LUKE 9:1 - DARA GADAIN N.T. with PSA and PRO (BSI)

¹ Jisu jarni rikphayarao jhigin khe longthim hi bonsi sgo sgain khrip ni basao ha, khusi dangphu mani hukhum ri ba. Ode limyarao sayarao khe ham rimane raothai ri ba.

LUKE 9:1 Iomraidhean Croise

MATTHEW 16:19

Ang ninthane sorgo raji ni chabi ri nang; ode phirthi ha asaba khebo ning khah khade, sorgo habo bokhe ning khah ma se; ode, phirthi ha asaba khebo ning khuru khade, sorgo habo bokhe ning khuru ma se.

MATTHEW 4:24

Odehe, Suria raji khrip ha boni graojma gublung thar ba. Odebani, khrip subung limyaba ar jadi jadi sathai sayarao, sgainjik gajaoyarao, murkhi jayarao, adur jayarao khe boni ha labu ba, ode, bonsi khe bo ham rithar ba.

MATTHEW 8:9

Ang bo malai ni hukhum ha se dong ba, ani bakhla ha siphaiyarao dong. Saosi subung khe, Ning thang lah, ang thikha de, bo thang la re; malai khebo, phai thihi ang thikha de, bo phai re. Ani leng niha bo, ebo khe dang, thihi ang thikha de, bo dang re, thi hi bo grao thiphin ba.

LUKE 10:1

Boni yaohon ha, Gabra gibin subung bisathamjhi khe saikho ba. Ode boni sagang ha bo thangginyaba khrip nolei buthu ha thangda mane subung gini gini khlai hi bo haiha ba.

LUKE 10:19

Ode khna lah! Jbu ar yung khangkhrai buthu khe gasep phumane ar sotrurao ni raothai khe dephu mane, hukhum nisine ang ri kha. Musi khali habo sao dukhu riphu nang niya.

JOHN 14:12

Ang nisi khe gibi jang thi du, sere angkhe lon re, snadi khusi khe ang dang ba, bobo dang ma se; bo buthu tha dedao hibo dang ma se, bedethikhala ang Abai niha thang du.

DANGYASARAO 1:8

Thikhabo, Bese Gathar de nisi ni basao ha sophai kha ning, nisi raothai mai ma se. Odebani, Jerusalem, Juda odehe Samari raji ni khrip nolei ha, odehe phirthi jamthaoba sosi, nisi ani grao ni sakhi ja ma se.

DANGYASARAO 3:16

Ode boni bumu jang lon bani, boni bumu de ebo subung khe nuba jang nisi tharmaiyaba khe bo rao ri du. Jadu, boni khlai hi lonma dong phaiyaba ha nisi khrip ni muh ha bo ham rithar kha.

DANGYASARAO 4:30

Subung buthu khe ham ri mani khlai hi, nini yao khe phlao lah; ode nini leng Jisu ni bumu jang sin ode gmang thaosisiyaba khusi dang phunu ri lah, thihi bonsi bi ba.

DANGYASARAO 9:34

Peter bokhe thi ba, Ainia, Jisu Krista ning khe ham ri kha, baija hi nini yenyaba khe thon lah. Boha ning bo srap baija kha.