MATTHEW 11:5 - DARA GADAIN N.T. with PSA and PRO (BSI)

⁵ Muthai ganarao muthai nu kha, igah khorarao igah jang hem lang la kha, khunthi jayarao ragao kha, khmao nathongrao khmao khna kha, githirao mathangphin kha, ode, dukhisarao hamba graojma khe khna ri kha.

MATTHEW 11:5 Iomraidhean Croise

BAKHAN NI RAJABTHAI 146:8

Gabra ganarao khe muthai nu ri re, Gabra gonggalai hi dongyarao khe sugu re. Gibirao khe Gabra khasao re.

BAKHAN NI RAJABTHAI 22:26

Dukhisarao hoh gablai si mai ji thing Gabra khe smaiyarao bokhe bakhan khlai la thing Thaoglao jang bonsi ni khah khe smao hi dong thing.

MATTHEW 10:8

Limyarao khe ham ri lah, githirao khe mathang phin lah, khunthi jayarao khe ragao ri lah, sgainjik khe rikhun lah, nisi magna mai ba, magna ri lah.

MATTHEW 11:4

Ode, Jisu bonsi khe thiphin ba, “Thangphin lah, odehe, nisi nuyaba khnayaba khe Johan niha sainthi tha;

MATTHEW 12:13

Boha ning bo subung khe, Nini yao khe sugu lah, thi hi thi ba. Odehe, boni yao sugu ba, ode boni yao gongsi lai ning ham lang la kha.

MATTHEW 21:14

Boha Madai ni bikhoh ha muthai ganarao ode igah khorarao boniha phai ba, ode bonsi khe bo ham ri ba.

MATTHEW 5:3

Sere bese ha jar khe dukhisa thi hi mithi layarao de bonsi ni khophal hambi, sorgo raji de bonsi ni se.

MATTHEW 9:30

Odehe, bonsi ni muthai nu lang la kha. Ode, Jisu bonsi khe thiba, Saosi bo tharmaiya mane khlai hi girik lah, ode thihi bo magna ba.

MARKA 7:37

Khnayarao si khripbo gmang ba. Bo olei khusi bislei hamsisi khlai hi dang ri ba, nathong khebo khna ri ba, ar abbra khebo grao jo riphu ba, thi hi bonsi gmang lai ba.

MARKA 9:25

Subung buthu boni gede khai buba khe nuhi, Jisu bese gusu khe hukhum ri ba, Ning nathong abbra bese gusu, ansa ni bising ni phrang baigo mane ang ningkhe hukhum ri du. Boni bising ni phrang baigo lah, ar musi khalibo da hap phin si.

LUKE 4:18

Gabra ni bese ani basao ha dongbani, Dukhisarao niha hamba graojma khe sainthi mane bo ang khe saikho ba. Leng jahi dongyarao khe haiger ri mane, Ganarao muh nuphin mani grao khe sainthi mane, ar Dukhu rijaoyarao khe sogo mane,

JOHN 10:25

Jisu thiphin ba, Ang nisi niha thi ri kha, thikhabo nisi lonya. Ani Abai ni bumu jang snadi khusi khe ang dang ba, ani khlai hi de bo ning sakhi se,

JOHN 10:38

Thikhabo jodi ang se dang la ba thikhade ang khe lonma nangya, thikhabo bo khusi buthu khe de lon lah. Odebani nisi tharmai lah ode buji lah, Abai ani ha dongpha du ode angbo Abai niha dongpha du.

JOHN 2:23

Baiglai ni Busu ni basain ha Jisu Jerusalem ha dong ba, bo gmang thaosisiyaba sin ni khusi khe dangba ha, gabang subung nu ba, ode bokhe lon ba.

JOHN 3:2

Bo hor ha Jisu niha phai hi thi ba, Rabbi, Madai ni phrang phaiyaba ning saosi slingriyah thihi jing mithi du. Bede thikhala, oleiyaba gmang thaosisi khusi khe ning dang phu du. Madai ni juruma giri kha de saosibo dangphu nang niya.

JOHN 5:36

Thikhabo, ani ha dongyaba sakhi de Johan ni sakhi thane bo dedaoyaba se. Dang mane ani ha ani Bupha riyaba khusi buthu ani khlai hi grao jo ba, ar Bupha ang khe haiha ba thihi tharmai ri du.

JOHN 9:7

Thang lah, Siloam dihkharnai ha susa tha. (Siloam ni ortho de haiha jaoyaba se). Odehe, bo thanghi boni mukhang suba, ar muthai nu dada phaiphin ba.

DANGYASARAO 2:22

O nisi Israel subung buthu, ebo grao khe khna lah! Nazareth Jisu de Madai ning nisi ni bising ha gmang thaosisiyaba khusi, ar jinis gmang thaosiyaba sin buthu khe dang ri hi, bo nisi khe ragaosisi phorman ri kha.

JAKOB 2:5

Ani khasaoma ni daphlungrao, khna lah! Madai ning habsao ha suliyayarao khe lonma ha gnang jama ni ode bo jar khasaoyarao niha bo hanggaiyaba raji khe hok ni khlai hi bo saikhoyaba niya?