LUKE 9:44 - DARA GADAIN N.T. with PSA and PRO (BSI)

⁴⁴ “Ebo grao buthu khe nisi ni khmao ha hap la thing: Marsini Basa de marsirao ni yao ha rem rijao ma se.”

LUKE 9:44 Iomraidhean Croise

MATTHEW 16:21

Bo bubli ni phrang Jisu jar ni yaohon rikphayarao niha thiba, Ang Jerusalem ha thang ma, ode khraorao, Jonthaimarao, Dara khe sling riyarao ni phrang gabang dukhu mai ma; ode, bonsi angkhe sthai ma, thikhabo, nokha saintham ha ang baijaphin ma.

MATTHEW 26:2

Nokha sain gini ni yaohon ha baiglai busu sophai ma ja kha thihi nisi tharmai du. Odehe Marsi ni Basa khe dikthai mane khlai hi bonsi rem rima se.

MARKA 8:31

Jisu jarni yaohon rikphayarao khe sling ri ba, Marsi ni Basa de dukhu rijao ma, ode hojarao, Jonthairao ode Dara khe slingriyarao bokhe negar ma, bonsi bokhe sthaima, thikhabo saintham ha bo baijaphin ma.

MARKA 9:31

Bede thikhade, bo jarni yaohon rikphayarao khe elei slingri ba, Marsini Basa khe subungni yaoha yaopha jao ma, bonsi bokhe sthai ma, ode bo nokha saintham ha baijaphin ma.

LUKE 1:66

Ode, khnayarao si khah ha baohi, bo grao khe sing ba, Ebo nana bede jahi thao nang? bonsi thilai ba. Gabra ni yao boni basao ha dongpha du.

LUKE 18:31

Ode, Jisu jarni rikphayarao khe gibin khlai hi longkhao dada, bonsi khe thi ba, Nisi khna lah! Jing Jerusalem ha thang du, oraha Marsini Basa ni grao ha, gorasalirao rebyaba khrip bo sophai ma se.

LUKE 2:19

Thikhabo, Mari ebo grao buthu khe khrip jarni khah bisingha deng ba.

LUKE 2:51

Ode, bo bonsi jang baosi Nazareth ha thangphin ba. Oraha bo bonsini grao khe mani hi dong ba. Boni buma khrip ebo buthu grao khe khah ha deng ba.

LUKE 24:44

Ar bonsi khe thi ba, Nisi jang ang dongpha ba ha, nisi niha sainthiyaba ebo buthu ning. Moses ni Dara ha gorasalirao ni laisi bajap ha ar Bakhan ni Rajabthai ni laisi ha rebyaba ani grao khrip bo gibi sophaima nang ma.

LUKE 9:22

Odehe, Jisu jarni rikphayarao khe thi ba, Marsini Basa khe hamsi ning dukhu rima, ode hojarao, jonthairao, ode Dara khe slingriyarao bo khe nangjaoya ja ma. Bo khe sthai ma, ode saintham ha baijaphin ma se.

JOHN 16:31

Jisu bonsi khe thiphin ba, “Duha nisi lon kha?

JOHN 16:4

Thikhabo, nisi ne ang ebo grao buthu khe thi riba, jekhali bo bubli sophai kha de, nisi wainso phu mane.” Ang nisi jang dongpha du bani ebo grao khe nisi ne sagang thao ha thi riya ba.

JOHN 19:11

Jisu thiphin ba, Ninthane basao ni phrang riya thikhade, ning ani basao ha dang mani musibo khemotha dong nang niya. Odebani sere saosi ang khe nini yao ha yaophayaba gajai ha galai bani boni phap gedeyaba masi se.

DANGYASARAO 2:23

Nisi jar ning nisi tharmai la kha, bo Jisu khe Madai ni bisar ode, bo tharmai da ba lai ning, bonsi ne rem rihi, nisi ning subung hamyayarao ni yao jang kross ha dikpha hi sthai kha.

HEBRAIRAO 2:1

Odebani, jing khmao jang khnayaba buthu khe khah muh rihi jing khnadao ma nang du. Ode niyakha de, bo jang jing gajain ja ma se.