MATTHEW 13:52 - DARA GADAIN N.T. with PSA and PRO (BSI)

⁵² Odese, bonsi niha, Ode thikhade, Dara-disa khe slingriyaba ode sorgo raji ni lama khe slingriyaba de noh bubra jar ni don bokhoh ni phrang jinis gadain buthu ode jinis gajam buthu khe khaikho ba lai jasosi se, thi hi thi ba.

MATTHEW 13:52 Iomraidhean Croise

GYAN NI GRAO BUTHU 11:30

Gibi subung ni bathai de hayu ni bongphang se. ar, sere malai khe de du bo girikyaba se.

GYAN NI GRAO BUTHU 15:7

Subung girikyarao ni khujer gyan khe saiphlung re Thikhabo subung gibir ni khah olei niya.

GYAN NI GRAO BUTHU 18:4

Subung ni graothai de wari guthu lai se Girikma ni dikhor de dikhongsa lai riyen du.

MATTHEW 12:35

Subung hamba de jar ni khah khoh ni hamba ni phrang grao hamba buthu khe khaikho re. Subung hamya de jar ni khah khoh ni hamya ni phrang hamya grao buthu khe khaikho re.

MATTHEW 13:51

Jisu bonsi niha, Ebo khrip grao buthu khe nisi buji kha? thi hi bonsi khe sing ba. Bonsi boni ha, Buji kha dou, thi hi thiphin ba.

MATTHEW 13:53

Jisu ebo daogari buthu khe thiblai ba jang oraha ni phrang baigo hi thang la kha.

MATTHEW 23:34

Nai lah, nisi niha gorasalirao subung gyanirao, slingriyarao khe ang haiha du; bonsi sthai hi kross ha dikpha ri ma, sereba khe longjomkhoh buthu ha migur ni wadu jang nisi su ma, ode masi nogor ni phrang gibin nogor ha rikkhlai ma.

MATTHEW 28:19

Odebani, ning thang hi khrip jadi ni subung buthu khe yaohon rikya slam lah, ode bonsi khe Bupha, Basa, Bese Gathar ni bumu jang baptisma ri lah.

LUKE 11:49

Odebani, Madai ni girikthai ni laisi ha thi du, ang nisi ni gorasali ar haiyasa khe haiha ma, ar bonsi khe nisi sthai nang, ar gibin khe de nisi dukhu ri nang,

JOHN 13:34

Ang nisi ne masi gadain hukhum rilang du, saosi jang saosi khe hamjao lah. Bedehe ang nisi khe hamjao ba, olei ning nisibo saosi jang soasi khe hamjao lah.

2 KORINTH 6:10

khaja hi jing dong ba ha, khah waimu mai ba, dukhisa jahi jing dong ba ha, gabang subung khe gnang khlai ba, musibo niya hi, jamthar si jini gaja ja kha.

EPHESI 3:4

ang raoyaba grao khe nisi alang alang phuri kha de, bo Krista jang sainthijao hi ang tharmaiyaba grao khe nisibo buji nang.

EPHESI 3:8

Ang subung gathar khrip ni bising ha khrip tha khasi daothao ni bising ha khasi daoyaba niha se bo khasaoma khe ri ba: Krista gnang jathai khe thihi thisophuya graojma khe Jentailrao niha sainthi mane ode,

KOLOSSA 1:7

Epaphra, jini leng khusi dangpha laiyaba gibi ni phrang nisi slingba ring lakha lai ning. Bo de jini baslai ha Krista ni khusi dangyasa lonma gnang se.

KOLOSSA 3:16

Krista ni grao khe jarni khasu ha thao la thing. Bakhan ni rajabthai, ode Madai ni rajabthai, Bese gede ni rajabthai ni khrip jadi buddi gyan jang slingri hi sibring lai lah, ode khasu ni khajama jang Madai niha rajab lah.

1 TIMOTHE 3:6

Phin gadain lonyaba da jama nang du, ode niyakha de, sangga hi Diabol ni gajai ha galaising ma se.

TITA 1:9

Bo de grao gathang gibi khe yaowai hi, bonsi khe grao slingri phu mani khlai hi, ode badaiyarao khe niyathai phu mani khlai hi, grao gathang gibi khe sling ri hi dongba lai, lonma gnang grao khe remsongyaba subung jama nang du.