LUKE 6:23 - DARA GADAIN N.T. with PSA and PRO (BSI)

²³ Oleiba ha nisi khaja hi baithreng lah, bede thikhala nisi yaosandi mai mane sorgo ha thathi hi deng du. Bonsi ni phagarao gorasalirao ni basaoha olei ning dang ba.

LUKE 6:23 Iomraidhean Croise

BAKHAN NI RAJABTHAI 58:11

Gibi subung buthu de yaosandi mai ma ning, Madaibo habsao khe naiso hi dong ma ning thi hi subung buthu thi nang.

MATTHEW 5:12

Khaja hi bai lah, sorgo ha nisi ni khlai hi yaosandi bang bi. Bede thikhade, olei jasosi ning nisi ni sagang ha gorasali dongyaraobo dukhu rijao ba se.

LUKE 1:41

Mari khlimba ni khurang khe khna hi, Elizabeth ni hoh bising ha nana dongyaba mao kha. Ode, Elizabeth niha Bese Gathar gablai ba.

LUKE 1:44

Ning khlimyaba khurang khe khnaba jang ani bohoh bising ha dongyaba nana baijlom kha.

LUKE 6:35

Odebani nisi de jarni sotrurao khe hamjao lah, ode bonsi ham mane khusi dang lah; ar maiphin mane asa jayahi lagai ri lah, odese nisi hamthai ni yaosandi gabang mai hi judao thaoyaba ni sasik ja ma. Bo de khaja ba ringyayarao ode subung phaphirao khe bo khasao re.

DANGYASARAO 14:10

boha, Paul khurang bol jang jirik khao hi, Ning igah jang beleng hi song lah, bo ode thi ba. Ode, bo baijlom khu hi, igah jang hem lang la kha.

DANGYASARAO 3:8

Ode, bo baijlom khuhi, bo song kha, boha ning bo igah jang baijlom khu hi, Madai khe bakhan khlai hi bikhoh ha bo hap pha kha.

DANGYASARAO 5:41

Bisardarrao ni bising ni phrang bonsi baigo ba ha, boni bumu jang laji maikha bani, hamsi ning bonsi khaja kha.

ROM 5:3

Bo se ning niya hi, jing dukhu hadi jayaba buthu habo jing khaja hi, dukhu hadi jayaba de dukhu khah laoma habo slam hi,

2 KORINTH 12:10

Odebani, Krista ni khlai hi de, raoyayaba buthu ha rege jaoyaba buthu ha, gaso suso buthu ha, sujaoyaba buthu ha, ode hamya goronyaba buthu ha de gibi jang ning ani khah mani kha; ang raoyaba ha se ang rao ba.

KOLOSSA 1:24

Duha nisi ni khlai hi dukhu rijaoyaba ha ang khaja du, bede thikhade Krista ni dukhu lagai thaoyaba khe, boni saomang ni khlai hi ang phura khlai du, boni saomang de longjom se.

2 TIMOTHE 2:12

Jing dukhu khalao khade, raji khebo bo jang baosi yaowai ma se; Jodi bokhe jing dangkhlai khade, bobo jing khe dangkhlai ma se;

HEBRAIRAO 11:26

Krista ni khlai hi naisle jaoyaba dukhu de Egypt raji ni khrip gnang thanebo muilo jadao bao ba, bede thikhade boni yaosandi maiginyaba khe bo nai hi ning dong ba.

HEBRAIRAO 11:6

Lonma giri khade Madai khe khusi khlai phuya, asababo Madai niha phaiyaba de, bokhe lonma nang du thi hi ode, bokhe smaiyarao khe bo yaosandi ridu thi hi lonma nang du.

JAKOB 1:2

Ani daphlungrao, jadi jadi nisi nai naiyaba khe goron khade, khrip khusi ni grao se thihi bao lah,

1 PETER 4:13

Nisi Krista jang dukhu khlai phayarao se bani khaja lah; bo muima jang nujao phaikha ning, nisibo khusi jahi khajama jang nisi jirik khao phuma ni khlai hi se bao lah.

NUJAOYABA 2:17

Bese jang longjomrao niha thiyaba grao khe khmao dong khade khna la thing. Bo deyaba si ne manna huikhaoyaba gejesi khe ang ri nang; ode guphu ni longthai bo ang ri nang, bo longthai guphu hade bokhe maiyaba khe garhi de, saosi bo bonsi tharmaiyayaba bumu gadain ha bo sugujao ma se, thi du.

NUJAOYABA 2:26

Bokhe deyaba si ar jamthaoba sosi ang nangjaoba lai dangyaba si de jadi ni basao ha graothai ni hukhum ni hok khe ang ri ma.

NUJAOYABA 2:7

Bese jang longjomrao niha bo grao thiyaba khe khmao dong khade khna la thing. Bo deyaba si khe Madai ni Paradis ha dongyaba hayu ni buphang ni bathai khe ang nisi ne ji ri ma se, thi du.

NUJAOYABA 21:7

Bokhe deyaba si de ebo jinis buthu khe don phantha mai nang, boni Madai ang ja nang, bonsibo ani basa ja ma se.

NUJAOYABA 3:12

Bo deyaba khe, ani Madai ni bikhoh ha thongjerma ang slam nang, bo hathan khe dangkhlaima nang niya kha. Boni ha ning ani Madai ni bumu khe ang reb nang, ode ani Madai ni nogorma ni bumu Jerusalem gadain, sorgo ni ani Madai ni phrang galai phaiyaba bumu jang, bumu gadain khe ang rebbabo reb ma se.

NUJAOYABA 3:5

Bokhe deyaba si de olei jasosi ning sola glaoyaba guphu khe thu rijao nang, ode hayu ni laisima ni phrang boni bumu khe ang khma nang niya. Ani bupha ni sagang ha ar boni deglarao ni sagang ha boni bumu khe ang da khidao ma se.