LUKE 7:47 - DARA GADAIN N.T. with PSA and PRO (BSI)

⁴⁷ Odebani, ang ning khe thi du, ebo masainjik khe maya gabang phnu mane boni phap gabang khe ang map khlai kha.

LUKE 7:47 Iomraidhean Croise

MATTHEW 10:37

Sere anthane jar ni buma bupha khe khasaodao, bo ani subung ja phuya; anthane sere jar ni basa-bisik khe khasaodao bo ani subung ja phuya.

LUKE 7:39

Pharisairao bo khe nu dada, khah ha elei bao ba, Ebo subung gorasali gibi thikha la, bo khe dophayaba masainjik sere ar boni hamyathai khe mithima se mu!

LUKE 7:46

Ning de ani khro hah thao doriya, bo de ani igah buthu ha thao midim hu ri ba.

LUKE 7:48

Ode Jisu, bo masainjik khe thi ba, Nini phap dongba si khrip khe ang map khlai kha.

DANGYASARAO 5:31

Bo jar ning Madai ni Raja jang ode sogoyahsa jahi dong mane khlai hi jarni yaoda gede bokhe sugu kha. Israelrao khe phap ni phrang khah phin rihi sogo mane khlai hi,

ROM 5:20

Gajai baradao mani khlai hi dara hapsing phai ba; thikhabo, phap barayaba si ha khasaomabo bara phalang du.

2 KORINTH 5:14

Krista ni hamjaoma jangbo jing khe de lakha, elei jing bao du: khrip subung ni khlai hi, subung saosi thih kha; odebani, khrip subungbo thih ma nang kha.

GALATIA 5:6

Krista Jisu jang baosi jahi dong kha de, raso khlaiyaba ode khlaiyayaba bo musibo gibin jadaoya, thikhabo lonma jang khasaoma ha dangyaba de lab jama se.

EPHESI 6:24

Jini Gabra Jisu Krista khe thaoya si hamjaoyarao khrip ni basao ha khasaoma dong pha lang thing.

PHILIPPI 1:9

Nisi hamjaoma ha bujima jang gyan khrip jadi bara phalang mani khlai hi ang bi du.

1 TIMOTHE 1:14

Odehe, Krista Jisu ha dongyaba lonma jang hamjaoma baosi sophai ba jang, jini Gabra ni khasaoma de anthane khlai hi bo gaphao lang la kha.

1 JOHN 1:7

Bo jnama ha dongba lai, jing bo jnama ha dong khade, jing dongpha lai hi, boni basa Jisu ni thijao jang khrip jini phap khe susa ri du.

1 JOHN 3:18

Ansarao, grao jang se ning ode khuh jang se ning hamjaoba niya hi, gibi grao jang khusi dang hi ja thing.

1 JOHN 4:19

Bo jing khe hamjao da bani jing hamjao du.

1 JOHN 5:3

Madai khe jing maniyaba ebo ning ja kha: bo grao riyaba buthu khe jing mani du; bo grao riyaba buthu de duya.