LUKE 8:10 - DARA GADAIN N.T. with PSA and PRO (BSI)

¹⁰ Bo bonsi khe thi ba, Madai ni raji ni grao huikhaoyaba khe tharmai phu mane nisi ne ri du. Thikhabo, gibin subung raone de daogari grao jang se sainthi ba. Ar bonsi mai kha bo nuya mane, ar khna kha bo khmao hapya mane.

LUKE 8:10 Iomraidhean Croise

BAKHAN NI RAJABTHAI 25:14

Gabra khe khinyarao boni daphlungrao se Boni grao hanggaiyaba khe bonsi ne ragaosisi thi ri du.

MATTHEW 11:25

Bo bubli ha Jisu thiba, O Abai, phirthi jang sorgo ni Gabra, subung girikyarao ode bujiyarao niha ebo grao khe huikhao hi, ansarao niha ning sainthi bani ning khe ang bakhan khlai du.

MATTHEW 16:17

Jisu boniha thiba, Simon Bar Jona, nini khophal hambi. Saomang jang thijao ning khe tharmai riyaba niya, ani Bupha, sorgo ha dongyaba se ning khe tharmai riba.

MARKA 4:11

Bo bonsi khe thiphin ba, Madai ni raji ni grao makhao khe nisi ne ragaosisi ang sainthi ri kha. Thikhabo, gibin subung buthu nede daogari jang se sainthi ba.

MARKA 4:12

Bede thikhade, bonsi nai khabo, nuya lai se Khna khabo, khmao hap nang niya. Olei niya khade Bonsi Madai niha phaiphin hi Bo bonsi khe map khlai ma.

JOHN 12:40

Madai ning bonsi ni muthai khe gma khlai la kha, ode bonsi ni khah khe gibir khlai kha. Ode niyakhade bonsi muthai jang nuhi, khah ha buji hi, ode khah phin ma mu, ode ang bonsi khe ham ri ma.

ROM 16:25

Duha, bode, ani hamba graojma odehe, gda ni grao makhao buji hi dengyaba nujao phai ba lai, Jisu Krista ni grao, baikhla hi dongyaba khe dongyaba, bo nisi khe rao ri hi,

1 KORINTH 12:11

Thikhabo, ebo buthu khrip khe dang ri phuyaba de bese masi jang baosi grao se, khrip subung niha, bo nangjaoba lai ning, gibin gibin jinis riyaba khebo ri du.

KOLOSSA 2:2

Bonsi ni khah ha shanti maiphu mani khlai hi, hamjaoma ha bonsi khe khah jom hi, khrip jadi ha ragaosi mithi phuyaba bang hi, Madai ni grao makhao Krista khe bonsi tharmai phu mani khlai hi.

1 TIMOTHE 3:16

Madai baoyaba grao makhao khe jing baiyaba de, boni muima jadao thaoyaba se. Bode saomang ja hi nujaophai ba bese jang dormo ja ri ba, sorgo ni deglarao nu ba Jadi gibinrao ni bising ha grao bai hi dong ba Habsao ni subung buthu bokhe bonsi lon ba ode muima jang bokhe basao gede sugu lang la kha.