MATTHEW 10:3 - DARA GADAIN N.T. with PSA and PRO (BSI)

³ Philip jang Bartholomai, Thoma jang khajna khrangyaba Matthew, Alphai-ni basa Jakob jang Thaddai,

MATTHEW 10:3 Iomraidhean Croise

MATTHEW 18:17

Ohehe, bonsi ni grao khe bo khnama nangjaoya khade, longjomkhoh ha khna ri lah. Ode, longjomkhoh ni grao khebo bo khnama nangjaoya khade, bode nisi ni khlai hi Jentail jang khajna khrangyaba lai ja thing”.

MATTHEW 27:56

bo buthu ni bising ha Mari Magdalin thu, Mari, Jakob jang Josef ni buma thu, Zebedai ni basathu ni buma thu bo dongpha du.

MATTHEW 9:9

Jisu oraha ni phrang thangba ha khajna dengthan hathan ha khamyaba subung saosi, sere boni bumu Matthew khe nuhi bo thi ba, Ani yaohon rikpha lah, odehe, bo baija hi boni yaohon rikpha lang ba.

MARKA 15:40

Odehe, gajain ni phrang masainjik buthu bo naihi dong ba. Bonsi ni bising ha Mari Magdalin, gidi daoyaba Jakob ar Josep ni buma Mari ar Salomi bonsi ni bising ha dong ba.

MARKA 2:14

Bo daophalang ba ha, Alphai ni basa Levi, khajna khrangyaba, jar ni khamthan ha khamba khe bo nu ba. Jisu bo khe thi ba, Ani yaohon rikpha lah. Levi baija hi bo jang yaohon rikpha kha.

MARKA 3:18

Andria, Philip, Bartholomai, Matthew, Thoma, Alphai ni basa Jakob, Thaddai ar Kanaan ni subung Simon.

LUKE 18:10

Sainsi khali subung gini, Madai bimane Madaikhoh ha thang ba. Saosi ning Pharisai ar gibin saosi la khajna khrangyaba.

LUKE 18:11

Pharisai, jar sao jang elei ning Madai bi ba, ‘O Madai, ang de gibin subung buthu lai harbaoya, khah gibiyaba, ar langgin jayaba niya bani, nini basao ha ang khaja du. Ebo khajna khrangyaba lai de ang niyabani nini basaoha ang khaja du.

LUKE 18:13

Khajna khrangyaba la, gajain ha songhi, sorgo gede bo naikhu raoya, jarni khahbao do dada, bo biba, O Madai, ning ang khe khasao lah, ang de phaphi subung se, thi ba.

LUKE 19:2

oraha, subung saosi, bumu Zakaia thiyaba, dong ba.

LUKE 5:27

Boni yaohon ha Jisu baigo lang hi bumu Levi thiyaba, bo khajna khrangyaba, khamthan ha khamyaba khe Jisu nu ba, ode bo khe thi ba, Ani yaohon rikpha lah.

JOHN 1:48

Nathanael sing ba, bedehe ning ang khe tharmai ba? Jisu thiphin ba, Philip ning khe long mani sagang ha ning, thaikhrao phang ni bakhla ha khamhi dongba khe ang nu ba.

JOHN 11:16

Thomas Didumas thijaoyaba jarni ha thaoyaba rikphayarao thi ba, Phai jingbo bo jang thihpha mane thang nang.

JOHN 14:22

Odehe Juda, Juda Iskariot niyayaba, sing ba, “Gabra jini ha nujao hi, snadi jabani habsao niha nujaoya ma?”

JOHN 14:5

Jisu niha Thomas thi ba, Gabra, ning braha thangma baoba, jingde mithiya, lama khe jing bedehe mithi phu ma?

JOHN 14:9

Jisu thiphin ba, Nisi ni bising ha ang elei bubli dong hibo, ning ang khe tharmaiya kho? Sere ang khe nuba, bo Abai khebo nuba se. Thikhala, Abai khe jinthane phnu ri thihi bedehe ning thiba kho?

JOHN 21:2

Simon Peter, Thomas (Didumas thiyaba), Nathanael, Galili ni Kana nolei ni Zebedai ni basathu ode gibin rikphayasa jang jomsi jahi dong ba.

DANGYASARAO 1:13

Bonsi hapsing hi bonsini dongthan khutha basao ha gakhulang hi, Peter, Johan, Jakob, Andri, Philip, Thoma, Bartholomai, Matthew, Alphai ni basa Jakob, Simon Zealot dol ni subung ar Jakob ni basa Juda.

DANGYASARAO 12:17

Bo bonsi khe phirik phirik dong mane khlai hi yao jang magna ba, Madai ning phatho ni phrang bo labu bani grao khe sainthi kha. Ode, Ebo grao khe Jakob jang boni daphlungrao nihabo sainthi lah, thi ba, ode, bo baigo hi raji gibin ha thangla kha.

DANGYASARAO 15:13

Bonsi thiblai bani yaohon ha, Jakob song hi thi ba, O daphlungrao, ani grao khe khna lah,

DANGYASARAO 21:18

Gibin basain ha, Paul jing khe lang hi, Jakob niha thang ba, oraha longjom ni khraorao bo dong ba.

GALATIA 1:19

Thikhabo, gibin haijaoyasa de Gabra ni daphlung Jakob khe garhi de saosi khebo ang nuya.

GALATIA 2:9

Khasaoma a ne riyaba khe bonsi tharmai hi Jakob thu, Kipha thu, Johan thu, longjom ni thong bonsi dengjaoyarao, jing Jentailrao ni bising ha thang mane, ode bonsi khripbo jogai bujuh rasoyarao niha thang mane, ang jang Barnaba khe lugu khah mani yaoda ni yao jang jinthane bo yaopha kha.

JAKOB 1:1

Madai ar Gabra Jisu Krista ni dangyasa Jakob, jadi jhigin dra dri jayarao khe bo khlim ba.

JUDA 1:1

Jisu Krista ni leng ode Jakob ni daphlung Juda de- Longjao hi dongyaba, Bupha Madai ni hamjao daothaoyaba ode Jisu Krista khe naiso hi dengyarao niha: