MATTHEW 17:22 - DARA GADAIN N.T. with PSA and PRO (BSI)

²² Odehe, Galili raji ha bonsi dongba ha Jisu bonsi niha thiba, Marsi ni Basa de subung buthu ni yaoha rem rijao ma se.

MATTHEW 17:22 Iomraidhean Croise

MATTHEW 16:21

Bo bubli ni phrang Jisu jar ni yaohon rikphayarao niha thiba, Ang Jerusalem ha thang ma, ode khraorao, Jonthaimarao, Dara khe sling riyarao ni phrang gabang dukhu mai ma; ode, bonsi angkhe sthai ma, thikhabo, nokha saintham ha ang baijaphin ma.

MATTHEW 16:28

Gibi jang ang nisi khe thi du, eraha songyarao ni bising ha sereba sereba de Marsi ni Basa jar ni raji ha phaiba khe nuya side bonsi thihba khe jen naiyayaba dong, ode bo thi ba.

MATTHEW 17:12

Thikhabo ang nisi khe thidu, Elija de phai kha, bokhe bonsi tharmaiya, boni basao ha bede nangjaoba olei ning bonsi khlai kha. Olei jasosi ning Marsi ni Basa ni basao habo bonsi ni gede ni phrang bo dukhu mai ma se.

MATTHEW 17:23

Bonsi bokhe sthai ma, odehe, nokha saintham ha bo thang hi baijaphin ma. Odebani bonsi hamsi ning khah waimu nanglai ba.

MATTHEW 17:9

Odehe, hading ni phrang akhaiba ha, Jisu bonsi khe thi ba, Marsi ni Basa subung githi ni bising ni phrang baija phinya side, nisi nuyaba khe saosi nihabo da thi bai.

MATTHEW 24:10

Boha de gabang subung khajao ma, saosi khe saosi rem ri lai ma, ode saosi jang saosi nisi jajaoya ja lai ma se.

MATTHEW 26:16

Odehe, bo bubli ni phrang bokhe rem ri mane bo hajora smai kha.

MATTHEW 26:46

Baija lah, jing thangla nang. Nai lah, angkhe rem riginyaba gabasi sophai kha.

MARKA 8:31

Jisu jarni yaohon rikphayarao khe sling ri ba, Marsi ni Basa de dukhu rijao ma, ode hojarao, Jonthairao ode Dara khe slingriyarao bokhe negar ma, bonsi bokhe sthaima, thikhabo saintham ha bo baijaphin ma.

LUKE 24:26

Krista, boni muima ha hap mane ebo dukhu buthu khe mai ma nang ma niya?

LUKE 24:46

Ar bonsi khe thi ba, Edehe ning reb da, Krista sao ha dukhu mai hi, nokha saintham ha baija phin ma,

LUKE 9:22

Odehe, Jisu jarni rikphayarao khe thi ba, Marsini Basa khe hamsi ning dukhu rima, ode hojarao, jonthairao, ode Dara khe slingriyarao bo khe nangjaoya ja ma. Bo khe sthai ma, ode saintham ha baijaphin ma se.

LUKE 9:43

Subung buthu khrip bo Madaini raothai khe gmang lai ba.

DANGYASARAO 7:52

Nisi ni phagrarao la sere gorasalirao khe dukhu riyaba dong? Subung hamdaothao phai mani grao sainthi dayarao khe bonsi sthai ba, ode, subung gibi khe remriyaba, ode sthaiyarao nisi ning ja kha.

1 KORINTH 11:23

Bede thikhade, ebo grao aniha Gabra ni phrang sophaiyaba khe nisi nebo ang so ri du, olei rem rijao hi dong bani hor ha, Gabra Jisu de hon laha hi,