MATTHEW 22:11 - DARA GADAIN N.T. with PSA and PRO (BSI)

¹¹ Thikhabo, Raja subung longyarao khe nai mane bising hap phaiba ha, disingyaba ni rih phinyayaba subung saosi oraha dongba khe bo nu ba.

MATTHEW 22:11 Iomraidhean Croise

MATTHEW 13:30

Mai rathor sosi dong la thing; ode mai rathor ha mai rayarao khe sagang ha mai mosol khe bojom khlai hi saokhrip mane khathaida mane ang thi ma, ar mai khede ani noh ha lusing mane thi ma.

MATTHEW 22:10

Odebani, boni lengrao de baigo lang hi, lamayung buthu ha bonsi thang dada, bonsi nuyaba si khe, subung hamba, subung hamyayarao khebo bojom khlai hi, disingyaba ni mel ha ji mane naorai gablai thar kha.

MATTHEW 3:12

Boni sangkhon boni yao ha ning dong; ar bo jar ning maijibu khe ragao sisi khlai hi sipkhao nang. Odehe, jar ni mai khe maikhoh ha bojom khlai nang, maijibu mudi khe thaoglao ni waikhor ha saokhrip nang.

ROM 13:14

Gabra Jisu Krista khe ning phin hi dong lah, nisi ni saomang ni nangjaothai buthu phura ja mani khlai hi nisi ni khah ha musi khebo hajora da smai lah.

ROM 3:22

Bode Jisu Krista khe lon bani bokhe lonyaba si niha Madai ni dormo phnujao hi dongyaba bo ning ja kha. Gibin naiyaba musibo giri,

1 KORINTH 4:5

Odebani, Gabra phaiya si de, boni bubli jaya kho, saosi khebo da badai lah. Boha de, andar ha thim hi dongyarao khe jnayaba ha bo phnu nang, khah ha khusi dangma baoyaba buthu khe khaikho hi phnu ma se. Boha se bonsi khrip subungbo jar khusi dangba lai Madai ni bakhan khe bonsi mai lai ma se.

2 KORINTH 5:3

Oleiyaba gainsari khe jing phin kha ning, sao ha rih giri nujao nang niya.

GALATIA 3:27

Nisi ni bising ha Krista ha baptisma layarao si de, bonsi Krista ha salai ri kha.

EPHESI 4:24

Gadain subung ni dormo jang gibi gibi ni gathar Madai jang baosi slamyaba khe la lah.

NUJAOYABA 16:15

Khna lah, makhao lai ang phai du dou! Smao hi ning dong hi, sal khlai blai hi dongyaba ni khophal hambi, bo rih giri hi laji nang niya!

NUJAOYABA 19:8

Rih gili duduyaba, guphu jablai jablaiyaba odehe gathar khe bonsi thu ri mane hukhum ri kha. Rih gili duduyaba de subung gatharrao dormo khusi dangyaba buthu se.

NUJAOYABA 2:23

Boni basathu khe ang sthaima se: Ode thikhase, ang khe khrip khah ha baoyaba khe jamthar si tharmaiyaba ani jathai khe longjomrao khripbo tharmai nang. Odehe khrip subung jar khusi dangba lai ning slai ma se.

NUJAOYABA 3:18

Odebani ning gnang japhu mani khlai hi wai ha gajao malang hi saginyaba khe ani phrang barai mani khlai hi ning khe ang sibring du. Ning langtha lasisiyaba khe phung mani khlai hi, gainsari guphu khe barai hi, ode ning nuphu mani khlai hi muthai ha hu mani muthai saya bani muli khebo barai lah.