MATTHEW 13:30 - DARA GADAIN N.T. with PSA and PRO (BSI)

³⁰ Mai rathor sosi dong la thing; ode mai rathor ha mai rayarao khe sagang ha mai mosol khe bojom khlai hi saokhrip mane khathaida mane ang thi ma, ar mai khede ani noh ha lusing mane thi ma.

MATTHEW 13:30 Iomraidhean Croise

MATTHEW 13:25

Thikhabo, bonsi thuba ha sotru phai hi, mai ni gejer ha mai mosol bumu saihi bo thang la kha.

MATTHEW 13:29

Bo thiphin ba, Niya, olei da khlai; bede thikhade mai mosol khe nisi phiba ha mai khe bo phi pha jao nang,

MATTHEW 25:32

Odehe, boni sagang ha khrip jadi bonsi bojom ja ma. Melma naisoyaba burun ni bising ha melma buthu khe gibin degao riba lai bonsi khe bo degao ri ma;

MATTHEW 25:41

Boni yaohon ha, boni yaosi gede subung dongyaba buthu niha thi ma, Sot rijaoyarao, thaoglao ni wai ha Soithan jang boni deglarao ne bonsi salaiyaba ha angkhe haiger lang hi thang lah.

MATTHEW 3:12

Boni sangkhon boni yao ha ning dong; ar bo jar ning maijibu khe ragao sisi khlai hi sipkhao nang. Odehe, jar ni mai khe maikhoh ha bojom khlai nang, maijibu mudi khe thaoglao ni waikhor ha saokhrip nang.

LUKE 3:17

Boni yao ha mai jaomane sangkhon dong. Maigrik khe boni maikhoh ha lusing ma, ode maijubu khe thih thaoyayaba waikhor ha saokhrip ma.

JOHN 15:6

Jodi sere aniha dongphaya thikhade bo bedep lai dangkhlaima se, ode rain ma, ode bokhe khonthim hi wai ha dangsing hi saokhrip re.

1 KORINTH 4:5

Odebani, Gabra phaiya si de, boni bubli jaya kho, saosi khebo da badai lah. Boha de, andar ha thim hi dongyarao khe jnayaba ha bo phnu nang, khah ha khusi dangma baoyaba buthu khe khaikho hi phnu ma se. Boha se bonsi khrip subungbo jar khusi dangba lai Madai ni bakhan khe bonsi mai lai ma se.

1 TIMOTHE 5:24

Subung sereba sereba ni phap buthu de srap nujao du, bonsi thane bonsi ni phap de bisar ha soda du, thikhabo, sereba sereba phap de yaohon ha se nujao phai ba.