MATTHEW 22:13 - DARA GADAIN N.T. with PSA and PRO (BSI)

¹³ Odese, Raja jar ni lengrao niha thiba, “Boni yao igah khe khahi, hakhli andar ha danghun khlah, oraha se grahi hathai waihi bo dong ma thihi thiba.”

MATTHEW 22:13 Iomraidhean Croise

BAKHAN NI RAJABTHAI 112:10

Subung hamyayarao de bokhe nuhi thamsi baigo ma se Boni hathai wai hi dih ja thar ma se Phaphirao ni nangjaothai de haglai ja ma se.

BAKHAN NI RAJABTHAI 37:12

Phaphirao de subung gibiyarao khe galai ri mani khlai hi bao re Thamsi jang bonsi ni basao ha hathai wai re.

MATTHEW 12:29

Bede thikhala asaba subung bol raoyaba khe srap khadaya kha la, subung bol raoyaba ni noh ha hap hi boni rang khe bede la la phu ma? Kha bani yaohon ha se boni noh ni rang khe lang la phu ma.

MATTHEW 13:30

Mai rathor sosi dong la thing; ode mai rathor ha mai rayarao khe sagang ha mai mosol khe bojom khlai hi saokhrip mane khathaida mane ang thi ma, ar mai khede ani noh ha lusing mane thi ma.

MATTHEW 13:42

Odehe, sao hi dikhlaiyaba wai ha bonsi khe dangsing nang; oraha de gra hi hathai wai ma se.

MATTHEW 13:50

Sao hi dik khlaiyaba wai ha bonsi khe dangsing ma. Oraha de grahi hathai wai ma se.

MATTHEW 24:51

Odehe, bokhe gojo gin so nang, giriklaiyarao ni phantha jang baosi phantha ri nang, oraha se gra hi hathai wai hi dong ma.

MATTHEW 25:30

Odehe, leng hamyayaba khe hakhli andaryaba ha danghun khlah, oraha se bo gra hi hathai wai ma se.

MATTHEW 8:12

Thikhabo, raji ni basathu de raji andar ha rik hon jao hi dong nang. Oraha de hathai waihi grahi dongma se, ode bo thi ba.

LUKE 13:28

Abraham, Isak, Jakob ar Gorasalirao Madaini raji ha dongba khe nisi nu nang. Thikhabo, nisi de baji ha dong dada, dangkhlai jaohi gra ma se.

JOHN 21:18

Gibi gibi jang ang nisi khe thi du, ansa ha de ning jengkhong kha hi jar bara ha nangjao du, oraha thang la re; thikhabo, ning raphai bani sain khali malai nini yao khe sugu nang, ode ning nangjaoyayaba gede ning khe sik lang ma se.

DANGYASARAO 21:11

Bo jini ha phai hi, Paul ni jengsdu khe lang hi, bo jarni yao igah khe khahi thi ba, Ebo de Bese Gathar thi ba: ebo jengsdu ni bubra khe Jerusalem ha, elei jasosi khahi, Jentailrao ni yao ha rijao ma, bo ode thi ba.

DANGYASARAO 7:54

Bisardarrao bo grao khe khna ba jang, bonsi ni khah ha jajaoya hi, Stephan ni basao ha bonsi hathai wai ba.

2 THESSALONIKA 1:9

Bo buthu de Gabra ni sagang ha boni raothai muima gedeba ni phrang, thaoglao jamyaba ni saja ha bonsi dukhu ja ma se.

2 PETER 2:17

Eleiyaba subung buthu de dihkhor, dihmu rainyaba ode jimi baryungma jang sipding jaoyaba lai jasosi se; andar maojrim de olei dong mani ning bo saikho jaoba se.

2 PETER 2:4

Sorgo ni deglarao phap khusi dangyaba khe ning, Madai de haigerya hi, saja thani ha dangsing hi, bisar ni basain khe jon mani khlai hi andar ni hakhor ha khahi bo deng du.

JUDA 1:13

Bonsi de sagor ni dithon buthu, jar ni laji ha bukhuhdi baigoyarao se; sathrai daoding baiyarao, bonsi jug jug dong mani andar gisimyaba ha salai jaoyarao se.

JUDA 1:6

sorgo ni deglaraobo, jar ni lama khe hamsisi naisoya hi, bonsi ni dongthan khe dangkhlaiyarao khe, bisar ni basain gedeba ha bao mani khlai hi, thaoglao ni sikol ha kha dada andar ni bakhla ha bonsi khe phraojeb kha.

NUJAOYABA 21:27

Thikhabo, jinis gusu musibo hap phu nang niya, khusi rege rege dangyarao ar mosol grao joyarao ode thokhi baiyaraobo hap phu nang niya, Melmasa ni hayu ni laisi bajap ha bumu rebjaoyarao se ning hap phu ma.