MATTHEW 13:22 - DARA GADAIN N.T. with PSA and PRO (BSI)

²² Busuling ha maigrong galaiyaba de edese; bo grao khede khna du; thikhabo, habsao ni khah waimu ar mosol grao jang boni grao khe dip phung du. Odebani bo bathai thaiya.

MATTHEW 13:22 Iomraidhean Croise

BAKHAN NI RAJABTHAI 52:7

Nai sang, Madai ni basao ha asa dengyayaba subung khe Bo jarni dhon ni basao ha lonma deng kha, Hamya khusi dang dada jar khe dimkhao la ma bao re, thi hi thi nang.

BAKHAN NI RAJABTHAI 62:10

Bol jang khrang jiyarao khe da lon Khaoyaba jinis ha bo sanggama da phnu Nini don bangdao lakhabo Ningbo don ni basao ha khah da deng.

GYAN NI GRAO BUTHU 11:28

Jar ni don ni basao ha lonma dengyaba de galai ma se Thikhabo gibi subung de balai gakhrang lai gili du du ja ma se.

GYAN NI GRAO BUTHU 23:5

Gnang jaba lamai lamai jang lang la re Bede thikhade gnang de bagrang slam hi Daoling lai nokhasao gede birlang la re.

MATTHEW 12:32

Sere Marsi ni Basa khe sijidu, boni sijima de map mai nang. Thikhabo Bese Gathar khe sijiyaba de thanghi dongba habo, ar phaiginyaba bubli habo map mai nang niya.

MATTHEW 13:39

Sotru saiyaba de Soithan se. Mai raba ni bubli de habsao jamthaoma khe se thiba. Mai raginyarao de sorgo ni deglarao khe se thi ba.

MATTHEW 13:40

Mai mosol buthu khe bojom khlai hi wai ha saokhripba lai habsao jam khali de olei jasosi ning ja ma se.

MATTHEW 13:7

Gejesi jakha de sam busuling ha galaising hi, sam dip phung jao kha.

LUKE 12:15

Odebani, bo bonsi khe thi ba, Nisi harbaoma ni phrang girik lah. Don jang mang mang de subung thangya.

LUKE 12:21

Ode Jisu thiphin ba, Subung jarni sao jang don bojom khlai hi, Madaini gede bojom khlaiya kha de, olei ja re.

LUKE 21:34

Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang.

LUKE 8:14

Busuling ha graiba thiyaba de, bonsi grao khe khna kha, thikhabo sagang gede thangpha langba ha, waimu jang habsaoni gnang bonsi khe dip phung kha, suk jang dong mani baoma ha gablai hi bathai thaiya hi thao la kha.

DANGYASARAO 8:18

Apostolrao yao deng bani se Bese Gathar khe bonsi riba thihi Simon nu hi,

ROM 12:2

Ebo habsao ni dongthai lai dongya hi, Madai ni nangjaothai hamba ode khaja jao gothaiyaba sothar si hamba khe nisi ragaosisi mithi phu mani khlai hi, nisi jarni khah gadain jahi gibin ja lang lah.

1 KORINTH 1:20

Subung gyani braha dong? Dara mithiyaba subung la braha dong? Niyalaiba blaiyaba duha braha dong? Madai ning hapsao ni gyan khe gibir slamya na somo?

1 KORINTH 2:6

Bede thikhade, phura khrao ha lapha jaoyarao ni bising ha de, gyan ni grao khe jing sainthi du, bode duhani habsao ni gyan jang thiya; bonsi ni bisardar jamginyarao gyan jangbo niya.

1 KORINTH 2:8

Duha habsao khe bisar khlaiyarao saosibo ebo grao khe bujiya; bonsi buji khade, muima ni Raja khe dikpha nang niya mu.

1 KORINTH 3:18

Saosi bo jar khe da thokhi la thing, nisi ni bising ha sere duha ni bubli ha jar khe jar gyani bao du, gibi jang gyani japhu mani khlai hi bo gibir ja da la thing;

2 KORINTH 4:4

Krista de Madai lai ning. Thikhabo, Krista ni muima, hamba graojma ni gyan khe phungya mani khlai hi duha ni habsao madai ning, lonyayarao ni khah ni muthai khe gana khlai kha.

GALATIA 1:4

Bo ning jini Madai ode jini bupha nangjao ba lai duha ni habsao hamya ni phrang bo jing khe sogophu mane khlai hi, jini phap ni baslai habo jar khe ri ba.

EPHESI 2:2

Bo bubli ha sagang ha, ebo habsao ni dara lai nisi dong ba, bar ni hukhum bubra, duha lonyayaba basathu ni basao ha khusi dang hi ning dongyaba bese ni dara ha lai.

1 TIMOTHE 6:17

Ebo habsao ha subung gnang jayarao khe phuthan jaya mani khlai hi sling ri lah, lon jayayaba don ha asa da deng, jing yaowai mani khrip jadi bao joyasi jinthane riyaba Madai ni basao hase asa deng mani khlai hi sling ri lah.

2 TIMOTHE 4:10

Dema de ebo duha ni habsao khe wainso bani, bo ang khe haiger hi, Thessalonika gede thang la kha; ode Kresen de Galatia raji gede thang kha, Titabo Dalmatia raji gede thang kha.