MATTHEW 22:16 - DARA GADAIN N.T. with PSA and PRO (BSI)

¹⁶ Odehe, bonsi jar ni slingriyarao khe Herod ni dol ni subung buthu niha ebo grao khe thi mane bonsi haiha ba. Slingriyaba, ning gibi subung se; saosi khebo man ridao riyadao jaya thi hi jing tharmai du, ode saosi khebo ning gibin naidaoya.

MATTHEW 22:16 Iomraidhean Croise

BAKHAN NI RAJABTHAI 12:2

Jarni lugurao niha mosol thi re Khuh gidi jang thokhi re.

BAKHAN NI RAJABTHAI 5:9

Bonsi ni khuh ha de grao gibi baigoya Bonsi ni khasu ha hamya se ning gablai ba, Bonsi ni grangthroh de mangkhlong ni hakhor khongja lai se Bonsi ni khuh ha mosol bakhan baigo ba se.

BAKHAN NI RAJABTHAI 55:21

Buma ni abudih lai boni khah ni grao di du, Bonsi ni khah ha de nanglai mani khlai hi salai du Boni grao de thaolei mili mili ja du Ar seng buyaba lai ja du.

GYAN NI GRAO BUTHU 29:5

Sere jar ni noharirao khe mosol jang khaja ri re Bo jar ni igah ni khlai hi jeh yenlaba se.

MATTHEW 22:24

Bonsi boni ha thiba, Slingriyahsa, Moses thidu, asaba subung basa maiya hi bo thih khade, jar ni daphlung ni bihi khe noh ja hi, jar ni daphlung ne khlai hi bongso thaoma nang du.

MATTHEW 22:26

Olei jasosi ning gini gatham ode khaphlung sni sosi olei mai lai ba.

MATTHEW 26:18

Bo thiphin ba, Nogor ha asaba niha thang hi, boni ha Slingriyaba thidu, ani bubli sampha kha, ani yaohon rikphayarao jang nini noh ha baiglai busu ni mel jing phai ma thihi bo khe thi lah.

MATTHEW 26:49

Juda Jisu niha srap thang hi, Juthai, Rabbi thihi bo khe hamsi ning khudim kha.

MARKA 10:17

Jisu bo lama gede thang mane baigoba ha subung saosi boni gede khaibu hi boniha yasgu thuhi sing ba, Hamba slingriyaba, bede khlai hi ang thaoglao ni hayu mai phu ma?

MARKA 12:13

Grao jobaha remphu mani khlaihi gejesi Pharisairao ar Herod ni dol ni subung gejesi Jisu niha haiha ba.

MARKA 12:14

Bonsi boniha phaihi thi ba, Slingriyah, ningde gibi subung se. Saosi khebo bera khlaiya thihi jing tharmai du, ode saosi khebo dangkhlai daoya. Madaini grao khe hamsisi sling ri du. Jingkhe thi lah, Kaisar niha khajna riba la Dara ha dong na giri? Jing rima na riya?

MARKA 3:6

Odebani, Pharisairao baigo buhi Jisu khe bede khlai hi sthai phuma baohi, Herod ni dol buthu jang sainlai ba.

MARKA 8:15

Jisu bonsi khe thi ba, Pharisairao ar Herod dolni humao ni phrang girik hi nisi dong lah.

LUKE 20:21

Ebo subung haihayarao Jisu khe thi ba, Slingriyah, jing mithi du, grao gibi khe ning johi slingriba thihi subung gede khase baoyahi marsirao Madai ni baothai khe ning sling ri du thihi jing mithi du.

LUKE 7:40

Jisu boni ha thi ba, Simon nini ha ang grao thaisi sainthima nang du. Bo bokhe thiphin ba, Dei, thi sang, slingriyah

JOHN 14:6

Jisu thiphin ba, Ang ning lama, gibi ode hayu se. Ani gede jahi thangya kha de Abai niha saosibo so hi phuya.

JOHN 18:37

Odehe Pilat bokhe sing ba, Ode thikhala, ning saosi raja se na? Jisu thiphin ba, Ning gibi khe thi la kha, ang saosi raja se; odebani se ang hajai phai ba; odebani se ang ebo habsao ha phai ba, gibi grao khe jo mane; sere gibi ha dongba bonsi ani grao khe se khna ba.

JOHN 7:18

Sere jarni nangjaoma lai grao thi re, bo jarni muima khe se smai ba. Sere jarni haihayaba ni muima khe smaiyaba de lonma gnang se, boha musibo gajai giri.

2 KORINTH 2:17

Gabang subung de Madai ni grao khe bephar ha bonsi yaowai ba lai, jing de yaowaiya; Madai haiba lai, Madai ni muh ha, Krista ha ning, gibi jang grao khe jing sainthi re.

2 KORINTH 4:2

Jinis lasisiyaba bo makhao khusi dangyaba buthu khe, jing haiger kha; jing phuslaima yaowai ma nangjaoya kha, Madai ni grao khe jaya hi jing sainthiya. Grao gibi khe phnu hi, Madai ni muh ha, khrip subung hamba hamya tharmaiyaba muthai ha so ri mani jing bao du.

2 KORINTH 5:16

Odebani, duha ni phrang de, subung ni muthai jang saosi khebo jing naiya kha. Sagang ni baothai jang Krista khe tharmai la khabo, duha de olei jing tharmaiya kha.

GALATIA 1:10

Dei thikhala, duha subung khe khaja rima ang baoba na Madai khe? Niyakhala, subung ni bising ha manijao hi se ning ang dongma bao ba? Olei ang jakha de, Krista ni leng ang ja phuya.

GALATIA 2:6

Odehe, subung dedaoyarao ni bising ha bonsi bujai jaoyaba bo (bonsi esa lai subung ja la khabo ani khlai hi gibin jaya, Madai saosi khebo gibin naiya) bonsi subung dedao hi bujai jaoyarao bo ang khe musi dibinya.

1 THESSALONIKA 2:4

Hamba graojma deng rijaoyaba khe Madai ning bo jinthane nepha ba lai ning, subung khe khaja ri mane niya hi, jini khah khe naiyaba Madai khe khaja ri mane se jing grao sainthi ba.

JAKOB 3:17

Thikhabo, basao gede ni phrang gyan galai phaiyaba de jenba ni phrang bo gathar se, boni yaohon ha milima nangjao du, boni dongthai gasain bi, sain lai thao bi, khasaoma jang hamba bathai gablai hi, naidao naiyadao jaya, bo girikbo giriklaiya.

1 JOHN 5:20

Madai ni basa phai hi, Madai gibiyaba khe tharmai phu mani khlai hi, bujima khe jinthane bo ri kha thihibo jing mithi kha. Ode, jingbo boni Jisu Krista ha jing donghi, subung gibi jahi se jing dong ba. Bode Madai gibiyaba se, thaoglao ni hayubo bo ning.