MATTHEW 11:1 - DARA GADAIN N.T. with PSA and PRO (BSI)

¹ Boha Jisu, jar ni rikphayarao jhigin khe grao riblai ba jang, bo oraha ni phrang bonsi ni nolei buthu ha sling rihi, grao sainthi mane bo thang la kha.

MATTHEW 11:1 Iomraidhean Croise

MATTHEW 28:20

Nisi ne ang grao riyaba khrip khe mani mane khlai hi sling ri lah. Ode, nai lah, ang thaoglao hapsao jamba sosibo nisi niha ang dongpha ma se.

MATTHEW 4:23

Odehe, Jisu bikhoh ni noh buthu ha sling rihi, Raji ni graojma hamba khe sainthi ba, ode subung buthu ni bising ha jadi jadi jathai ar jadi jadi raoyayaba khrip khe ham ri hi, Galili raji ni khrip ha bo thangpha lang ba.

MATTHEW 7:28

Jisu ebo grao buthu khe thiblai ba jang subung buthu bo grao slingriyaba khe bonsi gabang gmang lai ba.

MATTHEW 9:35

Odehe, Jisu bonsi ni bikho buthu ha sling ri hi, Raji ni hamba graojma khe sainthi ba; ode khrip limyarao, sayarao khe bo ham ri hi, khrip noleima, noleisa habo thangpha lang ba.

MARKA 6:12

Odehe, bonsi thang hi subung buthu khe khah phin mani grao khe sainthi ba.

LUKE 23:5

Thikhabo, bonsi thi ba, Juda raji khrip habo, boni slingrithai jang yisisi khlai hi, Galili raji ni phrang eraha sosi bo sophai ba, thihi bonsi hamyadao hi thi ba.

LUKE 8:1

Khaisa yaohon ha, Jisu Galili rajini nolei gede khasi ha Madai ni graojma hamba khe sainthi mane thang ba. Ode boni rikphayarao jhiginbo bo jang baosi rikpha ba.

JOHN 15:10

Bede thikhade ning ani hukhum khe mani kha de, ani hamjaoma ha dong lah, bedehe ang jarni Bupha ni hukhum khe maniba ar boni hamjaoma ha ang dong ba lai jasosi.

JOHN 15:14

Snadi khe ang ningthane hukhum ri du, bokhe ning dang re thikhade, ning ani lugu jama se.

DANGYASARAO 1:2

Bese Gathar ni juruma jang bo dangyasa saikho jaoyarao niha grao hanggai blai hi, sorgo ha langjao hi dong ba sosi ni grao se.

DANGYASARAO 10:38

Nazareth Jisu ni balam ni grao de, olei bokhe Madai ni Bese Gathar jang raothai ha lupha hi bo subung ni basao ha hamba khusi dang ba, ode Soithan jang dukhu rijaoya ba khrip khebo ham ri phalang re. Bede thikhade, Madai bo jang baosi dongpha du.

DANGYASARAO 10:42

Bo githirao jang thanghi dongyarao ni basao ha bisardar ne Madai salaiyaba de ebo ning thihi, subung buthu niha bai mane ode sakhi ri mane khlai hi Madai ning jing khe sani ba se.

1 THESSALONIKA 4:2

Gabra Jisu ni gede ni phrang ja hi snadi grao buthu khe jing nisi ne so ri ba, bokhe nisi tharmai la du.

2 THESSALONIKA 3:10

Nisi niha jing dongba habo, jing nisi ne grao ri kha, Sere khusi dangya, bo jibabo da ji thing, thi du.

2 THESSALONIKA 3:6

Jini daphlungrao, duha jini phrang grao makhao dengyaba khe nisi maiba lai dongya hi, hamsi dongma nangjaoyayaba daphlung dongthai hamyayaba buthu ni phrang degao mani khlai hi, jini Gabra Jisu Krista ni bumu jang jing nisi khe grao ri du.

1 TIMOTHE 6:14

Jini Gabra Jisu Krista nujao phaiphinya si de, bo grao riyaba khe musi thima girisi ode gathar ja hi naiso lah.