LUKE 8:13 - DARA GADAIN N.T. with PSA and PRO (BSI)

¹³ Longphlai basao ha graiyaba de, sere grao khe khna dada, khaja sisi ajaoyarao se. Thikhabo, bonsini yader giri bani, phongsi ni khlai hi se ning lon ba. Ar bonsi niha naigrik sophai kha ning bonsi galai phin re.

LUKE 8:13 Iomraidhean Croise

GYAN NI GRAO BUTHU 12:12

Phaphi subung de subung hamyayarao ni don khe libi re Thikhabo subung gibirao ni yader ham hi ning dong lama se.

GYAN NI GRAO BUTHU 12:3

Subung de phap khe dopha hi subung jaya Thikhabo, gibi subung khede phi phu nang niya.

MARKA 6:20

Herod de Johan khe subung gibi ar gathar thihi tharmai du ar khinbo khinhi bokhe naiso re. Boni grao sainthiyaba khe khusi hamba gabang dangba thihi khajahi khna re.

LUKE 8:12

Lama bijing ha graiyaba de, grao khe khnayarao se. Bonsi lonya mane ar sogo jaoya mane Diabol phaihi bonsini khah bising ni phrang grao khe lang la re.

LUKE 8:14

Busuling ha graiba thiyaba de, bonsi grao khe khna kha, thikhabo sagang gede thangpha langba ha, waimu jang habsaoni gnang bonsi khe dip phung kha, suk jang dong mani baoma ha gablai hi bathai thaiya hi thao la kha.

JOHN 15:2

aniha dong phayaba bedep ha bathai thaiya kha de bokhe bo dainphai khla du, ode bathai thaiyaba bedep khe bo bosophai re, odese bangdao hi thai ma.

JOHN 15:6

Jodi sere aniha dongphaya thikhade bo bedep lai dangkhlaima se, ode rain ma, ode bokhe khonthim hi wai ha dangsing hi saokhrip re.

JOHN 5:35

Johan de thaophari sringyaba ar jnayaba lai se, boni jnama ha nisi khajama maima nangjao ba.

1 KORINTH 13:2

Odehe grao thiphuyaba raothai khe la hi, khrip grao makhao khe odehe khrip gyan khebo maithar la khabo, hading buthu khe disai phu mani sosi lonma dong la khabo, hamjaoma khasaoma aniha giri khade, ang musibo niya.

1 KORINTH 15:2

Bo hamba graojma nisi ne ang khna riba khe nisi gejeb thi thi rempha kha de nisi sogojao ma se. Thikhabo nisi gejeb thi thi remphaya kha de, nisi ni lonma haglai ja ma se.

GALATIA 3:1

Hoi, Galatia raji ni subung gibir buthu, sere jang nisi sibirjao ba? Nisi ni muh ha ning Jisu Krista khe kross ha dikpha hi ragaosi nisi ne phnu kha da.

GALATIA 3:4

Olei sosi ning dukhu khlaiyaba haglai jama na? Bo haglai ja nang niya dou!

EPHESI 3:17

Krista khe lon bani khlai hi nisi ni khasu bising ha bo dongphu mani khlai hi, odehe hamjaoma ha jura rempha hi ode, asa deng hi dong dada,

KOLOSSA 1:23

Odebani, lonma ha ning asa deng hi rao dada nisi dong ma nang du. Bo hamba graojma khe nisi mithi ma nangjaoyaba ni phrang degaoya hi dong lah. Bo hamba graojma de nokhasao bakhla ha khrip jinis sangsaiyaba ni gejer ha baipha langyaba ning ja kha, bo khusi dang mani slamjaoyaba de ang Paul ning ja kha.

KOLOSSA 2:7

Boni ha ning yader guthu suhi judao phalang lah, ode slingriyaba khe nisi maiba lai ning, gabang khajama ni grao thihi lonma ha ning nisi raohi dong lah.

1 THESSALONIKA 3:5

Odebani, dara jang se jing dukhu suiphuyaba jang, lonma ha nisi ni songthan khe tharmai mani khlai hi se, ang haiha ba, naigrik jang nisi galai hi, jing dukhu khlaiyaba haglai jama se thi hi jing khin bani khlai hi.

1 TIMOTHE 1:19

lonma jang hamba hamya tharmaiyaba, hamba jang mathao lah, subung gejesi de hamba hamya tharmaiba jang gajain degao bani bonsi lonma ni gede rung baiba lai bonsi baithar kha.

HEBRAIRAO 10:39

Thikhabo, jing de jam mani yaohon druphinyaba dol ni subung niya, jing de lonma mai hi goyarao ni bising ni subung se.

JAKOB 2:26

Bese dong phaya khade saomang bo githi ja ba lai, khusi dangya khade lonma bo githi se.

2 PETER 2:20

Jini Gabra jang sogoyahba Jisu Krista khe mithi bani khlai hi habsao gusu ni phrang sogo jao bani yaohon hade, oraha ning sagai phin hi, bonsi deya kha de, bo jenba ha bonsi ni dongthai thane, yaohon ni dongthai hamyadao ja re.

2 PETER 2:22

Bonsi ni dongthai ni phrang se, ebo gyan ni grao gibi de bonsi niha sophai ba. Sisa de jar ni gabadih ha ning thangphin re, thidu ode Hono khe dugur ri bani yaohon ha didap ha ning thangphin hi lodai re, thi du.

1 JOHN 2:19

Bonsi de jini bising ni phrang baigo hi, bonsi jini subung gibi gibibo niya, niyakhade bonsi jini bising ha ning dongma mu. Thikhabo, bonsi jamthar si jini subung jatharya thihi ragao sisi tharmai mani khlai hi bonsi baigo ba se.

JUDA 1:12

Bo buthu de nisi hamjaoma-mayama jang mel phaidyaba buthu mel majang riyayaba se, laji garhi nisi ni bising ha phai hi, nisi ni mel ha bonsi jiphai re, bonsi de bo melma bubra khe se ning hoh gablai riyarao lai se. Bonsi de dih giriyaba, jimi, bar jang sip khao jaoyarao, bongphang bathai thaiya hi phin gin thiyaba, ode yaderma phijaoyaba se.