MATTHEW 23:8 - DARA GADAIN N.T. with PSA and PRO (BSI)

⁸ Thikhabo, nisi de Rabbi thi hi da longjao; nisi ni slingriyasa de saosi se ning, nisi khrip bo daphlung gaja se.

MATTHEW 23:8 Iomraidhean Croise

MATTHEW 10:25

Slingyaba de slingriyaba lai dong khade santi ja thing, ode lengbo jar ni bubra lai dong kha ning ja kha. Noh ni bubra khe ning Beelzebul bonsi thi khala, boni noh ni subung buthu khe la bislei thi nang.

MATTHEW 17:5

Bo grao thisaiba ha ning, jimi guphu jnayaba jang bonsi khe phungkhlip phai kha; odehe, jimi ni phrang khurang elei baigo ba, Ebode ani basa, ang hamjao daothaoyaba se, boni grao khe khna lah.

MATTHEW 23:10

Hojarao thihibo nisi da longjao; bede thikhade nisi ni hoja saosi se ning, bo de Krista.

MATTHEW 23:7

hathai buthu ha malai jang khlimjao hi, Rabbi thijaoba khe bonsi nangjao re.

MATTHEW 26:25

Odehe, bokhe rem riyaba Juda thiba, O Rabbi, bo la ang ning?. Jisu thiphin ba, Ning ning thila kha.

MATTHEW 26:49

Juda Jisu niha srap thang hi, Juthai, Rabbi thihi bo khe hamsi ning khudim kha.

MARKA 10:51

Jisu bokhe sing ba, Ninthane snadi ang dang ma nangjao ba? Rabbi, ang muthai numa nangjao du, thihi bo thiphin ba.

MARKA 11:21

Peter wainso hi boniha thi ba, Nai sang, Rabbi, ning sariyaba thaikhrao phang de rain kha.

MARKA 14:45

Juda sophaiba jang, Jisu khe Rabbi thihi bokhe khudim kha.

MARKA 9:5

Peter Jisu niha thi ba, Rabbi, eraha dongba jinthane hambi. Eraha jing khepsa grang tham slam nang; ning thane masi, Moses ne masi ar Elija ne masi.

LUKE 22:32

Thikhabo, nisini lonma khe gmaya mane ang bi du, ning ani gede phaiphin khali, nini daphlungrao khe rao ri lah.

JOHN 1:38

Jisu naiphin ba ha, bonsi rikphaba khe nu ba, ode sing ba, Nisi snadi khe nangjao ba? Bonsi thiphin ba, Rabbi, ning braha dong ba? (Rabbi ni ortho de Slingriyah)

JOHN 1:49

Nathanael bo khe thiphin ba, Rabbi, ning Madaini Basa se! Ning Israel ni Raja dedao thaoyaba se.

JOHN 11:8

Rikphayarao Jisu niha thi ba, Rabbi, sagang ha se ning Judarao ning khe longthai lem ma bao ba, ode oraha ning thangphin ma bao du kho?

JOHN 20:16

Jisu bokhe thiphin ba, Mari Bokhe bo naiphin ba, ode Hebrai grao jang grahi thi ba, Rabboni (eboni ortho de Slingriyahsa).

JOHN 3:2

Bo hor ha Jisu niha phai hi thi ba, Rabbi, Madai ni phrang phaiyaba ning saosi slingriyah thihi jing mithi du. Bede thikhala, oleiyaba gmang thaosisi khusi khe ning dang phu du. Madai ni juruma giri kha de saosibo dangphu nang niya.

JOHN 3:26

Odebani bonsi Johan niha phaihi thi ba, Rabbi, saosi subung Jordan ni ojang nar ha ning dong pha ba, ode sereni balam ha ning sainthi riba, bo subung ning baptisma ri du, ode khrip subung boniha thang du.

JOHN 4:31

Boha ning, boni rikphayarao Jisu niha khainsu ba, Rabbi, asaba khe ji da lah.

JOHN 6:25

Dihkharnai ni ojang nar ha Jisu khe nuhi bokhe sing ba, Rabbi, bakhali ning ejang sohi kha?

JOHN 9:2

Boni yaohon rikphayarao boni ha sing ba, Rabbi, hajaiba ni phrang gana jayaba la, sere phap khlai ba, bo ning khlai ba na boni bupha-buma khlai ba?

2 KORINTH 1:24

Nisi ni lonma ni basao ha raja jama ang baoya; lonma ha nisi rao hi song bani khlai hi nisi khajama ni khlai hi nisi jang baosi ang khusi dangyaba se.

2 KORINTH 4:5

Jing jarni kharmu khe thi laya; Jisu Krista de Gabra gibi ni grao ode jing de Jisu ni dara jang nisi ni dangyasa ja bani grao buthu khe se jing de baipha lang ba.

EPHESI 3:15

Bo de phirthi jang sorgo ha dongyaba khrip nokhor bumu maiyaba se.

PHILEMON 1:16

Bo de leng lai niya hi, leng thane hamdao, daphlung hamdaothao lai ja hi, anthane khlai hi hamdaothai ja hi, nisi ne khlai hi de saomang ha ode Gabra niha de ar jadao nang kho!

JAKOB 3:1

Ani daphlungrao, nisi ni bising ha subung gabang slingriyasa da ja, slingriyarao de gibin subung buthu thane gejebdao hi bisar khlai riyaba jama nang du thihi nisi tharmai lah.

1 PETER 5:3

Nisi naisoyarao ni basao ha Raja da ja lah, bonsi nisi khe nai hi sling jao mani dong lah.

NUJAOYABA 1:9

Ang Johan, nisi ni daphlung, Jisu ni khlai hi dojaoyaba ha nisi jang baosi khah lao hi dukhu sugu phayaba ode bonsi jang baosi Raja yaowai phalaiyaba, Madai ni grao ni khlai hi ode Jisu ni grao khe tharmai ri mani khlai hi sagor ni hahgojo Patmos thiyaba hathan ha ang dong ba.

NUJAOYABA 19:10

Boha ning bokhe khlim mane khlai hi boni igah rogong gabasi ang blip pha ba, thikhabo bode ani ha, Olei da khlai lah. Ang ning jang nini daphlungrao lai ning Jisu ni grao nisi mithi pha riyaba khe maniyaba, nisi ni daphlung jang dangyasa angbo saosi se thi. Madai khe se khlim lah. Jisu ni grao khe mithi pha riyaba thidayaba bese se, bo odehe thi ba.

NUJAOYABA 22:9

thikhabo, bo angkhe thi ba, Olei da khlai, ang de ning jang baosi dangyasa, nini daphlung gorasalirao odehe ebo laisi bajap ni grao buthu khe maniyarao dangyasa saosi se. Madai khe se khlim lah, bo odehe ang khe thi ba.