LUKE 9:26 - DARA GADAIN N.T. with PSA and PRO (BSI)

²⁶ Asaba bo ang khe ode ani grao ni khlai hi laji re thikhade, Marsini Basa bo boni muima jang, ar boni Bupha ni muima jang, ar boni degla gatharrao ni muima jang phai khali ha, bobo laji pha ma se.

LUKE 9:26 Iomraidhean Croise

MATTHEW 16:27

Marsi ni Basa de jar ni deglarao jang baosi jahi jar ni Bupha ni muima ha phai ma, ode boha se khrip jadi jar khusi dangba lai ning yaosandi saosi saosi ne khlai hi bo ri ma se.

MATTHEW 25:31

Marsi ni Basa de jar ni deglarao jang baosi jar ni muima ha phai khali ha, jar ni muima khamthan ha bo kham nang;

MATTHEW 26:64

Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.

MARKA 8:38

Ebo phaphi jug, gaora gaori ni jug ha, sere ani grao khe laji re, Marsini Basa jarni Bupha ni muima jang ar sorgoni degla gatharrao jang phaiba hade, bo bokhe laji ma se.

JOHN 12:43

Bede thikhala, Madai khe judao riba thane bonsi subung khe judao riba khe se gabang hamjaodao ba.

JOHN 5:44

Masi mang mangyaba gibi Madai ni phrang baigoyaba khe bakhan rima smaiya hi jar jar khe bakhan rima baokha de, bedehe nisi lonphu ma?

DANGYASARAO 10:22

Bonsi thiphin ba, Korneli, siphaya rjasi ni hoja, jing khe haiha ba. Bo Madai khe khinyaba, Juda jadi khripbo man khlaiyaba, ar gibi subung se. Bo niha sorgo ni degla saosi nujao hi, ning khe boni noh ha thang mane longha du, ning grao sainthiyaba khna mane khlai hi.

ROM 1:16

Hamba graojma ni khlai hi ang lajiya, asababo bokhe lonyarao khe sogo mani khlai hi Madai ni raothai se. Sagang ha Judarao ni khlai hi, boni yaohon ha Jentailrao ni khlai hibo bo japhin ba.

2 KORINTH 12:10

Odebani, Krista ni khlai hi de, raoyayaba buthu ha rege jaoyaba buthu ha, gaso suso buthu ha, sujaoyaba buthu ha, ode hamya goronyaba buthu ha de gibi jang ning ani khah mani kha; ang raoyaba ha se ang rao ba.

GALATIA 6:14

Thikhabo, ang de jini Gabra Jisu Krista ni kross khe garhi de ang sanggaya, boni dara jang habsao ani khlai hi kross ha dikphajao kha, angbo habsao ni khlai hi dikphajao kha.

1 TIMOTHE 5:21

Madai jang Krista Jisu ode degla saikhoyarao ni sagang ha nisi ne ang grao ri du, ebo slingriyaba grao buthu khe khah khuru hi mani ri hi, ode gibin khlai hi musi khebo khusi da dang lah.

2 TIMOTHE 1:12

Olei bani se, elei ang dukhu khlai ba. Thikhabo, ang lajiya, snadi khe ang lon ba ang tharmai la du; ode, bo basain sosi ne khlai hi boni ha jing deng riyaba khe, bo naiso hi deng phu nang thi hi ragao sisi ang mithi du.

2 TIMOTHE 2:12

Jing dukhu khalao khade, raji khebo bo jang baosi yaowai ma se; Jodi bokhe jing dangkhlai khade, bobo jing khe dangkhlai ma se;

HEBRAIRAO 11:26

Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba.

HEBRAIRAO 13:13

Odebani, bokhe bonsi naijiyayaba khe lang hi, nolei ni baji gede jing thang la nang.

JUDA 1:14

Ebo buthu ni grao khe Adam ni phrang jug sni, Enok ning edehe thida kha, Nai lah, Gabra de jar ni subung gathar rjing jhi jang baosi bo phai du;

NUJAOYABA 1:7

Nai lah, bo de jimi jang baosi phai mani bubli sampha kha; ode khrip ni muthai jang bokhe nu nang. Bo khe iphlayaraobo, ode habsao ni khrip jadibo boni khlai hi dukhu nang hi gra ma se. Olei jasosi ning ja thing. Amen.

NUJAOYABA 20:11

Odehe, singhason jnama dedao thaoyaba odehe boni basao ha khamyaba khe ang nu ba. Boni sagang ni phrang phirthi jang nokhasao khaithar ba, ode bonsi ni khlai hi hathan giri kha.

NUJAOYABA 21:8

Khinba raoyaba subung, rege regeyaba, sthaibaiyaba, montro ringyaba, saokhuli khe biyaba, khrip mosol jang thokhibaiyaba ni phantha de waithai ha khamyaba wai ni kharnai se.

NUJAOYABA 3:5

Bokhe deyaba si de olei jasosi ning sola glaoyaba guphu khe thu rijao nang, ode hayu ni laisima ni phrang boni bumu khe ang khma nang niya. Ani bupha ni sagang ha ar boni deglarao ni sagang ha boni bumu khe ang da khidao ma se.