MATTHEW 1:1 - DARA GADAIN N.T. with PSA and PRO (BSI)

¹ Jisu Krista ni phagararao ni greng: bo David ni basa, ar David, Abraham ni basa.

MATTHEW 1:1 Iomraidhean Croise

BAKHAN NI RAJABTHAI 132:11

Gabra David niha smai dang kha Bo smai de smai gibi se, laha phin nang niya. Nini sarik-surik ni bising ha saosi khe Nini Raja ni khamthani ha kham ri nang-

BAKHAN NI RAJABTHAI 89:3

Ning thi kha, “Ang saikhuyaba saosi jang masi grao hanggai kha, Ani dangyasa David niha ang smai dang ri kha.

BAKHAN NI RAJABTHAI 89:36

Boni sarik-surik bo thaoglao ni ja phalang ma, Sain lai jasosi boni singgason bo ani sagang ha dong ma.

MATTHEW 1:18

Jisu Krista hajaiba de edehe: Boni buma Mari, Josef jang dising jaoma ni sain hi deng ba. Thikhabo, bonsi yamsi-risi dongma ni sagang ha ning Bese Gathar jang sao khonggin jaba khe Mari tharmai la kha.

MATTHEW 1:2

Abraham ni basa Isak, Isak ni basa Jakob, Jakob ni basa Juda ar boni khaphlungthu.

MATTHEW 15:22

Bo raji ni Kanaan jadi ni saosi haingajik boni ha phai hi, Gabra, David ni basa, angkhe khasao lah. Ani bisik sgain bese hamya jang gajao hi dong, thi hi bo jirikkhao ba.

MATTHEW 3:16

Odehe, Jisu baptisma la ha hi, dih ni phrang baigo ba jang nai lah, bonthane khlai hi sorgo khru ba, ode, Madai ni bese daothu lai akhai bu hi boni phakhrong ha baphai ba khe nu ba.

MATTHEW 9:27

Odehe, Jisu oraha ni phrang thang laba ha, muthai gana gini, David ni basa, jing khe khasao thihi jirikkhao hi yaohon rikpha ba.

LUKE 1:33

Ode, Jakob ni sarik surikrao ni basao ha thaoglao jang bo Raja ja nang. Boni raji jam nang niya.

JOHN 7:42

Madai ni grao de Krista de David ni greng ni phrang, David dongyaba nolei, Bethlehem ni phrang se baigo ma thihi thiya? thihi sani ba.

DANGYASARAO 2:30

Bo de gorasali se bani, boni greng ni phrang asaba subung saosi khe boni khamthan basao ha kham ri mane Madai ning smai dang kha thihi bo tharmai kha.

ROM 1:3

Boni basa, jini Gabra Jisu ni grao, saomang gede ha nai kha de David ni greng ha hajai kha,

ROM 4:13

Habsao don somphothi phantha ni grao hanggaiyaba, Abraham odehe boni bongso niha sophaiyaba de, Dara ni khlai hi niya, lonma ha dormo jaba ni khlai hi se bo sophai ba.

ROM 9:5

greng ni khitha buthu de bonsi ni buju thu se, saomang gede nai khade bonsi ni phrang ning Kristabo bonsi ni greng se; bo de khrip ni basao ha dong, thaoglao sosi bakhan khlai jayaba Madai se, Amen.

GALATIA 3:16

Odehe, Abraham niha se grao hanggaiyaba dong ba, boni greng buthu niha bo. Gabang subung ni balam ha grao thiba lai, Greng buthu niha bo bo thiya hi, subung saosi ni balam ha grao thiba lai, Nini greng niha bo bo thiba se, bo de Krista se.

1 TIMOTHE 2:5

Bede thikhade, Madai saosi se ning dong ba, Madai jang subung ni gejer ha graodiyahsa bo saosi se ning dong ba, bode Marsi Krista Jisu ning ja kha.

2 TIMOTHE 2:8

Hamba graojma ang thi du, Jisu Krista, David ni greng ni subung, subung githi ni phrang baija phinyaba khe wainso lah.

NUJAOYABA 22:16

Ang Jisu ning, ebo grao khe longjomrao ne khna ri mani khlai hi, ani sorgo ni deglarao khe ang haiha du. David ni buphangma ode boni greng, ang phorong ni sathrai jnadao thaoyaba se.