LUKE 7:9 - DARA GADAIN N.T. with PSA and PRO (BSI)

⁹ Jisu bo grao khe khnaba jang, hamsi ning gmang ba. Odebani, bo jang rikphayarao khe naiphin hi, bo thi ba, Israelrao ni bising ha bo elei lonma gnang khe ang nuya kho!

LUKE 7:9 Iomraidhean Croise

MATTHEW 15:28

Boha, Jisu boniha thiphin ba, Masainjik, nini lonma gabang rao bi, ning nangjaoba lai ning nini basao ha ja thing. Boha ning boni bisik de ham lang la kha.

MATTHEW 8:10

Jisu ebo grao buthu khe khnaba jang hamsi ning gmang hi bo jang rikphayarao niha bo thi ba, Gibi jang ang nisi khe thidu, Israelrao ni bising habo elei lonma raoyaba khe ang nuya kho.

MATTHEW 9:33

Bo sgain madai khe rik hunba jang grao jophuyayaba grao jophu lang la kha. Odehe, subung buthu gabang gmang laiba, Israelrao ni bising hade elei nuba giri kho, thi hi bonsi thi ba.

LUKE 7:10

Haiha jaoyarao noh gede thangphin kha ode leng bo hamphin kha thihi nu ba.

LUKE 7:50

Jisu bo masainjik khe thi ba, Nini lonma jang ning khe sogo kha, shanti jang thang lah.

LUKE 7:8

Ang bo malai ni bakhla ha donghi ani bakhla ha siphayarao dong. Ang saosi khe thang thikhade bo thang re, gibin khe phai thikhade, bo phai re. Ode ani leng khe ebo khusi khe dang ang thikhade, bo dang re.