MATTHEW 10:23 - DARA GADAIN N.T. with PSA and PRO (BSI)

²³ Masi nogor ha nisi khe dukhu rikha de, nogor gibin ha khailang lah; gibi jang ang nisi khe thi du, Marsi ni Basa phai mani sagang ha de Israel ni khrip nogor buthu ha thang thar phu nang niya.

MATTHEW 10:23 Iomraidhean Croise

MATTHEW 16:27

Marsi ni Basa de jar ni deglarao jang baosi jahi jar ni Bupha ni muima ha phai ma, ode boha se khrip jadi jar khusi dangba lai ning yaosandi saosi saosi ne khlai hi bo ri ma se.

MATTHEW 16:28

Gibi jang ang nisi khe thi du, eraha songyarao ni bising ha sereba sereba de Marsi ni Basa jar ni raji ha phaiba khe nuya side bonsi thihba khe jen naiyayaba dong, ode bo thi ba.

MATTHEW 2:13

Odehe, bonsi thang la bani yaohon ha, Gabra ni degla saosi saomi ha nujao phai hi Josef khe thi ba, Baija hi nana jang boni buma khe lang hi, Egypt raji ha khailang lah; ode, ning khe ang thiphinya si, oraha ning dong lah. Bedethikhade, nana khe Herod sthai mane smai du.

MATTHEW 23:34

Nai lah, nisi niha gorasalirao subung gyanirao, slingriyarao khe ang haiha du; bonsi sthai hi kross ha dikpha ri ma, sereba khe longjomkhoh buthu ha migur ni wadu jang nisi su ma, ode masi nogor ni phrang gibin nogor ha rikkhlai ma.

MATTHEW 23:36

Gibi jang ang nisi khe thidu, ebo buthu khrip duha ni jug ni subung buthu ni basao ha sophai ma se.

MATTHEW 24:27

Bede thikhala, nokhasao gurjliba ha sainja ni phrang baigo hi sain jroba sosi bo jnaba lai Marsi ni Basa phaiphinba hade olei ning ja ma se.

MATTHEW 24:30

Boha se, Marsi ni Basa ni sin khe nokhasao ha nu nang; ode, phirthi ni khrip jadi khahbao do nang, ode Marsi ni Basa de jar ni raothai ode gmang thaosisi muima jang baosi nokhasao jimi ni basao ha phaiba khe nu nang.

MATTHEW 24:34

Gibi jang ang nisi khe thi du, khrip ebo buthu phura sotharya side duha ni jug ni subung buthu jam nang niya.

MATTHEW 24:48

Thikhabo, hamyayaba leng de boni khah ha, Ani bubra de srap phai nang niya thi re,

MATTHEW 25:13

Odebani, smao hi dong lah, bo basain jang bubli khede nisi tharmai laya.

MATTHEW 26:64

Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.

MATTHEW 4:12

Odehe, Johan remjao kha thi hi Jisu khna ba jang Galili raji ha bo thangla ba.

MARKA 13:26

Okhali ni basain hade Marsini Basa, raothai gedeba ar muima jang jimi ha phaihi nujao nang.

LUKE 18:8

Ang nisi khe thi du, bonsi khe juru hi bo srap bisar khlai nang; thikhabo, Marsini Basa phai khali ha ebo habsao ha bo lonma nu nang?

LUKE 21:27

Odehe, Marsini Basa, raothai ar muima gedeba jang, jimi ha phaihi nujao ma.

JOHN 7:1

Boni yaohon ha, Jisu Galili raji ha thang ba. Judarao bokhe sthai mane bao bani khlai hi, bo Judai rajiha thangma nangjaoya.

DANGYASARAO 17:10

Hor ha ning daphlungrao, Paul jang Sila khe Beroia nolei ha bonsi srap haiha kha; ode bonsi oraha sohi ba jang, Judarao ni sunagog ha bonsi hapsing kha.

DANGYASARAO 17:14

Boha daphlungrao ning Paul khe sagor ni dergong sosi thang mani khlai hi haiha kha. Thikhabo, Sila jang Timothe de oraha ning dongthao kha.

DANGYASARAO 20:1

Ho jayaba magain bani yaohon ha, Paul jarni yaohon rikphayarao khe long hi bujai ba; ode bonsi jang degaolei hi Makedonia ha thang mane khlai hi bo baigo kha.

DANGYASARAO 8:1

Bo basain ha de, longjom Jerusalem ha dongyaba buthu khe bonsi hamsi ning dukhu ri jenba; odebani, Apostolrao khe garhi de Judai jang Samari raji ni khrip nolei ha, bo ejang ojang khaiphlung thar ba.