MATTHEW 1:16 - DARA GADAIN N.T. with PSA and PRO (BSI)

¹⁶ Jakob ni basa Josef, Mari ni basai; ebo Mari ni sao ha Jisu hajai ba, bo khe ning Krista thi ba.

MATTHEW 1:16 Iomraidhean Croise

MATTHEW 1:15

Eliud ni basa Eleazar, Eleazar ni basa Matthan, Matthan ni basa Jakob.

MATTHEW 16:16

Simon Peter thiphin ba, Ning de Krista, Madai gathang ni basa se.

MATTHEW 16:20

Boni yaohon ha bo ning Krista se thi hi saosi nihabo thiya mane khlai hi rikphayarao khe bo magna ba.

MATTHEW 2:13

Odehe, bonsi thang la bani yaohon ha, Gabra ni degla saosi saomi ha nujao phai hi Josef khe thi ba, Baija hi nana jang boni buma khe lang hi, Egypt raji ha khailang lah; ode, ning khe ang thiphinya si, oraha ning dong lah. Bedethikhade, nana khe Herod sthai mane smai du.

MATTHEW 27:17

Odebani subung buthu bojom japhaiba ha, Pilat bonsi niha, Nisi la sere khe haiger ma nangjao du? Barabba khe na Jisu, Krista thiyaba khe? thi hi bonsi khe sing ba.

MATTHEW 27:22

Pilat bonsi khe sing ba, Jisu, Krista thiyaba khe la ang snadi khlai ma nangjao du? Boha bonsi khrip bo, Kross ha dikpha ri lah thi hi bonsi thi ba.

MARKA 6:3

Ebo la Jakob, Josia, Juda ode Simon ni buphlung, Mari ni basa, mistri niya kho? Boni bahandao thu eraha dong ba niya kho? Odehe, bonsi bokhe hamjaoya kha.

LUKE 1:27

mala gathar saosi niha haiha ba. Bode David ni sarik surik, Josep thiyaba jang noh jamane sandi dangseng hi dengyaba se. Bo mala ni bumu Mari se.

LUKE 2:48

Odehe, buma jang bupha, bo khe nuba jang hamsi ning gmang ba. Odebani, buma bo khe thi ba, Ani basa, sumjabani jing khe elai dukhu ri ba? Nai lah, napha jang ang waimu jang ning khe smai ba.

LUKE 2:7

Ode, hajai jenyaba basa sagra mai ba. Bokhe rih merai hi mihrung ha thu ri ba. Bede thikhade naorai thaothan ha bonsi dongthan maiya.

LUKE 3:23

Jisu khusi dangjenba ha maithai thimjhi lai ja kha. Subung buthu ni baothai ha de, bo de Josep ni basa, Josep Heli ni basa.

LUKE 4:22

Bo khasaoma ni grao joyaba khe khnayarao khna hi gmang ba. Odebani, khripbo bo jang khajapha ba. Bonsi thilai ba, Bo Josep ni basa niya?

JOHN 4:25

Haingajik thi ba, Ang tharmai la du, Messiah (Krista thiyaba) sophai ma ja kha, jekhali bo sophai nang thikhade khrip jadi khe bo jinthane thi ri ma.