LUKE 8:8 - DARA GADAIN N.T. with PSA and PRO (BSI)

⁸ Ode gejesi hah hamba ha grai dada, mai juphai hi dephai hi, phantha jang rjasi thai kha.

LUKE 8:8 Iomraidhean Croise

GYAN NI GRAO BUTHU 20:12

Khna phuyaba khmao ode nu phuyaba muthai de Magin khebo Gabra se slam ba.

GYAN NI GRAO BUTHU 8:1

Khna lah, Girikthai ni khurang baigo du Mithi mane jar ni khurang khe baigo du.

MATTHEW 11:15

Sere khna mane khmao dong, bo tharmai la thing.

MATTHEW 13:23

Odehe, hah hamba ha maigrong galaiyaba de edese, grao khna hi boni khah habo buji du, bode asaba thikhabo bathai thai ma se. Sereba de rjasi, sereba de bisatham, sereba de mathimji bathai thai ma se.

MARKA 4:20

Hah hamba ha galaiyaba thiyaba de, grao khe khna hi ajaoyarao se. Bonsi graojma khe khna hi ajao re, ode phantha mathimjhi, phantha bisatham, ode phantha rjasi bathai thai re.

MARKA 4:23

Khna mani khmao dong khade khna la thing.

MARKA 4:8

Thikhabo, gibin gejesi de, hah hamba ha galai ba. Basla jahi depha lang hi mai thai kha. Phantha thimjhi, phantha bisatham, ode phantha jang rjasi thai ba.

LUKE 14:35

Bo de hah ne khlai hi hamya, ar hah ha haphlam rimane bo hamya kha, odebani bo de subung buthu dangkhlai jao re. Sere niha khna mane khmao dong, bo khna la thing.”

LUKE 8:15

Hah hamba ha graiba thiyaba buthu grao khna hi, hamsisi khah gibi jang dukhu soi hi bonsi bathai thai re.

LUKE 8:7

Gejesi busuling ha grai hi, busuh jang mai khe dip phung thar kha.

EPHESI 2:10

Hamba khusi dang mani khlai hi Jisu Krista ha ning slam hi dong, jing boni yao ni phrang ning baigoyaba se, bo hamba khusi khe danghi jing dong mani khlai hi Madai ning sagang ha salai da kha.

KOLOSSA 1:10

Khrip jadi hamba khusi dangyaba ha bathai thai hi, Madai khe basao mithi bani balam ha dedao phalang hi, khrip ha bokhe khah khusi khlai mane Gabra ni yaohon rikphaya hi nisi dongphu mane ode,

NUJAOYABA 13:9

Sere niha khmao dong, khna la thing!

NUJAOYABA 2:11

Bese jang longjomrao niha thiyaba khe khmao dong khade khna la thing. Bo deyaba si khe thih maginyaba bo musibo khlaiphu nang niya, thi du.

NUJAOYABA 2:7

Bese jang longjomrao niha bo grao thiyaba khe khmao dong khade khna la thing. Bo deyaba si khe Madai ni Paradis ha dongyaba hayu ni buphang ni bathai khe ang nisi ne ji ri ma se, thi du.

NUJAOYABA 3:13

Bese jang longjomrao niha bo thiyaba khe khmao dongkha de khna la thing, thi du.

NUJAOYABA 3:6

“Bese jang longjomrao niha grao thiyaba khe khmao dong khade khna la thing!”