LUKE 6:21 - DARA GADAIN N.T. with PSA and PRO (BSI)

²¹ Duha nisi hukhri hi dongyarao, nisi ni khophal hambi, Nisini hoh gablai nang. Duha grayarao nisi ni khophal hambi, Nisi mini mai nang.

LUKE 6:21 Iomraidhean Croise

BAKHAN NI RAJABTHAI 107:9

Bo dih gangyaba khe dih gang go ri kha Hukhriyarao khe hamba jimu-gaimu jang hukhri go ri kha.

BAKHAN NI RAJABTHAI 119:136

Nini dara khe maniya bani Ani mudi dikhong ni dih lai riyen lang du.

BAKHAN NI RAJABTHAI 143:6

Nini gede ani yao buthu khe ang sugu du, Ani bese hajengkhong grain lai nini gede gangjao du.

BAKHAN NI RAJABTHAI 17:15

Ang gibi subung bani nini mukhang khe nu phu nang Ang ning jang baosi jahi ani muh nuphu kha ning Ani khasu ha suk ja la nang.

BAKHAN NI RAJABTHAI 28:7

Gabra raoma riyaba de ani phi se, Bokhe ang lon du, bo ang khe juru re; Odebani, ang gabang ning khaja la du, Boni bakhan rajabthai khe ang rajab ma.

BAKHAN NI RAJABTHAI 65:4

Ning je sere saikhuyaba ar nini hakhli ni gabasi ha labuya ba Bonsi ni khophal hamba se. Nini gathar Temple ha, nini noh ni hamba jang Jinthane gablai ri kha.

MATTHEW 5:4

Khah baiyarao de bonsi ni khophal hambi, Bonsi shanti jang dong ma se.

MATTHEW 5:6

Dormo ha hukhri hi dih gangjaoyarao de khophal hambi, Bonsi ni khah gablai ma se.

LUKE 1:53

Hukhri jaoyarao khe hamba jimu jang hoh gablai ri kha, Ode, gnangrao khe yao khongja khlai hi haiha kha.

LUKE 6:20

Jisu naiding hi boni rikphayarao khe nai dada thi ba, Nisi dukhisarao, nisi ni khophal hambi, Madai ni raji de nisi ni se.

LUKE 6:22

Marsi ni Basa ni khlai hi subung buthu nisi khe naisle kha bo, dangkhlai kha bo, jo kha bo, siji kha bo, nisi ni khophal hambi.

LUKE 6:25

Duha nisi hoh gablaiyarao, nisi ni bubain risi bi, Nisi hukhri mai nang. Nisi duha miniyarao, nisi ni bubain risi bi, Khah waimu jang nisi grama se.

JOHN 11:35

Jisu gra ba.

JOHN 4:10

Jisu bokhe thiphin ba, Jodi ning Madai ni yaosandi khe ar nini ha Dih ling ri lah thihi thiyaba khe mithi re thikhade, ning boni phrang dih sain mai ma, ode bo ningthane dih gathang khe rima mu.

JOHN 6:35

Jisu bonsi khe thi ba, Ang ning hayuni hon se. Sere aniha phai du, bo hukhri nang niya, sere ang khe lon du, bo musi khalibo dih gangphinya.

1 KORINTH 4:11

Duha sosibo hukhrijao hi dih gangjao hi ang dong, gainsari bo giri hi, malai ni yao madaojao mani jing dong ba, jini dongthan bo gibi giri;

2 KORINTH 11:27

Thu phuya si dukhu jang lengyaba buthu ha, mai jiya hukhri jao hi, ode dih gangha hi ang dong ba; ri phin mani giri hi, langkhao khao gajang hi ang dukhu mai ba.

2 KORINTH 12:10

Odebani, Krista ni khlai hi de, raoyayaba buthu ha rege jaoyaba buthu ha, gaso suso buthu ha, sujaoyaba buthu ha, ode hamya goronyaba buthu ha de gibi jang ning ani khah mani kha; ang raoyaba ha se ang rao ba.

2 KORINTH 6:10

khaja hi jing dong ba ha, khah waimu mai ba, dukhisa jahi jing dong ba ha, gabang subung khe gnang khlai ba, musibo niya hi, jamthar si jini gaja ja kha.

JAKOB 1:12

Naigrik ha dukhu khah laoyaba de boni khophal hambi bao lah. Nai naiyaba khe dukhu khah laokha ning, Madai ning jar hamjaoyarao niha ri mane hanggaiyaba hayu ni khrothu khe bo mai ma se.

NUJAOYABA 21:3

Singhason ni phrang khurang bol jang jirik khao hi edehe thiba khe ang khna ba: Khna lah, Madai ni noh de subung ni bising ha dong pha nang. Bonsi de jar ni subung buthu ja nang, odehe Madai bonsi jang dongpha nang, bonsi ni Madaibo bo ja ma se.

NUJAOYABA 7:16

Bonsi hukhri nang niya kha, bonsi dih bo gang nang niya kha. Bonsi sain nang nang niya kha, asaba khalibo dungyaba jang dukhu ja nang niya kha;