MATTHEW 10:5 - DARA GADAIN N.T. with PSA and PRO (BSI)

⁵ Bonsi jhigin niha Jisu grao rihi bonsi khe haiha ba, Jentailrao ni lama ha da thang, Samari buthu ni musi nolei habo da hap lah;

MATTHEW 10:5 Iomraidhean Croise

MATTHEW 22:3

Disingyaba ni mel ha ji mane khlai hi jama jaoyarao khe long mane khlai hi boni lengrao khe bo haiha ba; thikhabo, bonsi phaima nangjaoya.

MATTHEW 4:15

Zebulun ar Napthali ni raji, Dihkharnai ni lama ha, Jordan dikhong nar, Jentailrao ni Galili!

MARKA 6:7

Odehe, bo jhigin khe longthim hi, gini gini khlai hi haiha ba. Bo bonsi khe bese gusu buthu ni basao ha raothai rihi haiha ba.

LUKE 10:1

Boni yaohon ha, Gabra gibin subung bisathamjhi khe saikho ba. Ode boni sagang ha bo thangginyaba khrip nolei buthu ha thangda mane subung gini gini khlai hi bo haiha ba.

LUKE 10:33

Thikhabo, Samari subung saosi moposol thang hi bo lama ha phaiba ha, bo khe nuba jang hamsi ning khasao ba.

LUKE 17:16

Jisu ni igah ni rogong ha galai dada, boni ha hamjaoma riba. Bo de Samari subung se.

LUKE 9:1

Jisu jarni rikphayarao jhigin khe longthim hi bonsi sgo sgain khrip ni basao ha, khusi dangphu mani hukhum ri ba. Ode limyarao sayarao khe ham rimane raothai ri ba.

LUKE 9:2

Odehe, Madaini rajini grao khe sainthi mane ar limyarao sayarao khe hamri mane bo bonsi khe haiha ba.

JOHN 17:18

Ning ang khe habsao ha haiha ba lai jasosi, bonsi khebo ang habsao ha haiha kha.

JOHN 20:21

Jisu phin bonsi khe thi ba, Shanti nisi jang dongpha thing. Bupha ang khe haiha ba lai ning, ang bo nisi khe haiha du.

JOHN 4:20

Jini phagrarao ebo hading ni basao ha se Madai khe khlim re. Thikhabo ning Judarao thi ri du, jing khlim mani bo hathan de Jerusalem ha se.

JOHN 4:5

Samari haphai ni masi nolei Sukar thijaoyaba ha sophai ba. Ebo nolei ha Jakob jarni basa Josep ne riyaba hah hari se.

JOHN 4:9

Haingajik Jisu khe thiphin ba, Ning saosi Judasa, ode ang saosi Samarijik se. Bede khlaihi ning aniha dih ling mane sainling ba kho? (Bede thikhala, Judarao Samarirao jang musibo dopha laiya)

JOHN 7:35

Judarao thi ba, Bo braha thangma bao ba, jing bokhe maiya mani? Greek saraoni bising ha Judarao dongyaba jang thanghi, Greek sarao khe sling ri mane baoba na somo?

JOHN 8:48

Judarao thiba, Ning Samari ni subung, sere ni bising ha sgain madai dongyaba thihi jing thiyaba de jing gibi thiba niya?

DANGYASARAO 1:8

Thikhabo, Bese Gathar de nisi ni basao ha sophai kha ning, nisi raothai mai ma se. Odebani, Jerusalem, Juda odehe Samari raji ni khrip nolei ha, odehe phirthi jamthaoba sosi, nisi ani grao ni sakhi ja ma se.

DANGYASARAO 10:45

Judarao ni bising ha lonyarao, Peter jang baosi phaiyarao, Bese Gathar riyaba khe Jentailrao ni basao habo lukhru bani hamsi ning gmang ba.

DANGYASARAO 8:1

Bo basain ha de, longjom Jerusalem ha dongyaba buthu khe bonsi hamsi ning dukhu ri jenba; odebani, Apostolrao khe garhi de Judai jang Samari raji ni khrip nolei ha, bo ejang ojang khaiphlung thar ba.

1 THESSALONIKA 2:16

Jentailrao ni phrang golam maiphu mane bonsi niha jing grao sainthi khabo bonsi jing khe magna du. Olei ning bonsi jar ni phap buthu khe bonsi bara ri la re. Jamthaoba hade Madai ni thamsi bonsi ni basao ha sophai ma se.