MATTHEW 10:26 - DARA GADAIN N.T. with PSA and PRO (BSI)

²⁶ Odese, subung khe da khin. Nujaoya mane khlai hi huiyaba musibo giri, tharmaiya mane hui khaoyababo musibo giri.

MATTHEW 10:26 Iomraidhean Croise

GYAN NI GRAO BUTHU 10:9

Beleng hi hemyaba de ham hi ning thang phu nang thikhabo, lama gerem hi hemya bani jathai mithi phu la nang.

GYAN NI GRAO BUTHU 28:1

Subung hamya de riksaiya khabo khai re Thikhabo, subung gibi de misi raigonma lai khitha rao du.

GYAN NI GRAO BUTHU 29:25

Subung khe khin khade, boni khlai hi dukhon se, Thikhabo, Gabra ha lonma dengyaba de goma se.

MATTHEW 10:28

Saomang khe sthai hi bese khe sthai phuyayaba khe da khin. Thikhabo, norok ha bese jang saomang sthai phuyaba khe khin lah.

MARKA 4:22

Khao hi deng mani musi giri, phlaya hi hui mani musibo giri.

LUKE 24:47

ar Jerusalem ni phrang jenhi, khah phin bani grao, ar phap khe map khlai bani grao khe khrip jadi niha sainthi ma nang ma.

LUKE 8:17

Odebani, bajiha phlaya hi, hui hi deng mane musibo giri; mithiya hi nujaoya hi dengmane musibo giri.

DANGYASARAO 1:8

Thikhabo, Bese Gathar de nisi ni basao ha sophai kha ning, nisi raothai mai ma se. Odebani, Jerusalem, Juda odehe Samari raji ni khrip nolei ha, odehe phirthi jamthaoba sosi, nisi ani grao ni sakhi ja ma se.

DANGYASARAO 4:13

Peter jang Johan khitha raoba khe bonsi nuhi, laisi ringyayarao ode sida sada subung se thihi bonsi tharmai hi, bonsi gmang lai ba. Jisu niha bonsi dongba thihi bonsi tharmai kha.

DANGYASARAO 4:19

Thikhabo, Peter jang Johan de bonsi niha, Madai ni muthai jang Madai ni grao khe maniba thane, nisi ni grao khe maniba jadao, bokhe bao lah.

1 KORINTH 4:5

Odebani, Gabra phaiya si de, boni bubli jaya kho, saosi khebo da badai lah. Boha de, andar ha thim hi dongyarao khe jnayaba ha bo phnu nang, khah ha khusi dangma baoyaba buthu khe khaikho hi phnu ma se. Boha se bonsi khrip subungbo jar khusi dangba lai Madai ni bakhan khe bonsi mai lai ma se.

1 PETER 3:14

Bede thikhala, gibi khusi khe dang bani, nisi dukhu jaba thikhade, khophal hambi bao lah. Bonsi khinyaba jinis buthu khe da khin lah, ode khah waimubo da nang lah.