MATTHEW 10:19 - DARA GADAIN N.T. with PSA and PRO (BSI)

¹⁹ Thikhabo bonsi nisikhe rem ri lakhabo, bede ja ma, snadi grao khe ang thi ma? thihi khah waimu da nang; nisi grao thima ne khlai hi de bubli ha nisi khe bese jang tharmai ri nang.

MATTHEW 10:19 Iomraidhean Croise

MATTHEW 10:18

Bisardarrao ar rajarao ni sagang ha bonsi ni basao ha, ode Jentailrao ni basao ha sakhi jamani, ani khlai hi bonsi nisi khe lang la ma se.

MATTHEW 6:25

Odebani, ang nisi khe thi du, snadi khe ang jima-lingma thihi nisi ni hayu ni grao ha, ar, snadi khe ang gainma-phinma thi hi saomang ni grao ha nisi khah waimu da nang. Jiba thane hayu se muilo jadaoya? Gainsari thane saomang bo muilo jadaoya?

MATTHEW 6:31

Odebani, snadi khe jing jima? Snadi khe jing lingma? Snadi khe jing phin hi dong ma? thihi waimu da nang. Jentailrao khrip oleiyaba khe smai re.

MATTHEW 6:34

Odebani, dakhna ni khlai hi waimu da nang, bede thikhade dakhna ni basain ha jar ni waimu jar ning khlai la nang. Sainsi ni khlai hi sainsi dukhu khlai kha ning ja kha.

LUKE 12:11

Nisi khe bisar ri mani subung buthu sunagog ha, ar hojarao ar bisardarrao ni sagang ha lang nang. Bedehe grao thiphin ma thihi nisi khah waimu da nang.

LUKE 12:12

Bede thikhade, bo bubli ha sumjadi grao khe nisi thima, nisine Bese Gathar sainthi nang.

DANGYASARAO 6:10

Thikhabo, boni girikma jang bokhe thipha riyaba Bese khe bonsi bo ni phrang hokhlai phuya.

PHILIPPI 4:6

asaba habo khah waimu da nang, asaba khe bo Madai bi dada ode sain hi nisi jinis nangyaba buthu khe, khajama ni grao thi dada, Madai niha khna ri la thing.

2 TIMOTHE 4:17

Thikhabo Gabra de ani gede gaba hi, ode Jentailrao khrip bo khna mani ode, grao khe phura sotharsi haiyasa ja phu mani khlai hi raothaibo anthane bo ri ba. Olei ning ang misiraigonma ni bukhuh ni phrang sogojao hi ang dong ba.

JAKOB 1:5

Nisi ni bising ha asaba bo buddi gyan baojo kha de, khrip subung niha joya hi ode khaithiya hi riyaba Madai niha sain la thing, odese, mai ma.