja ba, ang Abai khe hamjao du thihi habsao tharmai la thing, ode Abai ang khe bedehe hukhum ri ba olei ning dangba se. Tha, eraha ni phrang jing baigo lai nang.

JOHN 18:11

Odebani, Jisu Peter khe hukhum rihi thi ba, “Seng khe boni bokhoh ha sengphin lah! Abai anthane bela riyaba ha ang ling nang niya na somo?”

JOHN 5:19

Jisu bonsi khe thiphin ba, Ang gibi jang nisi khe thi du, Basa sao jang musi khebo dang phuya, Bupha dangyaba nuyaba khe garhi, Bupha dangba lai se Basa bo dang re.

JOHN 5:30

“Ang sao jang musi khebo dang phuya, ang khe thiba lai ning ang bisar khlai re, ani bisar gibi se. Ani nangjaoma lai ang dang ma baoya, ang khe haihayaba ni nangjaoma khe ning ang dong ba se.”

JOHN 6:38

Jar nangjaoyaba khusi khe dang mane ang sorgo ni phrang akhai buyaba niya, ang khe haihayaba ni nangjaoma khe dang mane se ang phai ba.

DANGYASARAO 10:25

Peter hapsing ma jaba ha, Korneli khe bo lamjao hi boni igah rogong ha yasgu thuhi Madai khe khlimba lai bo khe khlim ba.

PHILIPPI 2:8

Subung ni saogari lahi, bo basasa jahi, thih si grao mani hi dongphai ba, kross ha thihyaba ha ning bo hang yaopha la kha.

HEBRAIRAO 5:7

Jisu de jar ni saomang ha dong bani sainkhali buthu ha, thiyaba ni phrang sogo phuyaba niha bol jang jirik khao hi ode mudi jang gundi jang galai hi, bi dada sainyaba buthu khe bonsi yaopha hi, Madai khe khin bani bo khna kha.

NUJAOYABA 19:10

Boha ning bokhe khlim mane khlai hi boni igah rogong gabasi ang blip pha ba, thikhabo bode ani ha, Olei da khlai lah. Ang ning jang nini daphlungrao lai ning Jisu ni grao nisi mithi pha riyaba khe maniyaba, nisi ni daphlung jang dangyasa angbo saosi se thi. Madai khe se khlim lah. Jisu ni grao khe mithi pha riyaba thidayaba bese se, bo odehe thi ba.