MATTHEW 15:18 - DARA GADAIN N.T. with PSA and PRO (BSI)

¹⁸ Khuh ni phrang baigoyaba de khah bising ni phrang se baigo phai ba, bo ning subung khe gusu khlai ba se.

MATTHEW 15:18 Iomraidhean Croise

BAKHAN NI RAJABTHAI 36:3

Malai khe thokhi mane nalaibo bo hamya grao jo re Hamba khusi ode girikthai ni khusi bo dangya.

GYAN NI GRAO BUTHU 10:32

Gibirao ni khujer snadi hamdu bokhe tharmai re Thikhabo, phaphi ni khuh hamya grao khe se ning tharmai ba.

GYAN NI GRAO BUTHU 15:2

Subung girikyaba ni slai de buddi labu re Thikhabo subung gibir ni khuh hade gibir ni grao baigo re.

GYAN NI GRAO BUTHU 15:28

Subung gibi ni khuh de grao thima ni sagang ha baoda re Thikhabo, subung hamyayarao ni khuh ni phrang gabang hamya baigo re.

GYAN NI GRAO BUTHU 4:23

Khrip ni basao ha, nini khah khe raokhi lah Bede thikhade, bo de hayu ni dihmu se.

GYAN NI GRAO BUTHU 6:12

Subung haglai ar subung regeyarao de haglai grao jo hi dao ding bai re

MATTHEW 12:34

Nisi jbu ni greng buthu, nisi hamya hi ning, nisi bede hamba grao thi phu ma? Khah ha gablaiyaba khe se khuh jang thiba thi.

MATTHEW 15:11

Khuh ha hapsingyaba de subung khe gusu khlaiya, khuh ni phrang baigoyaba se subung khe gusu khlai ba.

MATTHEW 15:17

Bukhuh ha hapyaba side bohoh ha galaising du, ode khiba ha baigo du thihi nisi tharmaiya kho?

MARKA 7:20

Ode, Jisu thi lai ba, Subung ni khah bising ni phrang baigo buyaba se subung khe gusu khlai re.

LUKE 19:22

Bo bokhe thi ba, Hamyayaba leng! Nini jarni grao jang ning, ang ning khe gajai ri du! Ang ning khah raoyaba subung, jarni niyayaba khe layaba ar gaiyayaba ha rayaba thihi ning mithi du na?