MATTHEW 22:44 - DARA GADAIN N.T. with PSA and PRO (BSI)

⁴⁴ Gabra ning ani Gabra niha Ani yaoda gede kham lah; Nini sotrurao khe nini yapha bakhla ha ang dengya si de.

MATTHEW 22:44 Iomraidhean Croise

BAKHAN NI RAJABTHAI 110:1

Gabra, ani Gabra niha grao thi du: Nini sotrurao khe nini igah dengthan slamya si, Ani yaoda ha kham lah.

BAKHAN NI RAJABTHAI 21:9

Ning nujao phaiba ni sainkhali ha bonsi khe wai ha lemsing ma Gabra nini thamsi jang bonsi khe molo thar ma, Ode, nini wai jang bonsi thaphla ja ma.

MATTHEW 22:45

David ning bokhe Gabra thi kha la, bedehe bo boni basa japhu ma? ode bo thiba.

MATTHEW 26:64

Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.

MARKA 16:19

Gabra Jisu bonsi niha grao jo blai bani yaohonha bo sorgo ha sugu langjao dada Madaini yaoda gede khamhi kha.

LUKE 19:27

Thikhabo, bonsini basao ha ang khe raja jamane maniyayarao khe eraha labu hi, ani sagang ha bonsi khe sthai lah.”

JOHN 20:28

Thomas thiphin ba, Ani Gabra ar ani Madai!

1 KORINTH 1:2

Korinth nogor ni Madai ni longjom, Krista Jisu ha gathar khlai jaohi dongyarao niha, odehe khrip hathan ha jini Gabra Jisu Krista, bonsi jang jini Gabra ni bumu layarao khrip, subung gathar ja mani longjaoyarao niha ning;

1 KORINTH 15:25

Boni sotrurao khrip khe jarni igah bakhla ha deng tharya si de, Krista de bisar khlaiginyaba se.

PHILIPPI 3:8

Ebo buthu khe garhibo, ani Gabra Jisu Krista ni muilo ni balam ha tharmai bani khlai hi, khrip jinis khe ang luskan bao la kha; Krista khe ang maiphu mane ode, boni ha ang dongphu mani khlai hi, boni khlai hi khrip jinis khe ang luskan khlaithar hi, bo buthu khe haglai se ang bao kha.

HEBRAIRAO 1:13

Sorgo deglarao ni bising ha sere ni ha ede thi ba? Ani yaoda gede kham lah, Nini sotrurao khe nini yapha bakhla ha ang dengya si de.

HEBRAIRAO 1:3

Bo de jar ni Madai ni muima jnama jang, boni gibi jang baosi, bo raothai jang khusi dangyaba ni balam ha slamyaba jahi, phap buthu khe bo gathar khlai bani yaohon ha basao gede ha dedaothao jahi yaoda gede bo kham hi kha.

HEBRAIRAO 12:2

Jisu, jini lonma slamyaba ode phura phlaiyaba khe nai hi ning donglai nang; bode boni sagang ha khajama deng bani laji khe musi baoya hi kross ha khah laohi dukhu phlai dada Madai ni khamthan ni yaoda gede bo kham hi kha.

NUJAOYABA 19:19

Gorai ni basao ha gayaba jang boni siphaiya ni dol jang nanglai mani khlai hi, mih rege jang phirthi ni rajarao baithim laiba khe ang nu ba.