MATTHEW 18:11 - DARA GADAIN N.T. with PSA and PRO (BSI)

¹¹ Gmayarao khe sogo mane khlai hi se Marsini Basa de phai ba.)

MATTHEW 18:11 Iomraidhean Croise

MATTHEW 10:6

Thikhabo, Israel jadi ni melma gmayarao niha se thang lah.

MATTHEW 15:24

Odehe, Jisu thiphin ba, Israel jadi ni bising ha melma gmayaba niha garhi de angkhe haihaya.

MATTHEW 18:12

“Nisi bede bao du? Subung saosi niha melma rjasi dong. Ode, boni bising ha masi gma lang kha la, bo bisabri majhisgu khe dangkhlai lang hi, bo hading buthu ha gmayaba khe smai nang niya?

MATTHEW 9:12

Jisu ebo grao khe khna hi bonsi khe thi ba, Subung bol raoyarao ni khlai hide daktor nangya, subung limyarao ni khlai hi se nang ba.

LUKE 15:24

Bede thikhade, ebo ani basa thih kha, thikhabo bo thangphin kha; bo gma ba, thikhabo duha de jing maiphin kha. Odehe bonsi mel jilai kha’.

LUKE 15:32

Ebo nini buphlung de thih hi bo thangphin kha; gma hi bo khe jing maiphin kha. Odebani khaja hi khusi jang jing dongma nang du.’

LUKE 19:10

Gamayarao khe smaihi sogo mane se Marsini Basa de phai ba.

LUKE 9:56

Odehe, gibin nolei gede thangphin la kha.

JOHN 10:10

Makhao de sthaima ar khaolangma ode sjam thar lang mane se ning phai re. Nisi hayu mai mane ode gabang mai mane se ang phai ba.”

JOHN 12:47

Sere ani grao khe khna hi maniya la kha bo, ang bokhe gajai ha galai riya. Bede thikhala habsao khe gajai ha galai rimani khlai hi ang phaiya, habsao khe sogo mani khlai hi se ang phai ba.

JOHN 3:17

Phirthi khe gajai rimane Madai jarni basa khe haihaya, boni gede jahi phirthi khe sogo mani khlai hi se bo khe haiha ba.

1 TIMOTHE 1:15

Krista Jisu de subung phaphirao khe sogo mani khlai hi ebo habsao ha phai ba, thi hi bonsi thiyaba khe hamsi ning lonsing mani dong ode manima nang daoyaba se. Ang de bonsi ni bising ha phaphi jadao thaoyaba se.