MATTHEW 22:10 - DARA GADAIN N.T. with PSA and PRO (BSI)

¹⁰ Odebani, boni lengrao de baigo lang hi, lamayung buthu ha bonsi thang dada, bonsi nuyaba si khe, subung hamba, subung hamyayarao khebo bojom khlai hi, disingyaba ni mel ha ji mane naorai gablai thar kha.

MATTHEW 22:10 Iomraidhean Croise

MATTHEW 13:38

Phadain de habsao khe se thi ba, hamba bumu de raji ni basathu se, mai mosol buthu de phaphi ni basathu se.

MATTHEW 22:9

Odebani, lamayung ha thang hi nisi goronyaba si subung buthu khe disingyaba ni mel ha ji mane labu lah, thihi bo sani ba.

MATTHEW 25:10

Odehe, bo barai mani thangba hatho ha ning daman sophai kha; ode, sere salai hi dongba bo jang baosi disingyaba ni noh ha jima ni hapsing kha; ode, derga phrao kha.

MATTHEW 9:15

Jisu bonsi khe thiphin ba, Damanjik khe langginyarao niha daman dongdu si, damanjik khe langginyarao dukhu nang re. Thikhabo, boni basai khe bonsi ni phrang langla mani basain sophai nang, boha se bonsi hoh khongja dong ma.

2 KORINTH 12:21

ang phaiphin ba ha, duha ni sagang ha phap khusi ode rege rege nisi dang re, khah nang baiyaba buthu ar gaora ja baiyaba khah phinyaba ni ang gra ri nang, ani Madai jang nisi laji phnu jao nang thihi bo ang khin du.

1 JOHN 2:19

Bonsi de jini bising ni phrang baigo hi, bonsi jini subung gibi gibibo niya, niyakhade bonsi jini bising ha ning dongma mu. Thikhabo, bonsi jamthar si jini subung jatharya thihi ragao sisi tharmai mani khlai hi bonsi baigo ba se.

NUJAOYABA 5:9

Bonsi rajabthai gadain khe rajab ba: Ning, laisi bajab thonyaba khe lahi, boni sin khe khru jayaba ning se! Ning sthaijao hi, nini bithi jang khrip jadi, khrip grao, khrip subung ode khrip greng ni phrang, Madai ne khlai hi subung buthu khe barai kha.

NUJAOYABA 7:9

Eboni yaohon ha ang naiha ba de; subung bangba sainso phuya, khrip jadi ni bising ni subung, khrip bumu ni bising ni subung, khrip grao ni subung, gainsari guphu thu hi, saman bedep buthu khe lang hi, singhason ha ar Melmasa ni sagang ha songba khe ang nu ba.