MATTHEW 13:23 - DARA GADAIN N.T. with PSA and PRO (BSI)

²³ Odehe, hah hamba ha maigrong galaiyaba de edese, grao khna hi boni khah habo buji du, bode asaba thikhabo bathai thai ma se. Sereba de rjasi, sereba de bisatham, sereba de mathimji bathai thai ma se.

MATTHEW 13:23 Iomraidhean Croise

MATTHEW 12:33

Bongphang ham kha de, boni bathai bo hambi, bongphang hamya khade, boni bathai bo hamya nisi thi re, bongphang de boni bathai ha tharmai du.

MATTHEW 13:8

Thikhabo gejesi jakha de, hah hamba ha galai hi grong jang rjasi, sereba jakha de grong jang bisa tham, sereba de grong thimjhi bathai thai kha.

MATTHEW 3:10

Duha ni phrang khrip bongphang ni khitha ha rowa deng kha; odebani, khrip bongphang hamsi bathai thaiya khade bokhali wai ha dangsing ma se.

MATTHEW 3:8

Odebani, khah phin bani bumu khe lahi bathai thai lah.

MARKA 10:15

Sere ansarao lai Madaini raji khe hamjaoba lai hamjaoya khade Madaini raji ha hap mai nang niya.

MARKA 4:20

Hah hamba ha galaiyaba thiyaba de, grao khe khna hi ajaoyarao se. Bonsi graojma khe khna hi ajao re, ode phantha mathimjhi, phantha bisatham, ode phantha rjasi bathai thai re.

LUKE 13:9

Ode phaiginyaba maithai ha thai re thikhade ham nang, thaiya re thikhade, ning bo khe bokhla lah.

LUKE 8:15

Hah hamba ha graiba thiyaba buthu grao khna hi, hamsisi khah gibi jang dukhu soi hi bonsi bathai thai re.

LUKE 8:8

Ode gejesi hah hamba ha grai dada, mai juphai hi dephai hi, phantha jang rjasi thai kha.

JOHN 15:16

Ning ang khe saikhoya, thikhabo ang se ning khe saikho ba, ode yaopha ba, ning thanghi bathai thai ma, bo bathai suiyaba ja ma. Odese snadi khe nisi ani bumu jang sain du, bokhe nisi ne Abai ri nang.

JOHN 8:47

Madai ni subung de Madai ni grao buthu khe ning khna re. Nisi Madai ni phrang baigoyaba Madai ni grao buthu khe nisi khnaya hi dong re.

DANGYASARAO 16:14

Boha bumu Luda thiyaba, rih jaosro phainyaba, Thuatira nolei ni subung, Madai biyaba masainjik saosi, jing grao thiyaba khe khna ba, ode Paul grao thiyaba khe mani mane khlai hi Gabra ning boni khah khe khuru ri kha.

DANGYASARAO 17:11

Oraha ni subung buthu de Thessalonika ni subung buthu thanebo bonsi hamdao. Odebani, khah ha khajama jang grao khe bonsi lamjao hi, bonsi grao thiyaba khe jadu na jaya mithi mani khlai hi sainmidi Madai ni laisi ha bonsi smai re.

2 KORINTH 9:10

Gai mani bumuh riyaba ode nisine ji mani hon riyaba ning, nisi gai mani bumuh rihi, nisi ne bara ri nang, nisi ni dormo ni bathai khe nisine lab khlai rima se.

PHILIPPI 1:11

Madai ni muima jang bakhan ne khlai hi, Jisu Krista ni kharon jang dormo ni bathai ha nisi gablai rijao hi dongma se.

PHILIPPI 4:17

Jinis riyaba khe ang smaiyaba de niya, nisi ni gede bese ha bathai thai mane se ang smai ba.

KOLOSSA 1:10

Khrip jadi hamba khusi dangyaba ha bathai thai hi, Madai khe basao mithi bani balam ha dedao phalang hi, khrip ha bokhe khah khusi khlai mane Gabra ni yaohon rikphaya hi nisi dongphu mane ode,

KOLOSSA 1:6

Bo hamba graojma khe habsao khonglang ha hamthai sophai hi bo gublung phalang hi, olei jasosi ning nisi niha bo sophai kha. Gibi jang Madai ni khasaoma khe gainsong hi nisi hamsisi mithi bani basain ni phrang se nisi niha bo bathai thai hi bara phalang ma.

1 THESSALONIKA 4:1

Yaohonthao ha, daphlungrao, bo jamthao khali de, nisi ni dongthai jang Madai khe nisi ni khaja rithai khe, jini phrang nisi sling kha bani (duha nisi dongba lai ning) ar slingba khe bol sengdao mani khlai hi nisi khe khainsu hi jing sibring du.

2 THESSALONIKA 2:10

Ode, boha jam didih ja hi dongyarao de thokhima hamya jadao thaoyaba jang bonsi thokhi jaoma se, bede thikhade sogo jao hi dongphu mani grao gibi khe bonsi manima nangjaoya.

HEBRAIRAO 4:2

Hamba graojma de bonsi niha so ba lai jasosi ning jini habo sophai ba se; thikhabo, grao khnayaba hamba grao buthu ode lonma ha bonsi maniya bani, bonsi grao khnayaba de bonsi ni khlai hi lab jaya.

HEBRAIRAO 6:7

Bede thikhade, bo phirthi ha hadi hayaba khe alang alang mai hi, boni bubra ne khlai hi sam lai bonlai gaiyaba de, bo Madai ni hamthai mai du.

HEBRAIRAO 8:10

“Bo basain buthu ni yaohon ha Israel noh khor niha ang grao khaginyaba de ebo se,” Gabra thi du, “Bonsi ni baothai buthu ha ani dara buthu khe ang deng nang, Bonsi ni khasu habo ang reb ma se Ang bonsi ni Madai ja nang Bonsi de ani subung buthu jama se.

2 PETER 3:18

Thikhabo, jini Gabra jang sogoyahba Jisu Krista khe mithiyaba ha nisi dedao phalang lah. Boni ha ning duha ni phrang thaoglao jang muima dong thing. Amen.

1 JOHN 5:20

Madai ni basa phai hi, Madai gibiyaba khe tharmai phu mani khlai hi, bujima khe jinthane bo ri kha thihibo jing mithi kha. Ode, jingbo boni Jisu Krista ha jing donghi, subung gibi jahi se jing dong ba. Bode Madai gibiyaba se, thaoglao ni hayubo bo ning.