MATTHEW 2:13 - DARA GADAIN N.T. with PSA and PRO (BSI)

¹³ Odehe, bonsi thang la bani yaohon ha, Gabra ni degla saosi saomi ha nujao phai hi Josef khe thi ba, Baija hi nana jang boni buma khe lang hi, Egypt raji ha khailang lah; ode, ning khe ang thiphinya si, oraha ning dong lah. Bedethikhade, nana khe Herod sthai mane smai du.

MATTHEW 2:13 Iomraidhean Croise

MATTHEW 1:20

Ebo grao buthu khe bao hi dongba ha, Gabra ni saosi degla saomi ha nujao phai hi thi ba, Josef, ning Mari jang noh jaba khe da khin. Bo sao khonggin jayaba de Bese Gathar jang se ja ba thi hi tharmai lah.

MATTHEW 10:23

Masi nogor ha nisi khe dukhu rikha de, nogor gibin ha khailang lah; gibi jang ang nisi khe thi du, Marsi ni Basa phai mani sagang ha de Israel ni khrip nogor buthu ha thang thar phu nang niya.

MATTHEW 2:12

Odehe, bonsi Herod ni ha thangphinya mane khlai hi saomi ha thijaoyaba grao dongba ni, lama gibin gede jar ni nolei ha bonsi thangphin la kha.

MATTHEW 2:14

Odebani, baija hi, hor ha ning nana jang boni buma khe lang hi Egypt ha bo thang la kha.

MATTHEW 2:16

Odehe, Herod khe gonokrao thokhi kha thi hi bo tharmai ba jang hamsi ning thamsi baigo hi, subung haiha hi, bubli ha gonokrao khe ragao sisi grao singphlaba lai, Bethlehem ni khrip haphai ha nana miyah nokha maithai gin ni phrang bakhla ni khrip khe bonsi dainthai thar ba.

MATTHEW 2:22

Thikhabo, Herod ni basa Arkelaus, boni bupha ni baslai ha raja jahi dong thi hi khna dada oraha thang raoya kha. Ode, saomi ha thijaoba ni Galili gede thang la kha.

DANGYASARAO 10:22

Bonsi thiphin ba, Korneli, siphaya rjasi ni hoja, jing khe haiha ba. Bo Madai khe khinyaba, Juda jadi khripbo man khlaiyaba, ar gibi subung se. Bo niha sorgo ni degla saosi nujao hi, ning khe boni noh ha thang mane longha du, ning grao sainthiyaba khna mane khlai hi.

DANGYASARAO 10:7

Sorgo ni degla thang bani yaohon ha, Korneli jarni dangyasa ode Madai khe maniyaba siphaya saosi khe long ba.

DANGYASARAO 12:11

Peter smao ba jang, Gabra ning jarni degla khe haiha hi, Herod ni yao ni phrang, Juda subung buthu ni asama khrip ni phrang, bo angkhe sogo kha thihi duha gibi jang ang tharmai kha, bo ode thi ba.

DANGYASARAO 12:7

Srap khlai hi Gabra ni saosi degla boni rogong ha songphai hi, khutha bising ha jna phai hi, Peter ni sangkhreng ha yaosi jaopha hi bokhe masa ba, Sangga baija lah, ode bo thi ba. Ode, bokhe khayaba jingjri buthu galai lang la kha.

DANGYASARAO 16:36

Odehe, phatho khe naisoyaba, Paul niha bonsi ni grao khe thi ba, Bisardarrao nisi khe haiger mane subung haiha ba, odebani, duha baigo hi santi jang thang lah.

DANGYASARAO 5:19

Thikhabo, Gabra ni degla sao jang derga buthu khe khuru phai ba, ode bo khe bajiha lang hi thi ba,

DANGYASARAO 7:19

Bo ning jini phagrarao khe thokhi hi bo dukhu ri ba, bonsi ni basathu khe bo hamya mane khlai hi bonsi dangkhlai ri ma galai ba.

NUJAOYABA 12:14

Thikhabo, masainjik de jbu ho sophuyayaba bokhe deng mane salaiyaba hajengling ha birsing phu mani khlai hi daoling gedeba ni bagrang buthu saikhao gini khebo bonsi ri hi, oraha ning bubli masi odehe bubli buthu odehe bubli gejer ni bising ha bonsi bokhe kharang ma se.

NUJAOYABA 12:4

Boni bermai jang nokhasao ni sathrai buthu khe phantha tham saikhao hi phanthasi khe baikhla hi, phirthi ha bo garai thar ba. Nana hajaiba jang srap molo phu mani khlai hi Dragon sao goma jayaba ni sagang ha bo song hi ning dong ba.

NUJAOYABA 12:6

Bo masainjik khe Madai ning bo salai riyaba hathan ha, nokha maithai jang rjing jhigin maithai do bising ha kharang phu mani khlai hi bo khailang la kha.