LUKE 5:24 - DARA GADAIN N.T. with PSA and PRO (BSI)

²⁴ Marsini Basa habsao ha phap buthu khe map khlai phu du thihi nisi khe raothai phnu mane thihi adur khe thi ba, Ang nisi khe thi du, baija lah, nini thuyam khe la lah, ar nini noh ha thang lah!

LUKE 5:24 Iomraidhean Croise

MATTHEW 16:13

Jisu Philip Kaisari haphai ha sophaiba ha, boni yaohon rikphayarao niha sing ba, Subung buthu Marsi ni Basa khe sere thihi thi du?

MATTHEW 25:31

Marsi ni Basa de jar ni deglarao jang baosi jar ni muima ha phai khali ha, jar ni muima khamthan ha bo kham nang;

MATTHEW 26:64

Jisu boni ha thiba, Ang de ning thiyaba ning. Bo niya khabo ang nisi khe thi du, eboni yaohon ha Marsi ni Basa de jar ni raothai jang Madai ni yaoda ha kham hi nokhasao ni jimi sao ha phaiba khe nisi nu nang.

MATTHEW 28:18

Jisu bonsi ni gabasi ha phai hi, bonsi khe thiba, Sorgo jang phirthi ni khrip khemotha khe aniha rithar kha.

MATTHEW 4:24

Odehe, Suria raji khrip ha boni graojma gublung thar ba. Odebani, khrip subung limyaba ar jadi jadi sathai sayarao, sgainjik gajaoyarao, murkhi jayarao, adur jayarao khe boni ha labu ba, ode, bonsi khe bo ham rithar ba.

MATTHEW 9:6

Asaba bo ja thing, habsao ha Marsi ni Basa niha ning phap map khlai phuyaba raothai dong thihi nisi tharmai mane khlai hi, (ode, adur jayaba khe thi ba), Baija hi nini thuyam khe sugu hi, ning jar ni noh ha thang lah.

LUKE 5:13

Jisu yao phlao dada bo khe dopha hi bo khe thi ba, Ang nangjao du, ning ragao lang lah. Boha ning boni khunthi ham lang kha.

LUKE 5:18

Boha ning subung gejesi, sao adur jayaba khe thuyam ha bainbu hi phai ba. Ode Jisu ni rogong ha dengma bao ba.

LUKE 5:23

Nini phap khe map khlai kha thiba laidao na baija hi igah jang hem lang lah thiba, sumbo laidao?

LUKE 7:14

Bo sampha hi dolei khe rem ba, bo khe bainyarao songthao kha. Jisu thi ba, Nagadao, ang ning khe thi du, baija lah.

LUKE 8:54

Thikhabo, Jisu ansa ni yao khe rem dada, Nandi, baija lah, thi ba.

JOHN 11:43

Ebo grao khe bo thi hi, Jisu khurang si jirik khao hi longhun ba, Lazaras, bajiha phai lah.

JOHN 17:2

Bede thikhade ning khrip subung ni basao ha hok ri ba, serene ning ri riba bo buthu khrip nebo thaoglao ni hayu riphu mane.

JOHN 3:13

Sere saosi sorgo ni phrang phai ba, Marsini Basa khe garhi saosi bo sorgo ha gakhu langphuya.

JOHN 5:27

Odehe, Marsi ni Basa jabani bokhe bisar khlai mani khemotha bo ri ba.

DANGYASARAO 14:10

boha, Paul khurang bol jang jirik khao hi, Ning igah jang beleng hi song lah, bo ode thi ba. Ode, bo baijlom khu hi, igah jang hem lang la kha.

DANGYASARAO 5:31

Bo jar ning Madai ni Raja jang ode sogoyahsa jahi dong mane khlai hi jarni yaoda gede bokhe sugu kha. Israelrao khe phap ni phrang khah phin rihi sogo mane khlai hi,

DANGYASARAO 9:34

Peter bokhe thi ba, Ainia, Jisu Krista ning khe ham ri kha, baija hi nini yenyaba khe thon lah. Boha ning bo srap baija kha.

DANGYASARAO 9:40

Peter de bonsi khrip khe bo baigothar rihi, yasgu thuhi, bo Madai biba. Ode, manggathi khe bo nehi, Tabitha, baija lah, ode bo thi ba. Boha ning bo baija hi muthai nai kha, ode Peter khe bo nuba jang bo kham kha.

NUJAOYABA 1:13

ar thaophari dengthan hade, Marsi ni Basa lai, subung saosi, yapha sosi sola glao thu hi, khahbao ha gajao ni jengsdu khahi dongyaba khe ang nu ba.