MATTHEW 24:3 - DARA GADAIN N.T. with PSA and PRO (BSI)

³ Odehe, Oliv hading ha bo khamba ha boni yaohon rikphayarao boni ha bonsi ning phai hi sing ba, Ebo buthu la bakhali japhai ma? Ning phaiphin mane ode habsao jamthao khali snadi sin ja ma? Jinthane thi ri lah.

MATTHEW 24:3 Iomraidhean Croise

MATTHEW 13:36

Boha bo subung buthu khe dangkhlai hi noh ha thang la kha. Bo jang yaohon rikphayarao boni ha phai hi bonsi sing ba, Phadain ni mai mosol ni daogari khe jinthane thiphla ri.

MATTHEW 13:49

Habsao jamthao khalibo olei jasosi ning ja ma se. Sorgo ni deglarao baigo phai nang, ode subung hamba ni phrang subung phaphirao khe degao ri ma se.

MATTHEW 15:12

Boha jar ni yaohon rikphayarao phai hi boniha thi ba, Pharisairao ebo grao khe khna hi bonsi jajaoya jaba khe ning tharmai du?

MATTHEW 16:27

Marsi ni Basa de jar ni deglarao jang baosi jahi jar ni Bupha ni muima ha phai ma, ode boha se khrip jadi jar khusi dangba lai ning yaosandi saosi saosi ne khlai hi bo ri ma se.

MATTHEW 16:28

Gibi jang ang nisi khe thi du, eraha songyarao ni bising ha sereba sereba de Marsi ni Basa jar ni raji ha phaiba khe nuya side bonsi thihba khe jen naiyayaba dong, ode bo thi ba.

MATTHEW 17:19

Odehe, yaohon rikphayarao sao jang Jisu niha phai hi, Snadi jabani jing la rik hon phuya ba? thihi bonsi sing ba.

MATTHEW 21:1

Odehe, Jisu Jerusalem rogong ha sophai hi Bethphage nolei ni Oliv hading ha bonsi phai ba. Jisu jar ni yaohon rikphayasa gini khe haiha hi,

MATTHEW 24:27

Bede thikhala, nokhasao gurjliba ha sainja ni phrang baigo hi sain jroba sosi bo jnaba lai Marsi ni Basa phaiphinba hade olei ning ja ma se.

MATTHEW 24:30

Boha se, Marsi ni Basa ni sin khe nokhasao ha nu nang; ode, phirthi ni khrip jadi khahbao do nang, ode Marsi ni Basa de jar ni raothai ode gmang thaosisi muima jang baosi nokhasao jimi ni basao ha phaiba khe nu nang.

MATTHEW 24:37

Odehe, Noah thang hi dongba ha bede jaba olei jasosi ning Marsi ni Basa phaiphinba habo ja ma se.

MATTHEW 24:39

Dih lim hi bonsi langjao tharya side, bonsi musibo tharmaiya. Marsi ni Basa phaiphinba habo olei ning ja ma se.

MATTHEW 24:43

Thikhabo, ebo khe tharmai lah; makhao khao mane phaiba ha noh bubra tharmai kha la, boni noh khe hamsisi raokhi ma se. Ode, jar ni noh khe gablaphu ri nang niya.

MATTHEW 28:20

Nisi ne ang grao riyaba khrip khe mani mane khlai hi sling ri lah. Ode, nai lah, ang thaoglao hapsao jamba sosibo nisi niha ang dongpha ma se.

LUKE 21:7

Bonsi singba, Slingriyah, bo la bakhali ja ma?

DANGYASARAO 1:7

Jisu bonsi niha thiphin ba, Bupha ning bo bubli jang bo basain khe jarni hukhum ni grao ha dong mani khlai hi bo dengyaba khe nisi tharmai ma nangya dou.

HEBRAIRAO 9:26

Niyakha la, habsao sangsai jenba ni phrang la hi, alang alang dukhu suguma nang kha mu. Thikhabo, duha ni bubli jamthao ba ha, bo jar ning bandai ha kho hi, phap khe gajain khlai mani khlai hi, phinsi jang jamthar ri hi bo nujao kha.