MATTHEW 10:16 - DARA GADAIN N.T. with PSA and PRO (BSI)

¹⁶ Nai lah, rasa buthu ni gejer ha melma dongba lai ang nisi khe haiha du; Odebani, jbu lai girik hi daothu lai maigru gru dong lah.

MATTHEW 10:16 Iomraidhean Croise

MATTHEW 24:25

Khna lah, ang nisi khe thida du.

MATTHEW 24:45

Leng, lonjaoma gnang girikyaba, jar ni bubra bubli ha bonsi ni phantha khe ron ri mane khlai hi boni nokhor buthu ni basao ha hoja slam jaoyaba la sere ja nang?

MATTHEW 25:2

Bonsi ni bising ha bowa girikyaba ode bowa de gibir se.

MATTHEW 25:4

Thikhabo girikyarao bonsi ni thaophari thao ni bokhoh ha lusing hi thaophari buthu habo bonsi langpha du.

MATTHEW 25:9

Thikhabo, bo girikyarao de, Jing jang nisi ni khlai hi de ja nang niya. Phainyarao niha thanghi barai lai tha, thihi bonsi thiphin ba.

LUKE 10:3

Thang, nai lah, rasa buthu ni bising ha melmasa lai ang nisi khe haiha du.

LUKE 21:15

Bede thikhade, nisini sotrurao nisi khe niyathai phuya mane nisine ang girikthai ri nang.

DANGYASARAO 20:29

Ang thangla bani yaohon ha, rasa merang buthu nisi ni bising ha hap phai nang, ode melma buthu khe haiger nang niya thihi ang tharmai du.

1 KORINTH 14:20

Daphlungrao, nisi ni baothai ansa lai da ja; phap ni balam ha nana gili lai ja lah, thikhabo baothai gede phura khrao ja lah.

2 KORINTH 1:12

Jini asa de ebo se: Phirthi gede ni girikma jang niya hi, Madai ni khasaoma ni khlai hi se ning, habsao ha jini dongthai, Madai ni phrang leng ni dongthai gathar gibi gibiyaba khe lahi jing dong re; bokhe nisi ni bising ha ar jadao kho thihi jini hamba hamya tharmaiyaba habo jing khe mithi pha du.

2 KORINTH 11:14

Bokhe gmang ma nangya, Soithan bo jar khe jnama ni sorgo degla ha slam la ba se thi.

2 KORINTH 11:3

Bede thikhala, jbu giriklaidao thaoyaba Evi khe bo thokhi ba lai ning, Krista ni gede ha nisi ni khah gathar ode gibiyaba khe bonsi nisi khe hamya khlaijao nang thihi ang khin du.

2 KORINTH 8:20

Olei jasosi ning, subung buthu khaithiya hi bonsi rihi bojom khlaiyaba khe jing dibin sibin ha musibo malai thiphuya mani jing bao du.

PHILIPPI 2:15

Greng hamyayaba ode subung gederyarao ni bising ha gajai khusi dangya hi ode, hamba jahi, Madai ni basa hamya thima giriyaba lai nisi japhu mani khlai hi, habsao ha bonsi ni gejer ha sathrai buthu lai jna lah.

KOLOSSA 1:9

Odebani, bese gede ni gyan ode bujima gnang khrip ha Madai ni nangjaothai bujima ha nisi gablai phu mani khlai hi, jing khna khali ni phrang, nisi ne khlai hi, nisi ne sain rihi, bi riba khe jing haigerya.

KOLOSSA 4:5

Hajora khe baraipha lang hi lonyayarao ni bising ha girik hi dong lah.

1 THESSALONIKA 2:10

Nisi lonyarao ni basao ha jini yaowaithai gathar jang dormo, ar musi gajai thima giriyaba khe nisi jar ning sakhi ja kha, Madaibo sakhi se.

1 THESSALONIKA 5:22

Khrip jadi hamya ni phrang go hi dong lah.